location:laos.china.com > ຂ່າວ > ຂ່າວອາຊຽນ > ເນື້ອໃນ

ສະຖານທູດຈີນປະຈຳລາວ,ຊາວຈີນຢູ່ລາວແລະຊາວລາວເຊື້ອສາຍຈີນຮ່ວມກັນຕ້ອນຮັບວັນຊາດຈີນແລະສະຫຼອງບຸນໄຫວ້ພະຈັນ

2019-09-16 17:18:42

ຕອນຄ່ຳວັນທີ 12 ກັນຍານີ້,ສະມາຄົມຊາວຈີນຢູ່ລາວແລະຊາວລາວເຊື້ອສາຍຈີນແລະວິສາຫະກິດຈີນຢູ່ລາວໄດ້ຮ່ວມກັນຈັດງານສະເຫຼີມສະຫຼອງວັນສະຖາປະນາສາທາລະນະລັດປະຊາຊົນຈີນຄົບຮອບ 70 ປີແລະງານບຸນໄຫວ້ພະຈັນ. ໂດຍມີເຈົ້າໜ້າທີ່ພັກລັດຂອງຈີນແລະລາວກໍຄືຜູ້ຕາງໜ້າວົງການຕ່າງໆ 1 ພັນກວ່າຄົນໄດ້ເຂົ້າຮ່ວມ, ທ່ານ ຈ່ຽງໄຈ້ຕຸ່ງ ເອກອັກຄະລັດຖະທູດຈີນປະຈຳລາວໄດ້ເຂົ້າຮ່ວມແລະກ່າວຄຳປາໄສໃນງານຕາມຄຳເຊີນ.

ແຂກຜູ້ມີກຽດແລະວົງການຕ່າງໆຂອງລາວໄດ້ສະແດງຄວາມຍ້ອງຍໍຢ່າງສູງຕໍ່ຜົນສຳເລັດອັນສະຫງ່າລີສີທີ່ຈີນຍາດມາໄດ້ຕັ້ງແຕ່ການສ້າງຕັ້ງສາທາລະນະລັດປະຊາຊົນຈີນ 70 ປີມານີ້,ເຊື່ອວ່າພາຍໃຕ້ການນຳພາທີ່ເຂັ້ມແຂງຂອງພັກກອມມູນິດຈີນທີ່ມີທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນເປັນແກນນຳ,ປະຊາຊົນຈີນຍ່ອມຈະສາມາດຜ່ານຜ່າຄວາມຫຍຸ້ງຍາກຕ່າງໆນາໆໃນເສັ້ນທາງກ້າວເດີນໄປໜ້າ,ແລະຈະສາມາດບັນລຸຄວາມຝັນທີ່ຈະຟື້ນຟູຄວາມຈະເລີນຮຸ່ງເຮືອງຂອງຊາດອັນຍິ່ງໃຫຍ່ໄດ້ຢ່າງມີໄຊ. ພັກລັດແລະປະຊາຊົນລາວຍິນດີຮ່ວມຈິດຮ່ວມໃຈເປັນນ້ຳໜຶ່ງໃຈດຽວກັບຈີນຢ່າງເດັດດ່ຽວໜຽວແໜ້ນ,ເພີ່ມທະວີຄວາມສາມັກຄີກັນ,ເປີດກວ້າງການຮ່ວມມື,ຊຸກຍູ້ຄູ່ຮ່ວມຊາຕາກຳລາວ-ຈີນໃຫ້ບັນລຸຜົນເປັນຈິງແລະແຕກດອກອອກຜົນ.

ສື່ມວນຊົນທີ່ສຳຄັນຫຼາຍແຫ່ງຂອງລາວກໍຄືສຳນັກຂ່າວສານຊີນຮວາ,ວິທະຍຸສາກົນແຫ່ງປະເທດຈີນຫຼືCRI,ຂ່າວສານວ໋າງຢີ້ແລະສື່ມວນຊົນຈີນແຫ່ງອື່ນໆໄດ້ລາຍງານຂ່າວດັ່ງກ່າວຢ່າງຮອບດ້ານ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ