location:laos.china.com > ຂ່າວເດັ່ນ > ເນື້ອໃນ

ຈີນ​​ເດັດດ່ຽວ​ຄັດຄ້ານ​ອິນ​ເດຍຈັດ​ເອົາ​ດິນ​ແດນ​ບາງ​ສ່ວນ​ຂອງ​ຈີນ​ເປັນ​ເຂດ​ບໍລິຫານຂອງ​ຕົນ

2019-11-01 17:08:04

ວັນ​ທີ 30 ຕຸລາ​ນີ້, ລັດຖະບານ​ອິນ​​ເດຍຈັດ​ຕັ້ງ​ປະຕິບັດ “ກົດໝາຍ​ກ່ຽວ​ກັບ​ການຈັດ​ເຂດ​ປົກຄອງ​ຈາມ​ມູ-ກາສ​ເມຍຄືນ​ໃໝ່” ຢ່າງ​ເປັນ​ທາງ​ການ, ​ໂດຍສ້າງ “​ເຂດ​ສູນ​ກາງບໍລິຫານ​ຈາມ​ມູ-ກາສ​​ເມຍ” ​ແລະ “​ເຂດ​ສູ​ນກາງບໍລິຫານ​ລາ​ດັກ​ກາ​ລາ​ດາ​ເກີ”, ຈັດ​ພິທີ​​ແຕ່ງ​ຕັ້ງ​ການ​ດຳລົງ​ຕຳ​ແໜ່​ງ​ໃຫ້​​ຜູ້​ວ່າການສອງ​ເຂດ​ບໍລິຫານ​ດັ່ງກ່າວ​ຢູ່​ເມືອງສຣິນາ​ກາ ​ແລະ​​ເມືອງ​ແລ​ຕາມ​ລຳດັບ. ທ່ານ​​ເກີ​ງສວງ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ໃນ​ມື້​ດຽວ​ກັນ​ວ່າ: ອິນ​ເດຍຈັດ​ເອົາ​ດິນ​​ແດນ​ບາງ​ສ່ວນ​ຂອງ​ຈີນ​ເປັນ​ເຂດ​ບໍລິຫານ​ຂອງ​ຕົນ, ຈີນ​ສະ​ແດງ​ຄວາມ​ບໍ່ພໍ​ໃຈ​ຢ່າງ​ຮຸນ​ແຮງ ​ແລະ​ເດັດ​ດ່ຽວ​ຄັດຄ້ານ​ຕໍ່ການ​ກະທຳ​ດັ່ງກ່າວ.

ທ່ານ​ເກີ​ງສວງ​ກ່າວ​ເນັ້ນ​ວ່າ: ອິນ​ເດຍດັດ​ແກ້​ກົດໝາຍ​ພາຍ​ໃນ ​ແລະຂີດແບ່ງ​ເຂດ​ບໍລິຫານ​ແຕ່​ຝ່າຍ​ດຽວ ​ເຊິ່ງ​​ເປັນ​ການ​ທ້າ​ທາຍ​ຕໍ່​ຜົນ​ປະ​ໂຫຍ​ດດ້ານອະທິປະ​ໄຕຂອງ​ຈີນ. ການ​ກະທຳ​ດັ່ງກ່າວຜິດ​ກົດໝາຍ ​ແລະບໍ່​ສາມາດ​ປ່ຽນ​ແປງ​ຄວາມ​ເປັນ​ຈິງ​ຂອງ​ທຸກ​ພື້ນ​ທີ່​ດັ່ງກ່າວ​ທີ່ຢູ່​​ເປັນ​ໂມຄະ​ພາຍ​ໃຕ້​ການ​ຄຸ້ມ​ຄອງ​ຕົວ​ຈິງ​ຂອງ​ຈີນ. ຈີນ​ກ່າວ​ເຕືອນ​ໃຫ້​ຝ່າຍ​ອິນ​ເດຍ​ຈົ່ງເຄົາລົບ​ອະທິປະ​ໄຕ ​ແລະ​ຜືນ​ແຜ່ນດິນ​ອັນ​ຄົບ​ຖ້ວນ​ຂອງ​ຈີນ​ຢ່າງ​​ແທ້​ຈິງ, ປະຕິບັດ​ຕາມ​ສັນຍາ​ທີ່​ກ່ຽວຂ້ອງ​ລະຫວ່າງ​ສອງ​ຝ່າຍ, ຮັກສາ​ສັນຕິພາບ ​ແລະ​ຄວາມສະຫງົບ​ຂອງ​ເຂດ​ຊາຍ​ແດນ​ຈີນ-​ອິນ​ເດຍດ້ວຍ​ການ​ກະທຳ​ຕົວ​ຈິງ ​ແລະ​ສ້າງສິ່ງ​ເອື້ອ​ອຳນວຍ​​ໃນ​ການ​ແກ້​ໄຂ​ບັນຫາ​ຊາຍ​ແດນ​ຢ່າງ​ເໝາະ​ສົມ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ