location:laos.china.com > ຂ່າວ > ຂ່າວອາຊຽນ > ເນື້ອໃນ

ຊາວພຸດທະສາຊະນິກະຊົນ ຮ່ວມ ກັນໄຕ້ໂຄມໄຟ 1,999 ອັນ ທີ່ວັດອົງຕື້ ມະຫາວິຫານ

2017-10-06 15:57:37

ໃນໂອກາດງານບຸນອອກພັນສາປະວໍຣະນາ ປະຈໍາປີ 2017 ຢູ່ວັດອົງຕື້ ມະຫາວິຫານ ນະຄອນຫຼວງວຽງຈັນ ໄດ້ຈັດໃຫ້ມີການໄຕ້ໂຄມໄຟ ຈໍານວນ 1,999 ອັນ ຂຶ້ນ ໃນຄໍ່າຄືນ (ວັນເພັງຂຶ້ນ 15 ຄໍ່າ ເດືອນ 11 ລາວ), ເຊິ່ງກົງກັບວັນທີ 5 ຕຸລາ 2017 ໂດຍມີພະສົງສໍາມະເນນ ພ້ອມທັງເຖົ້າແກ່ ແນວໂຮມບ້ານ ແລະ ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມຢ່າງຫຼວງຫຼາຍ.

ການໄຕ້ໂຄມໄຟຂຶ້ນໃນເຂດວັດ ແລະ ຢູ່ຕໍ່ໜ້າສິມ ເພື່ອເປັນການບູຊາພະລັດຕະນະໄຕ ແລະ ຖືວ່າໄດ້ບຸນກຸສົນຫລາຍຢ່າງ. ສ່ວນການໄຫຼເຮືອໄຟທີ່ປ່ອຍໄປຕາມລໍານໍ້າ ຫຼື ເຮືອໄຟໂຄກກໍ່ດີ, ທີ່ນອກຈາກເປັນການລະລຶກເຖິງການບູຊາຮອຍພະພຸດທະບາດຂອງອົງສໍາມາສຳພຸດທະເຈົ້າແລ້ວ , ຄົນລາວ ແລະ ອີກຫຼາຍໆປະເທດແຖບລຸ່ມແມ່ນ້ຳຂອງ ຍັງມີຄວາມເຊື່ອວ່າ : ເປັນການບູຊາພະຍານາກ  ຜູ້ປະທານນ້ຳຝົນໃຫ້ຕົກຖືກຕ້ອງຕາມລະດູການ ແລະ ກໍ່ຍັງເປັນການເສຍເຄາະຮັບໂຊກ ແລະ ປົດປ່ອຍຄວາມທຸກໃນຕະຫຼອດປີທີ່ຜ່ານມາ. ເຊິ່ງການຈັດກິດຈະກຳໄຕ້ໂຄມໄຟ ທີ່ວັດອົງຕື້ ມະຫາວິຫານ ນີ້ແມ່ນເປັນຄັ້ງທໍາອິດ ທີ່ມີການໄຕ້ໂຄມໄຟເປັນຈໍານວນ 1,999 ອັນ ແລະ ໃນປີຕໍ່ໄປກໍ່ຈະໄດ້ມີການຈັດກິດຈະກຳແບບນີ້ຕື່ມອີກ.

ສໍາລັບ ໃນຕອນສວາຍຂອງວັນທີ 6 ຕຸລາ ກໍ່ຍັງຈະໄດ້ສີບຕໍ່ມີກິດຈະກໍາແຂ່ງຂັນເຮືອຊ່ວງ ທີ່ຢູ່ທ່າວັດຈັນ ນະຄອນຫຼວງວຽງຈັນ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ