location:laos.china.com > ຂ່າວ > ຂ່າວອາຊຽນ > ເນື້ອໃນ

ICBC ສາຂາ​ວຽງ​ຈັນ​​ໃຫ້ການ​ຊ່ວຍ​ເຫຼືອ​ເຂດ​ປະສົບ​ໄພ​ພາກ​ກາງ​​ແລະພາກ​ໃຕ້​ລາວ​ໃນ​ວົງ​ເງິນ 180 ພັນ​ໂດ​ລາ

2019-09-18 10:31:30

ວັນ​ທີ 17 ກັນຍາ​ນີ້, ທະນາຄານ​ອຸດສາຫະກຳ-ການ​ຄ້າຈີນ ຫຼື ICBC ສາຂາ​ວຽງ​ຈັນ ​ໄດ້​ມອບ​ເງິນ​ຈຳນວນ 180.000 ​ໂດ​ລາ​ສະຫະລັດ​ໃຫ້​ແກ່​ສຳນັກງານ​ນາຍົກລັດຖະມົນຕີລາວ​​ເພື່ອ​ນຳ​ໃຊ້​ເຂົ້າ​ໃນ​ການ​ຊ່ວຍ​ເຫຼືອ​ເຂດ​ປະສົບ​​ໄພ​ນ້ຳ​ຖ້ວມ​ທີ່​ເກີດ​ຂຶ້ນຢູ່​ພາກ​ກາງ​ແລະພາກ​ໃຕ້​ລາວ ​ໂດຍ​ແມ່ນທ່ານ​ທອງ​ລຸນ ສີ​ສຸ​ລິດ ນາຍົກລັດຖະມົນຕີລາວ​ໄດ້ຕາງໜ້າ​ລັດຖະບານ​​​ເປັນ​ຜູ້ຮັບ​ເງິນຈຳນວນ​ດັ່ງກ່າວ ທັງ​ສະ​ແດງ​ຄວາມ​ຂອບ​ໃຈ​ຕໍ່ ICBC ສາຂາ​ວຽງ​ຈັນທີ່​ໄດ້​ໃຫ້ການ​ຊ່ວຍ​ເຫຼືອ​ໃນ​ຄັ້ງນີ້.

​ໂດຍ​ໄດ້​ຮັບ​ຜົນ​ກະທົບ​ຈາກ​ລົມພາຍຸ​ໄຕ້​ຝຸ່ນ ຢາງຫຼິວ, 6 ​ແຂວງພາກ​ກາງ​ແລະ​ພາກ​ໃຕ້​ຂອງ​ລາວ​ໄດ້ປະສົບ​ໄພ​ນ້ຳ​ຖ້ວມ​ຢ່າງ​ຮ້າຍ​ແຮງ ສ້າງ​ຜົນ​ກະທົບ​ຕໍ່ຊີວິດ​ການ​ເປັນ​ຢູ່​ຂອງປະຊາຊົນ​ທ້ອງ​ຖິ່ນຢ່າງ​ໜັກໜ່ວງ. ​ສະນັ້ນ, ICBC ສາຂາ​ວຽງ​ຈັນຈຶ່ງ​ໄດ້​ຕອບ​ສະໜອງ​ຕາມ​ການສະ​ເໜີຂອງ​ສະຖານທູດ​ຈີນ​ປະຈຳ​ລາວ, ທະນາຄານ​​ແຫ່ງ ສປປ ລາວ ​ແລະ ສະພາ​ການ​ຄ້າ​ຊາວ​ຈີນ​ຕ່າງ​ດ້າວ​ປະຈຳ ສປປ ລາວ ​ແລະ​ໄດ້​ຮັບ​ການ​ອະນຸມັດ​ຈາກ​ຂັ້ນ​ເທິງ​ເພື່ອ​ໃຫ້​ການ​ຊ່ວຍ​ເຫຼືອ​​ໃນ​ຈຳນວນ 150.000 ​ໂດ​ລາ​ສະຫະລັດ. ຂະນະ​ດຽວ​ກັນ, ພະນັກງານ​ຂອງ ICBC ສາຂາ​ວຽງ​ຈັນ​ທັງຫຼາຍກໍ​ມີ​ສ່ວນ​ຮ່ວມ​ຢ່າງ​ຫ້າວຫັນ ​ໄດ້ຮ່ວມ​ກັນ​ບໍລິຈາກ​ອີກ 30.000 ​ໂດ​ລາ​ສະຫະລັດ. ລວມທັງ​ໝົດແລ້ວ, ICBC ສາຂາ​ວຽງ​ຈັນ​ໄດ້​ບໍລິຈາກ​​ໃຫ້ການ​ຊ່ວຍ​ເຫຼືອ​ເຂດ​ປະສົບ​ໄພ​​ໃນ​ວົງ​ເງິນທັງ​ໝົດ 180.000 ​ໂດ​ລາ​ສະຫະລັດ.

ICBC ສາຂາ​ວຽງ​ຈັນ​ໃຫ້ການ​ຊ່ວຍ​ເຫຼືອ​ຄັ້ງນີ້ ​ເປັນ​ການສະ​ແດງ​ໃຫ້​ເຫັນ​ເຖິງ​ນ້ຳ​ໃຈ​ແຫ່ງ​ການ​ຊ່ວຍ​ເຫຼືອ​ເຊິ່ງກັນ​ແລະ​ກັນ​ແລະຮ່ວມ​ມື​ກັນ​ເພື່ອ​ຜ່ານ​ຜ່າ​ຄວາມ​ຫຍຸ້ງຍາກ​ລະຫວ່າງປະຊາຊົນ​ສອງ​ຊາດ​ຈີນ-ລາວອີກ​ຄັ້ງ​ໃໝ່ ​ແລະ ​ເປັນ​ການປະຕິບັດຕາມ​ຂອບການ​ສ້າງ​ຄູ່​ຮ່ວມ​ຊາຕາກຳ​ຈີນ-ລາວ​ດ້ວຍ​ການ​ກະທຳ​ຕົວ​ຈິງ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ