location:laos.china.com > ຂ່າວເດັ່ນ > ເນື້ອໃນ

ຮອງລັດຖະມົນຕີການຕ່າງປະເທດຈີນກ່າວວ່າ: ການຮ່ວມມືອາຊີຕາເວັນອອກພວມມີຄຸນຄ່າແລະລະດັບສູງຂຶ້ນເລື້ອຍໆ

2019-11-04 18:57:12

ວັນທີ 4 ພະຈິກນີ້, ທ່ານເລີ້ອີ້ເສິງ ຮອງລັດຖະມົນຕີກະຊວງການຕ່າງປະເທດຈີນໄດ້ຈັດກອງປະຊຸມຂ່າວຕໍ່ນັກຂ່າວຈີນແລະຕ່າງປະເທດຫຼັງຈາກກອງປະຊຸມຜູ້ນຳການຮ່ວມມືອາຊີທີ່ບາງກອກ ປະເທດໄທ.

ທ່ານເລີ້ອີເສິງກ່າວວ່າ, ຄຳສັບທີ່ຖືກກ່າວເຖິງຫຼາຍທີ່ສຸດໃນກອງປະຊຸມຜູ້ນຳອາຊີຕາເວັນອອກຄັ້ງນີ້ແມ່ນຄຳວ່າ ຄຸນຄ່າສູງຂຶ້ນ ແລະລະດັບສູງຂຶ້ນ ໂດຍບັນດາຝ່າຍເປັນເອກະສັນກັນເຫັນວ່າ, ການຮ່ວມມືຂອງອາຊີຕາເວັນອອກມີເນື້ອໃນອຸດົມສົມບູນຂຶ້ນ, ມີຄຸນຄ່າສູງຂຶ້ນ ແລະມີລະດັບສູງຂຶ້ນ ເຊິ່ງສະແດງໃຫ້ເຫັນຄືດັ່ງນີ້:

ໜຶ່ງ: ກົນໄກການຮ່ວມມືມີຄຸນຄ່າແລະລະດັບສູງຂຶ້ນ. ຢູ່ຕໍ່ໜ້າສິ່ງທ້າທາຍໃໝ່ທີ່ນຳມາໂດຍລັດທິປົກປ້ອງແລະລັດທິຝ່າຍດຽວ, ແລະຄວາມສ່ຽງໃໝ່ທີ່ເກີດຂຶ້ນຈາກເສດຖະກິດທີ່ຕົກຕ່ຳລົງ, ບັນດາປະເທດຢູ່ພາກພື້ນແຫ່ງນີ້ເປັນເອກະສັນກັນເຫັນວ່າ, ກົນໄກຮ່ວມມືອາຊີຕາເວັນນອອກມີຄວາມສຳຄັນຍິ່ງຂຶ້ນ ແລະມີຄູນຄ່າສູງຂຶ້ນ, ຄວນເພີ່ມທະວີການຮ່ວມມືຕື່ມອີກ, ຮ່ວມກັນປົກປັກຮັກສາລະບຽບສາກົນທີ່ຖືອົງການ ສປຊ ເປັນແກນກາງ ແລະລະບຽບການຄ້າຫຼາຍຝ່າຍທີ່ຖືອົງການການຄ້າໂລກເປັນແກນກາງ.

ສອງ: ການເຊື່ອມຈອດດ້ານເສດຖະກິດມີຄຸນຄ່າແລະລະດັບສູງຂຶ້ນ. ເທື່ອນີ້ 15 ປະເທດພາຄີໃນສັນຍາວ່າດ້ວຍການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນໄດ້ສຳເລັດການເຈລະຈາດ້ານເອກະສານແລະການເຈລະຈາອະນຸມັດເຂົ້າຕະຫຼາດໃນຕົວຈິງທັງໝົດ, ແລະຈະເຊັນສັນຍາດັ່ງກ່າວໃນປີໜ້າຢ່າງເປັນທາງການ ເຊິ່ງເປັນຄວາມຄືບໜ້າທີ່ມີລັກສະນະບຸກທະລຸທີ່ສຳຄັນທີ່າສຸດໃນການຫັນເສດຖະກິດພາກພື້ນເປັນອັນໜຶ່ງອັນດຽວກັນ. ບັນດາປະເທດອາຊີຕາເວັນອອກພວມກ້າວເດີນໄປສູ່ເປົ້າໝາຍທີ່ສ້າງເປັນປະຊາຄົມອາຊີ.

ສາມ: ການສ້າງສາການເຊື່ອມຈອດກັນມີຄຸນຄ່າແລະລະດັບສູງຂຶ້ນ. ປີໜີ ເສັ້ນທາງລົດໄຟລາວ-ຈີນ, ທາງລົດໄຟຈີນ-ໄທ, ທາງລົດໄຟຈາກາຕາ-ບັນດົງແລະໂຄງການຮ່ວມມືສຳຄັນຕ່າງໆໄດ້ດຳເນີນໄປຢ່າງສະດວກ, ເຮັດໃຫ້ການຮ່ວມມືຂອງການເຊື່ອມຈອດກັນດ້ານພື້ນຖານໂຄງລ່າງໄດ້ຮັບການເພີ່ມທະວີຂຶ້ນເລື້ອຍໆ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ