location:laos.china.com > ຂ່າວເດັ່ນ > ເນື້ອໃນ

ຈີນ-ຍີ່​ປຸ່ນ​ຄວນ “ຊ່ວຍ​ຊູ​ຍູ້​ໜູນ​ກັນ” ແລະ​ນຳ​ເອົາ​ພະລັງ​ທາງ​ບວກ​ມາ​ໃຫ້​ໂລກຫຼາຍກວ່າ​ເກົ່າ

2019-08-13 16:12:41

ກ່ອນ​ໜ້ານີ້​ບໍ່​ດົນ, ຢູ່ນາ​ກາ​ໂນ​ປະ​ເທດ​ຍີ່​ປຸ່ນ, ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ແລະ​ຍີ່​ປຸ່ນ ໄດ້​ຮ່ວມ​ກັນ​ເປັນ​ປະ​ທານ​ຈັດ​ການ​ສົນ​ທະ​ນາ​ຍຸດ​ທະ​ສາດ​ຮອບ​​ໃໝ່ ເຊິ່ງ​ເປັນ​ການ​ດຳ​ເນີນ​ກົນ​ໄກ​ສົນ​ທະ​ນາ​ດັ່ງ​ກ່າວ​ຄືນ​ໃໝ່​ໃນ​ຮອບ 7 ປີ​ຜ່ານ​ມາ, ສະ​ແດງ​ໃຫ້​ເຫັນ​ວ່າ, ສາຍ​ພົວ​ພັນ​ຈີນ-ຍີ່​ປຸ່ນ​ທີ່​ໄດ້​ຜ່ານ​ຜ່າ​ໄລ​ຍະ​ທີ່​ຫຍຸ້ງ​ຍາກ ພວມ​ປັບ​ປຸງ​ໃຫ້​ດີ​ຂຶ້ນ​ຕື່ມ​ອີກ ແລະ​ພວມ​ສົ່ງ​ສັນ​ຍາ​ນ​ທີ່​ດີ​ໃຫ້​ແກ່​ພາຍນອກ.

ການ​ສົນ​ທະ​ນາ​ຍຸດ​ທະ​ສາດ​ສອງ​ປະ​ເທດ ໄດ້​ເລີ່ມ​ຈັດ​ຂຶ້ນ​ໃນ​ເດືອນ​ພຶດ​ສະ​ພາ​ປີ 2005, ມາ​ຮອດ​ເດືອນ​ມິ​ຖຸ​ນາ​ປີ 2012 ລວມ​ແລ້ວໄດ້​ຈັດ​ຂຶ້ນ 13 ຮອບ, ເຊິ່ງ​ໄດ້​ສະ​ແດງ​ບົດ​ບາດ​ທີ່​ສຳ​ຄັນ​ໃນ​ການ​ເພີ່ມ​ທະ​ວີ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ທາງ​ການ​ເມືອງ, ການ​ກຳ​ນົດ​ແລະ​ຊຸກ​ຍູ້​ສາຍ​ພົວ​ພັນ​ຍຸດ​ທະ​ສາດ​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ລະ​ຫວ່າງ​ສອງ​ປະ​ເທດ. ແຕ່​ພາຍຫຼັງ​ມາ ຍ້ອນ​ກິ​ລິ​ຍາ​ວາ​ຈາ​ທີ່​ຜິດ​ພາດ​ຕ່າງໆ​ຂອງຍີ່​ປຸ່ນ, ການ​ສົນ​ທະ​ນາ​ດັ່ງ​ກ່າວ​ຈຶ່ງ​ຕ້ອງ​ຢຸດ​ສະ​ງັກ.

ໃນ​ຊຸມ​ປີມໍ່ໆ​ມານີ້, ສະ​ຖາ​ນະ​ການ​ໂລກ​​ເກີດ​ມີການ​ປ່ຽນ​ແປງ​ຢ່າງ​ສັບ​ສົນ. ດ້ານ​ໜຶ່ງ, ອາ​ເມ​ຣິ​ກາ​ໄດ້​ປະ​ຕິ​ບັດ​ລັດ​ທິ​ຝ່າຍ​ດຽວ​ແລະ​ລັດ​ທິ​ປົກ​ປ້ອງ​ຕາມ​ລຳ​ພັງ​ໃຈ, ຍີ່​ປຸ່ນ​ກໍ​ໄດ້​​ຮັບແຮງ​ກົດ​ດັນ​ດ້ານ​ການ​ຄ້າ​ທີ່​ມະ​ຫາ​ສານ​ຈາກ​ອາ​ເມ​ຣິ​ກາ. ໃນ​ຖ​າ​ນະ​ເປັນ 2 ກຸ່ມ​ເສດ​ຖະ​ກິດ​ທີ່​ໃຫຍ່​ທີ່​ສຸດ​ຢູ່​ອາ​ຊີ, ຈີນ​ແລະ​ຍີ່​ປຸ່ນ​ຈຶ່ງ​ມີ​ຜົນ​ປະ​ໂຫຍດ​ຮ່ວມ​ກັນ​ໃນ​ການ​ປົກ​ປັກ​ຮັກ​ສາ​ລັດ​ທິ​ຫຼາຍ​ຝ່າຍ​ແລະ​ລະ​ບຽບ​ການ​ຄ້າ​ເສ​ລີ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ