location:laos.china.com > ຂ່າວເດັ່ນ > ເນື້ອໃນ

ວິ​ສາ​ຫະ​ກິດ​ຈີນ​ກ້າວ​ໄປ​ໜ້າ​ຢ່າງ​ໜັກ​ແໜ້ນ​ທ່າມ​ກາງ​ຟ້າ​ຝົນ​ລົມ​ແດງ

2019-09-05 16:14:29

ວັນ​ທີ 4 ກັນ​ຍານີ້, ສະ​ຖາ​ນີ​ວິ​ທະ​ຍຸ​ໂທ​ລະ​ພາບ​ສູນ​ກາງ​ຈີນ ໄດ້​ລົງ​ບົດ​ຄວາມ​ທີ່​ພາດ​ຫົວ​ຂໍ້​ວ່າ: “ວິ​ສາ​ຫະ​ກິດ​ຈີນ​ກ້າວ​ໄປ​ໜ້າ​ຢ່າງ​ໜັກ​ແໜ້ນ​ທ່າມ​ກາງ​ຟ້າ​ຝົນ​ລົມ​ແດງ”.

ບົດ​ຄວາມ​ຊີ້​ໃຫ້​ເຫັນ​ວ່າ: ວິ​ສ​າ​ຫະ​ກິດ​ເປັນ​ສັນ​ຍະ​ລັກ​ຂອງ​ເສດ​ຖະ​ກິດ​ໃດ​ໜຶ່ງ. ການ​ທີ່​ວິ​ສາ​ຫະ​ກິດ​ຈີນ​ພັດ​ທະ​ນາ​ຢ່າງ​ຟົດ​ຟື້ນນັ້ນ ໄດ້​ເປັນ​ສັກ​ຂີ​ພິ​ຍານ​ໃຫ້​ແກ່​ຄວາມ​ໜັກ​ແໜ້ນ​ແລະ​ຄວາມ​ເຂັ້ມ​ແຂງ​ຂອງ​ເສດ​ຖະ​ກິດ​ຈີນ. ເຖິງວ່າ​ປັດ​ຈຸ​ບັນ ສະ​ພາບ​ແວດ​ລ້ອມ​ພາຍນອກ​ມີ​ຄວາມ​ບໍ່​ແນ່ນອນ​ເພີ່ມ​ຂຶ້ນ​ກໍ​ຕາມ, ແຕ່​ວິ​ສ​າ​ຫະ​ກິດ​ຍັງ​ຈະ​​ປະ​ຕິ​ບັດ​ໜ້າ​ທີ່​ຂອງ​ຕົນ​ໃຫ້​ດີ ແລະ​ກ້າວ​ໄປ​ໜ້າ​ຢ່າງ​ໝັ້ນ​ທ່ຽງ​ທ່າມ​ກາງ​ຟ້າ​ຝົນ​ລົມ​ແດງ ໂດຍ​ອາ​ໄສ​ຄວາມ​ເຂັ້ມ​ແຂງ​ແລະ​ຄວາມ​ດຸ​ໝັ່ນ​​ຂ​ຫຍັນ​ພຽນ​ທີ່​​ເຂັ້ມແຂງ​.

ກ່ອນ​ໜ້ານີ້​ບໍ່​ດົນ, ໄດ້​ເປີດ​ເຜີຍບັນ​ຊີ 500 ວິ​ສ​າ​ຫະ​ກິດ​ທີ່​ເຂັ້ມ​ແຂງ​ຂອງ​ຈີນ​ປີ 2019. ເມື່ອ​ທຽບ​ໃສ່​ປີ​ຜ່ານ​ມາ​ແລ້ວ​ເຫັນ​ວ່າ, ຂະ​ໜາດ​ຂອງວິ​ສາ​ຫະ​ກິດ​ທີ່​ຖືກ​ຈັດ​ເຂົ້າ​ໃນ​ບັນ​ຊີ​ດັ່ງ​ກ່າວ ໄດ້​ເພີ່ມ​ຂຶ້ນ​ຂ້ອນ​ຂ້າງ​ໄວ​ຢ່າງ​ຕໍ່​ເນື່ອງ, ທັງ​ໄດ້​ກ້າວ​ໄປ​ສູ່​ລະ​ດັບ​ກາງ​ແລະ​ລະ​ດັບ​ສູງ​ຂອງ​ຕ່ອງ​ໂສ້​ອຸດ​ສາ​ຫະ​ກຳຢ່າງ​ບໍ່​ຢຸດຢັ້ງ ແລະ​ມີ​ອິດ​ທິ​ພົນ​ນັບ​ມື້​ນັບ​ສູງ​ຂຶ້ນ​ໃນ​​ເວ​ທີສາ​ກົນ​.

ບົດ​ຄວາມ​ຍັງ​ລະ​ບຸ​ອີກວ່າ: ​ໃນ​ປັດ​ຈຸ​ບັນ ພາຍ​ໃຕ້​ສະ​ພາບການ​ທີ່​ເສດ​ຖະ​ກິດ​ພົບ​ຄວາມ​ຫຍຸ້ງ​ຍາກ​ສັບ​ສົນ​ແລະ​ຂ້ຽວ​ຂາດ, ການ​ທີ່​ວິ​ສາ​ຫະ​ກິດ​ຈີນ​ສາ​ມາດ​ກ້າວ​ໄປ​ໜ້າ​ເຊິ່ງ​ເປັນ​ການ​ສວນ​ກັບ​ກະ​ແສນັ້ນ ກ່ອນ​ອື່ນ​ແມ່ນ​ຍ້ອນ​ໄດ້​ຮັບ​ຜົນ​ປະ​ໂຫຍດ​ຈາກ​ຄວາມ​​ໜັກ​ແໜ້ນ​ຈາກນະ​ໂຍ​ບາຍ​ລົງ​ເລິກ​ການ​ປະ​ຕິ​ຮູບ​ແລະ​ເປີດ​ປະ​ຕູ​​ສູ່​ພາຍນອກໃຫ້​ກວ້າງ​ອອກກວ່າ​ເກົ່າ​. ຂະ​ນ​ະ​ດຽວ​ກັນ, ​ກໍ​ບໍ່​ສາ​ມາດ​ຕັດ​ແຍກອອກ​ຈາກ​ຄວາມ​ພະ​ຍາ​ຍາມ​ຂອງ​ວິ​ສາ​ຫະ​ກິດ​ຈີນ​ທີ່​ໄດ້​ຍຶດ​ໝັ້ນ​ເສັ້ນ​ທາງ​ພັດ​ທະ​ນາ​ທີ່​ຂັບ​ເຄື່ອນ​ດ້ວຍ​ການ​ປະ​ດິ​ດ​ສ້າງ​ໃໝ່​ແລະ​ເລັ່ງ​ລັດ​ຂະ​ບວນ​ການ​ຫັນ​ປ່ຽນ​ຮູບ​​ແບບການ​ພັດ​ທະ​ນາ​ເພື່ອ​ຍົກ​ລະ​ດັບ​​ຕົນ​ເອງຢ່າງ​ບໍ່​ຢຸດຢັ້ງ​​ມາ​ຕັ້ງ​ແຕ່​ດົນ​ນານ​ແລ້ວ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ