location:laos.china.com > ຂ່າວ > ຂ່າວອາຊຽນ > ເນື້ອໃນ

ພິ​ທີ​ມອບ​ຮັບ​ເຮືອນ​ພັກ​ເຄື່ອນ​ທີ່ 100 ຊຸດ​ທີ່​ຈີນຊ່ວຍ​ເຫຼືອ​ມຽນ​ມ້າ​ຈັດ​ຂຶ້ນ​ຢູ່ຢາງ​ກຸ້ງ

2018-01-07 14:05:15

   ທ່ານ​ຫົງ​ລ້ຽງ​ກ່າວ​ໃນ​ພິ​ທີ​ວ່າ, ຫວັງ​ວ່າການບໍ​ລິ​ຈາກ​ເຮືອນ​ພັກ​ເຄື່ອນ​ທີ່​ຄັ້ງ​ນີ້​ສາ​ມາດ​ຊ່ວຍ​ເຫຼືອ​ລັດ​ຖະ​ບານ​ມຽນ​ມາ​ເພື່ອ​ສັບ​ຊ້ອນ​ປະ​ຊາ​ຊົນພະ​ເນ​ຈອນ​ຂອງລັດ​ຍະ​ໄຂ່​ໃຫ້​ດີ​ຂຶ້ນ​ຕື່ມ​ອີກ, ຈີນ​ຍິນ​ດີ​ໃຫ້​ການ​ຊ່ວຍ​ເຫຼືອ​ຕື່ມ​ອີກ​ຕາມ​ຄວາມ​ຕ້ອງ​ການ​ຂອງ​ມຽນ​ມາ. ທ່ານ​ຫົງ​ລ້ຽງ​ຍັງ​ກ່າວ​ວ່າ, ຈີນ​ສະ​ໜັບ​ສະ​ໜູນ​ມຽນ​ມາ​ທຳ​ຄວາມ​ພະ​ຍາ​ຍາມ​ເພື່ອ​ຮັກ​ສາ​ຄວາມ​ໝັ້ນ​ຄົງ​ຂອງ​ລັດ​ຍະ​ໄຂ່, ຮຽກ​ຮ້ອງ​ໃຫ້​ປະ​ຊາ​ຄົມ​ໂລກ​ໃຫ້​ການ​ຊ່ວຍ​ເຫຼືອ​ທີ່​ມີ​ລັກ​ສະ​ນະ​ສ້າງ​ສັນ​ແກ່​ມຽນ​ມາ.

ທ່ານ​ອູ​ວິນ​ຄາຍ​ກ່າວ​ວ່າ, ເຮືອນ​ພັກ​ເຄື່ອນ​ທີ່ທີ່​ຈີນ​ບໍ​ລິ​ຈາກ​ໃຫ້​ມຽນ​ມາ​ໃນ​ເດືອນ​ກຸມ​ພາ​ປີ 2016 ໄດ້​ເສີມ​ຂະ​ຫຍາຍ​ບົດ​ບາດ​ອັນ​ຕັ້ງ​ໜ້າ​ຢູ່​ລັດ​ຍະ​ໄຂ່​ແລະ​ເຂດ​ປະ​ສົບ​ໄພ​ອື່ນໆ. ທ່ານ​ຂໍ​ຕາງ​ໜ້າ​ລັດ​ຖະ​ບານ​ມຽນ​ມາ​ຂອບ​ໃຈ​ຈີນ​ທີ່​ໄດ້​ໃຫ້​ການ​ຊ່ວຍ​ເຫຼືອ​ໃນ​ເວ​ລາ​ມຽນ​ມາ​ມີ​ຄວາມ​ຕ້ອງ​ການ.

ຂ່າວ​ແຈ້ງວ່າ, ນີ້​ແມ່ນ​ເທື່ອ​ທີ 2 ທີ່​ຈີນ​ບໍ​ລິ​ຈາກ​ເຮືອນ​ພັກ​ເຄື່ອນ​ທີ່​ໃຫ້​ແກ່​ມຽນ​ມາ, ຈີນ​ເຄືຍບໍ​ລິ​ຈາກ​ເຮືອນ​ພັກ​ເຄື່ອນ​ທີ່ 232 ຊຸດ​ໃຫ້​ລັດ​ຖະ​ບານ​ມຽນ​ມາ​ໃນ​ເດືອນ​ກຸມ​ພາ ປີ 2016​ເພື່ອ​ຊ່ວຍ​ມຽນ​ມາ​​ສັບ​ຊ້ອນ​ປະ​ຊາ​ຊົນ​ປະ​ສົມ​ໄພ​ນ້ຳ​ຖ້ວມ.

ນອກ​ນີ້, ຈີນ​ຍັງ​ໃຫ້​ການ​ສະ​ໜັບ​ສະ​ໜູນ​ດ້ານ​ບຸກ​ຄະ​ລາ​ຄອນ​ແລະ​ເຕັກ​ນິກ, ຊີ້​ນຳ​ພະ​ນັກ​ງານ​ມຽນ​ມາຕິດ​ຕັ້ງ​ເຮືອນ​ພັກ​ເຄື່ອນ​ທີ່ ແລະ ຊ່ວຍ​ອົບ​ຮົມ​ຊ່າງເຕັກ​ນິກ​ມຽ​ນ​ມາ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ