location:laos.china.com > ຂ່າວ > ຂ່າວອາຊຽນ > ເນື້ອໃນ

ສະຫາຍສີຈິ້ນຜິງພົບປະສະຫາຍຈູມມາລີ ໄຊຍະສອນ

2017-11-14 08:54:58

ວັນທີ 13 ພະຈິກນີ້ ສະຫາຍສີຈິ້ນຜິງ ເລຂາທິການໃຫຍ່ຄະນະກຳມະການສູນ ກາງພັກກອມມູນິດຈີນ ປະທານປະເທດ ສປ ຈີນໄດ້ພົບປະກັບສະຫາຍຈູມມາລີ ໄຊຍະສອນ ອະດີດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ອະ​ດີດປະທານປະເທດ ສປປ ລາວຢູ່ນະຄອນຫຼວງວຽງຈັນ.

ສະຫາຍສີຈິ້ນຜິງຊີ້ອອກວ່າ, ໃນໄລຍະ 10 ປີທີ່ ດຳລົງຕຳແໜ່ງເປັນຜູ້ນຳສູງສຸດຂອງ ພັກແລະລັດຖະບານລາວ, ສະຫາຍຈູມມາລີ ໄຊຍະສອນ​ກໍໃຫ້ຄວາມສຳຄັນຕໍ່ການຂະຫຍາຍ ການພົວພັນມິດຕະພາບຈີນ
ລາວມາ​ໂດຍຕະຫຼອດ, ສະຫາຍໄດ້ເອົາໃຈໃສ່ ແລະຊຸກຍູ້ການ ແລກປ່ຽນແລະຮ່ວມມືລະຫວ່າງສອງປະເທດໃນທຸກຂົງເຂດ ​ເຊິ່ງ​ເປັນ​ການປະກອບສ່ວນ​ທີ່ສຳຄັນເຮັດໃຫ້ການພົວພັນລະຫວ່າງຈີນລາວ ບັນລຸການພັດທະນາແບບກ້າວກະໂດດ ແລະ​ເສີມ​ຂະ​ຫຍາຍມິດຕະພາບອັນເປັນມູນເຊື້ອລະຫວ່າງຈີນລາວ​ເຂົ້າ​ສູ່​ລວງ​ເລິກ.

ສະຫາຍສີຈິ້ນຜິງກ່າວເນັ້ນວ່າ, ຜົນງານທີ່ສຳຄັນຂອງກອງປະຊຸມໃຫຍ່ຄັ້ງທີ 19 ຂອງພັກ ກອມມູນິດຈີນມີຜົນດີຕໍ່ການສ້າງການພົວພັນສາກົນແບບໃໝ່ ແລະສ້າງປະຊາຄົມຮ່ວມຊາ ຕາກຳທີ່ມີຄວາມໝາຍຍຸດທະສາດລະຫວ່າງຈີນລາວ.ຂ້າພະເຈົ້າ
ມາຢ້ຽມຢາມ ສປປ ລາວໃນຄັ້ງນີ້ ກໍເພື່ອຊຸກຍູ້ໃຫ້ການພົວພັນ​ລະ​ຫວ່າງ​ສອງ​ປະ​ເທດກ້າວຂຶ້ນສູ່ລະ​ດັບໃໝ່. ຂ້າພະເຈົ້າ ໄດ້ພົບປະກັບສະຫາຍບຸນຍັງ ວໍລະຈິດ ແລະໄດ້ຮັບຜົນ​ຢ່າງຫຼວງຫຼາຍ ທັງ​ບັນ​ລຸ​ຄວາມ​ເປັນເອກະພາບກັນຢ່າງກວ້າງຂວາງ 
​ເຊິ່ງ​ເປັນ​ການ​ວາດ​ມະ​ໂນ​ພາບ​ແຜນ​ການ​ທີ່ຍິ່ງໃຫຍ່​ແຫ່ງ​ການຂະຫຍາຍການ ພົວພັນລະຫວ່າງສອງປະເທດ. ຫວັງວ່າສະຫາຍຈູມມະລີ ໄຊຍະສອນ ​ຈະສືບຕໍ່ສົນ​ໃຈແລະສະໜັບສະໜູນການຂະຫຍາຍການພົວພັນຈີນ
ລາວ ​ແລະເສີມຂະຫຍາຍ 
ບົດບາດ​ຂອງ​ຕົນໃນການຊຸກຍູ້ການພົວພັນຈີນ
ລາວ​ໃຫ້ຂະຫຍາຍໄປຕາມທິດ​ທາງທີ່ຖືກຕ້ອງ.

ສະຫາຍຈູມມາລີ ໄຊຍະ​ສອນ ຊົມເຊີຍກອງປະຊຸມໃຫຍ່ຄັ້ງທີ 19 ຂອງພັກກອມມູ ນິດຈີນໄດ້ຮັບຜົນງານຄັ້ງປະຫວັດສາດໃນຫຼາຍດ້ານ, ​ໂດຍ​ສະ​ເພາະໄດ້ຂຽນແນວຄິດ ສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເຂົ້າສູ່ກົດລະ
ບຽບພັກ. ສະຫາຍສີຈິ້ນຜິງແມ່ນເພື່ອນເກົ່າຂອງປະຊາຊົນລາວ, ການຢ້ຽມຢາມ ສປປ ລາວ ໃນຄັ້ງນີ້ມີຄວາມໝາຍ​ທາງປະຫວັດສາດໃນການພົວພັນລະຫວ່າງສອງປະເທດ. ຈີນແມ່ນປະເທດ ບ້ານໃກ້ເຮືອນຄຽງທີ່ດີຂອງລາວ ແລະກໍແມ່ນ​ກ້ອນ
ກຳລັງ​ທີ່ສຳຄັນໃນວຽກງານສາກົນ. ລາວສຸມໃສ່ ຊຸກຍູ້ການແລກປ່ຽນແລະຮ່ວມມືລະຫວ່າງສອງພັກ ສອງລັດ ແລະ​ເສີມ​ຂະ​ຫຍາຍການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ
ຈີນ ​ໃຫ້​ເຂົ້າສູ່ລວງເລິກ..


 


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ