location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິງ​ສົ່ງ​ສານ​ອວຍ​ພອນວັນ​ສ້າງ​ຕັ້ງກຸ່ມ​ບໍ​ລິ​ສັດ​ພິມ​ຈຳ​ໜ່າຍ​ສາ​ກົນ​ຈີນ​ຄົບ​ຮອບ 70 ປີ

2019-09-04 16:40:49

CRI ລາຍ​ງານ​ວ່າ: ເນື່ອ​ງໃນ​ໂອ​ກາດ​ທີ່​ກຸ່ມ​ບໍ​ລິ​ສັດ​ພິມ​ຈຳ​ໜ່າຍ​ສາ​ກົນ​ຈີນ​ສ້າງ​ຕັ້ງ​ຂຶ້ນ​ຄົບ​ຮອບ 70 ປີ, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ອມ​ມູ​ນິດ​ຈີນ, ປະ​ທານ​ປະ​ເທດ​ຈີນ, ປະ​ທານ​ຄະ​ນະ​ກຳ​ມະ​ການ​ການ​ທະ​ຫານ​ສູນ​ກາງ​ຈີນ​ໄດ້​ສົ່ງ​ສານອວຍ​ພອນເຖິງ​ກຸ່ມ​ດັ່ງ​ກ່າວ​ເພື່ອ​ສະ​ແດງ​ຄວາມ​ຢື້​ຢາມ​ຖາມ​ຂ່າວ​ຢ່າງຈິງ​ໃຈ​​ເຖິງ​ພະ​ນັກ​ງານ​ທຸກ​ຖ້ວນ​ໜ້າ​ຂອງ​ກຸ່ມ​ບໍ​ລິ​ສັດ​ພິມ​ຈຳ​ໜ່າຍ​ສາ​ກົນ​ຈີນ​ທີ່​ກຳ​ລັງ​ປະ​ຕິ​ບັດ​ໜ້າ​ທີ່​ວຽກ​ງານ​ຢ່າງ​​ຈູດ​ຈ້າວ​ຫ້າວ​ຫັນ​ແລະ​ເປັນ​ຜູ້​ນຳ​ໜ້າ​ໃນ​ການ​ນຳ​ສະ​ເໜີ​ຂ່າວ​ສານ​​ສູ່ສາ​ກົນ ​ກໍ​ຄື​ຊ່ຽວ​ຊານ​ຕ່າງ​ປະ​ເທດ​ແລະ​ເພື່ອນ​ມິດ​ສາ​ກົນ​ທີ່​ເອົາ​ໃຈ​ໃສ່​ແລະ​ສະ​ໜັບ​ສະ​ໜູນ​ວຽກ​ງານ​ນຳ​ສະ​ເໜີ​ຂ່າວ​ສານ​ສູ່​ສາ​ກົນ​ຂອງ​ຈີນ.

 ສານອວຍ​ພອນ​ຂອງ​ທ່ານ​ສີ​ຈິ້ນ​ຜິງ​ໄດ້​ລະ​ບຸ​ວ່າ: ​ຕະຫຼອດ​ໄລ​ຍະ 70 ປີ​ມາ​ນີ້, ກຸ່ມ​ບໍ​ລິ​ສັດ​ພິມ​ຈຳ​ໜ່າຍ​ສາ​ກົນ​ຈີນ​ໄດ້​ໂຄ​ສະ​ນາ​​ແລະແນະ​ນຳ​ຢ່າງ​ຮອບ​ດ້ານ​ກ່ຽວ​ກັບ​ການ​ພັດ​ທະ​ນາ​ແລະ​ການ​ປ່ຽນ​ແປງ​ຂອງ​ຈີນ, ຕັ້ງ​ໜ້າ​ສົ່ງ​ເສີມ​​ມິດ​ຕະ​ພາບ​ແລະ​ການ​ແລກ​ປ່ຽນ​ລະ​ຫວ່າງ​ຈີນ​ກັບ​ຕ່າງ​ປະ​ເທດ, ເຊິ່ງ​ໄດ້​ເສີມ​ຂະ​ຫຍາຍ​ບົດ​ບາດ​ສຳ​ຄັນ​ໃນ​ການ​ນຳ​ສະ​ເໜີ​ເລື່ອງ​ລາວ​​ຂອງຈີນ​ແລະ​ສົົ່ງ​ສຽງ​ຂອງ​ຈີນ​ໃຫ້​ຊາວ​ໂລກ​ຮັບ​ຮູ້​ໄດ້​ເປັນ​ຢ່າງ​ດີ.

ທ່ານ​ສີ​ຈິ້ນ​ຜິງ​ເນັ້ນ​ໜັກ​ວ່າ: ໃນ​ສະ​ພາບ​ການໃໝ່, ການ​ພົວ​ພັນ​ລະ​ຫວ່າງ​ຈີນ​ກັບ​ໂລກ​ນັບ​ມື້​ນັບ​ແໜ້ນ​ແຟ້ນ​ຂຶ້ນ, ຫວັງ​ວ່າ ກຸ່ມ​ບໍ​ລິ​ສັດ​ພິມ​ຈຳ​ໜ່າຍ​ສາ​ກົນ​ຈີນ​ຈະ​ຖື​ເອົາ​ໂອ​ກາດ​ວັນ​ສ້າງ​ຕັ້ງ​ກຸ່ມ​ບໍ​ລິ​ສັດ​ຄົບ​ຮອບ 70 ປີ​ເປັນ​ຈຸດ​ເລີ່ມ​ຕົ້ນ​ໃໝ່, ນຳ​ສະ​ເໜີ​ຈີນ​​ຍຸກ​ໃໝ່​ສູ່​ໂລກ​ໃຫ້​ໄດ້​ດີກວ່າ​ເກົ່າ, ​ເພື່ອ​ໃຫ້​ຊາວ​ໂລກ​​ໄດ້ຮັບ​ຮູ້​​ຄວາມ​ເປັນ​ຈິງ​ຂອງ​ຈີນ,ຈ​າກຫຼາຍ​ແງ່​ມູມ​ແລະ​ຮອບ​ດ້ານ, ປະ​ກອບ​ສ່ວນ​ໃໝ່​ໃຫຍ່ຫຼວງກວ່າ​ເກົ່າ​ເພື່ອ​ໃຫ້​ຈີນ​ຮູ້​ຈັກ​ໂລກ​ແລະ​ໃຫ້ໂລກ​ເຂົ້າ​ໃຈ​ຈີນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ