location:laos.china.com > ຂ່າວ > ຂ່າວອາຊຽນ > ເນື້ອໃນ

ອາສາສະໝັກຊາວໜຸ່ມຈີນຊຸດທີ 11 ຈະໄປປະຈຳເຮັດວຽກຢູ່ແຫ່ງຕ່າງໆຂອງລາວ

2019-09-11 16:47:06

ຕາມຂ່າວ CRI: ພິທີມອບ-ຮັບອາສາສະໝັກຊາວໜຸ່ມຈີນຊຸດທີ 11 ໄດ້ຈັດຂຶ້ນໃນວັນທີ 10 ກັນຍາ 2019 ນີ້ ທີ່ສູນກາງຊາວໜຸ່ມ ນະຄອນຫຼວງວຽງຈັນ ໂດຍມີທ່ານນາງ ວິລະວອນ ພັນທະວົງ ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ທ່ານ ອູ່ປິ່ນ ຜູ້ນໍາພາອາສາສະໝັກຈີນ, ຮອງເລຂາຄະນະຊາວໜຸ່ມກອມມູນິດກຳແພງນະຄອນຊຽງໄຮ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ເພື່ອສືບຕໍ່ເສີມຂະຫຍາຍສາຍພົວພັນຂອງຄະນະນໍາຊາວໜຸ່ມສອງປະເທດ ໃນການແລກປ່ຽນບົດຮຽນ ແລະຖ່າຍທອດຄວາມຮູ້ທາງດ້ານວິຊາການໃຫ້ພະນັກງານວິຊາການຝ່າຍລາວ ທັງພາກລັດ ແລະເອກະຊົນໃນສະຖາບັນການສຶກສາ, ສາທາ, ກິລາ ແລະເຕັກນິກວິຊາການໃນຂະແໜງການທີ່ກ່ຽວຂ້ອງ ພ້ອມດຽວກັນນັ້ນກໍ່ເພື່ອເຮັດໃຫ້ອາສາສະໝັກຈີນທີ່ມາເຄື່ອນໄຫວຢູ່ ສປປ ລາວ ໄດ້ຮຽນຮູ້ກ່ຽວກັບປະເພນີ, ວັດທະນະທໍາ ແລະການພັດທະນາເສດຖະກິດ-ສັງຄົມຂອງລາວໃຫ້ກວ້າງຂວາງຫຼາຍຂຶ້ນຕື່ມ.

ຂ່າວແຈ້ງວ່າ: ອາສາສະໝັກຊາວໜຸ່ມຈີນທີ່ມາເຮັດວຽກຢູ່ ສປປ ລາວ ໃນຄັ້ງນີ້ ມີທັງໝົດ 13 ທ່ານ ເຊິ່ງຈະໄດ້ໄປປະຈຳເຮັດວຽກຢູ່ແຫ່ງຕ່າງໆເຊັ່ນ: ສະຖານີວິທະຍຸກະຈາຍສຽງແຫ່ງຊາດລາວ, ໂຮງຮຽນນານາຊາດປັນຍາທິບ, ໂຮງໝໍ 5 ເມສາ, ໂຮງໝໍມະໂຫສົດ, ພະແນກຂໍ້ມູນຂ່າວສານ ສູນກາງ ຊປປລ, ສູນພັດທະນາວິຊາຊີບຊາວໜຸ່ມ-ເຍົາວະຊົນ ແລະກົມກິລາສາຍສູງກະຊວງສຶກສາທິການ ແລະກິລາ ເປັນເວລາ 6 ເດືອນ. ນອກນີ້ ຍັງຈະໄດ້ແລກປ່ຽນບົດຮຽນ ແລະຖ່າຍທອດເຕັກນິກວິຊາການໃນຂະແໜງການທີ່ກ່ຽວຂ້ອງ ເພື່ອປະກອບສ່ວນເສີມຂະຫຍາຍເນື້ອໃນການເປັນຄູ່ຮ່ວມມືຍຸດທະສາດຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງຊາດລາວ-ຈີນ ເວົ້າລວມ ເວົ້າສະເພາະ ກໍ່ແມ່ນອົງການຈັດຕັ້ງຊາວໜຸ່ມຂອງສອງປະເທດໃຫ້ນັບມື້ນັບແໜ້ນແຟ້ນຂຶ້ນໄປເລື້ອຍໆ.



ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ