location:laos.china.com > ຂ່າວ > ຂ່າວອາຊຽນ > ເນື້ອໃນ

ເຮືອນ້ອຍອິດທິລິດ ໄດ້​ຄອງ​ຂັນ​ຊະ​ນະ​ເລີດໃນການແຂ່ງຂັນເຮືອຊ່ວງປະຈໍາປີ 2017

2017-10-07 15:10:51

ເຮືອນ້ອຍອິດທິລິດ ເຮືອຊ່ວງ 55 ສີພາຍ ຄວ້າຂັນລາງວັນເງິນສົດ 1 ກິໂລ ພ້ອມເງິນສົດມູນຄ່າ 20 ລ້ານກີບ ພ້ອມທັງໄດ້ຂັນໝູນວຽນໄປຄອງເປັນປີທີ 2 ໃນງານແຂ່ງຂັນເຮືອຊ່ວງປະຈໍາປີ 2017 ທີ່ຈັດຂຶ້ນໃນວັນທີ 6 ຕຸລາ 2017 ນີ້, ທີ່ແຄມຂອງທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ເປັນກຽດມອບຂັນລາງວັນໂດຍທ່ານ ນາງ ບົວລອນ ວົງດາລາແສນ ເຈົ້າເມືອງເມືອງຈັນທະບູລີ ມີບັນດາແຂກທີ່ເຊີນ, ບໍລິສັດຫ້າງຮ້ານທີ່ໃຫ້ການສະໜັບສະໜູນ ແລະ ບັນດາສີພາຍ, ມວນຊົນຈຳນວນຫຼວງຫຼາຍ 100 ຄົນເຂົ້າຮ່ວມເປັນພິຍານ.

ສໍາລັບການແຂ່ງຂັນເຮືອຊ່ວງປີນີ້, ປະກອບມີເຮືອປະເພນີຊາຍ 9 ລໍາ, ເຮືອປະເພນີຍິງ 5 ລໍາ, ເຮືອສູດຊາຍ 5 ລໍາ ແລະ ເຮືອ 12 ສີພາຍ 15 ລໍາເຂົ້າຮ່ວມແຂ່ງຂັນ. ຜົນການແຂ່ງຂັນເຮືອປະເພນີຊາຍ 55 ສີພາຍ ທີ່ໄດ້ຄອງ​ຊະ​ນະ​ເລີດປີນີ້, ໄດ້ແກ່ເຮືອນ້ອຍອິດທິລິດ ແລະ ໄດ້ຮັບເງິນລາງວັນມູນຄ່າ 20 ລ້ານກີບ, ພ້ອມຂັນລາງວັນເງິນສົດໜັກ 1 ກິໂລ, ແລະ ຍັງໄດ້ຂັນໝູນວຽນໄປຄອງເປັນປີທີ 2, ທີສອງເຮືອພັນທະມິດກໍ່ສ້າງ ໄດ້ຮັບເງິນສົດ 15 ລ້ານກີບ ພ້ອມຂັນລາງວັນເງິນສົດໜັກ 0,7 ກິໂລ. ທີສາມເຮືອພອນພະແກ້ວໄດ້ຮັບເງິນລາງວັນ 10 ລ້ານກີບ ແລະ ຂັນລາງວັນເງິນສົດໜັກ 0,5 ກິໂລ ແລະ ທີສີ່ໄດ້ແກ່ເຮືອລາວໂຕໂຍຕ້າ ໄດ້ຮັບເງິນລາງວັນ 6 ລ້ານກີບ. 

ຂະນະທີ່ເຮືອປະເພນີຍິງຊະນະເລີດໄດ້ແກ່ເຮືອແສນດິນ ໄດ້ຮັບເງິນລາງວັນມູນຄ່າ 20 ລ້ານກີບ, ພ້ອມຂັນລາງວັນເງິນສົດໜັກ 1 ກິໂລ, ແລະ ທີສອງເຮືອລາວໂຕໂຍຕ້າ ໄດ້ຮັບເງິນສົດ 15 ລ້ານກີບ ພ້ອມຂັນລາງວັນເງິນສົດໜັກ 0,7 ກິໂລ. ທີສາມເຮືອຊາວໜຸ່ມເມືອງໄຊທານີ ໄດ້ຮັບເງິນລາງວັນ 10 ລ້ານກີບ ແລະ ຂັນລາງວັນເງິນສົດໜັກ 0,5 ກິໂລ ແລະ ທີສີ່ໄດ້ແກ່ເຮືອຫົງແມ່ຍ່າ ໄດ້ຮັບເງິນລາງວັນ 6 ລ້ານກີບ. ສ່ວນເຮືອສູດຊາຍ ຊະນະເລີດໄດ້ແກ່ເຮືອນາວາສັກສິດ ໄດ້ຮັບເງິນລາງວັນມູນຄ່າ 15 ລ້ານກີບ, ພ້ອມຂັນລາງວັນເງິນສົດໜັກ 1 ກິໂລ, ທີສອງເຮືອທ່າພະ ໄດ້ຮັບເງິນສົດ 10 ລ້ານກີບ ພ້ອມຂັນລາງວັນເງິນສົດໜັກ 0,7 ກິໂລ. ທີສາມເຮືອນະຄອນຫຼວງອຸດສາຫະກໍາເຫຼັກຈຳກັດ ໄດ້ຮັບເງິນລາງວັນ 5 ລ້ານກີບ ແລະ ຂັນລາງວັນເງິນສົດໜັກ 0,5 ກິໂລ ແລະ ທີສີ່ໄດ້ແກ່ເຮືອເຈົ້າແມ່ປະກາສິດ ໄດ້ຮັບເງິນລາງວັນ 4 ລ້ານກີບ ແລະ ເຮືອ 12 ສີພາຍຊະນະເລີດໄດ້ແກ່ເຮືອເທບພິຊິດໄຊ ໄດ້ຮັບເງິນລາງວັນມູນຄ່າ 10 ລ້ານກີບ, ພ້ອມຂັນລາງວັນເງິນສົດໜັກ 1 ກິໂລ, ທີສອງເຮືອເທບອໍາມະລິນ ໄດ້ຮັບເງິນສົດ 8 ລ້ານກີບ ພ້ອມຂັນລາງວັນເງິນສົດໜັກ 0,7 ກິໂລ. ທີສາມເຮືອລໍາມໍເຕີ ໄດ້ຮັບເງິນລາງວັນ 6 ລ້ານກີບ ແລະ ຂັນລາງວັນເງິນສົດໜັກ 0,5 ກິໂລ ແລະ ທີສີ່ໄດ້ແກ່ເຮືອຫາຍໂສກ ໄດ້ຮັບເງິນລາງວັນ 4 ລ້ານກີບ. ນອກນັ້ນຍັງມີລາງວັນເຮືອງາມ ແລະ ລາງວັນເຮືອໄຟງາມນຳອີກ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ