location:laos.china.com > ຂ່າວເດັ່ນ > ເນື້ອໃນ

ຖ້າ​ບໍ່​ສາ​ມາດ​ປະ​ຕິ​ບັດ​ຕາມ​ຄຳ​ໝັ້ນ​ສັນ​ຍາ​ໄດ້ ການ​ເຈ​ລະ​ຈາ​ຈະ​ບໍ່ສາ​ມາດ​ໄດ້​ຮັບ​ໝາກ​ຜົນ​ຫຍັງ​ເລີຍ

2019-08-04 12:37:46

ຫວ່າງ​ມໍ່​ໆ​ມາ​ນີ້, ເຈົ້າ​ໜ້າ​ທີ່ອາ​ເມ​ຣິ​ກາ​ກ່​າວ​ວ່າ, ​ນັບແຕ່​ວັນ​ທີ 1 ກັນ​ຍາ​ໜ້າ​​ນີ້ເປັນ​ຕົ້ນ​ມາ, ຈະຂຶ້ນ​ອັດ​ຕາພາ​ສີ 10% ຕໍ່​ສິນ​ຄ້າ​​ຈີນ 300 ຕື້​ໂດ​ລາ​ທີ່​ສົ່ງອອກ​ອາ​ເມ​ຣິ​ກາ, ຂະ​ນະ​ດຽວ​ກັນ, ກໍ​ຫວັງວ່າ​ຈະ​ຕັ້ງ​ໜ້າ​ເຈ​ລະ​ຈາ​ກັບ​ຝ່າຍ​ຈີນ​ກ່ຽວ​ກັບ​ບັນ​ລຸ​ ​ສັນ​ຍາ​ທາງເສດ​ຖະ​ກິດ​ການ​ຄ້າ​ຮອບ​ດ້ານ​ກັບ​ຈີນ. ​​ດ້ານ​ໜຶ່ງ ອາ​ເມ​ຣິ​ກາ​ບໍ່​ໄດ້​ປະ​ຕິ​ບັດ​ຕາມ​ຄຳ​ໝັ້ນ​ສັນ​ຍາຂອງ​ຕົນ ໂດຍ​ໄດ້​ລະ​ເມີດ​ຄວາມ​ເຫັນ​ເປັນ​ເອ​ກະ​ພາບ​ກັນ​ລະ​ຫວ່າງ​ປະ​ມຸກ​ລັດ​ສອງ​ປະ​ເທດ​ຈີນ-ອາ​ເມ​ຣິ​ກາ​ທີ່​ຕົກ​ລົງ​ກັນ​ຢູ່​ນະ​ຄອນ​ໂອ​ຊາ​ກາປະ​ເທດ​ຍີ່​ປຸ່ນ, ແຕ່ອີກ​ດ້ານ​ໜຶ່ງ​ຍັງ​ຢາກ​ເຮັດ​ໃຫ້​ການ​ເຈ​ລະ​ຈາ​ໄດ້​ຮັບໝາກ​ຜົນ​ຈົບ​ງາມ, ເຊິ່ງ​ແນວ​ຄວາ​ມ​ຄຶດ​ຂ​ອງ​ຄົນ​ອາ​ເມ​ຣິ​ກາ​ຈຳ​ນວນ​ໜຶ່ງ​ເຮັດ​ໃຫ້​ຄົນທັງ​ຫຼາຍ​ເຂົ້າ​ໃຈ​ຍາກ.

ໃນ 1 ປີ​ຜ່ານ​ມາ, ຈີນ​ໄດ້​ປະ​ຕິ​ບັດ​ຕາມຫຼັກ​ການ​ຊື່​ສັດ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ, ​ໂດຍປຶກ​ສາ​ຫາ​ລື​ກັບ​ອາ​ເມ​ຣິ​ກາ​ດ້ວຍ​ຄວາມ​ຈິງ​ໃຈ​ຢ່າງສູງ, ແລະ​ໄດ້​ຮັບຄວາມ​ຄືບ​ໜ້າ​ຢ່າງໃຫຍ່ຫຼວງ. ແຕ່​ຍ້ອນ​ວ່າ​ຝ່າຍ​ອາ​ເມ​ຣິ​ກາ​ໄດ້​ລະ​ເມີດ​ຄວາມ​ເຫັນ​ເປັນ​ເອ​ກະ​ພາບ​ກັນ 4 ເທື່ອ ແລະ​ບໍ່​ໄດ້​ປະ​ຕິ​ບັດ​ຕາມ​ຄຳ​ໝັ້ນ​ສັນ​ຍາ​ຂອງ​ຕົນ, ຈຶ່ງ​ເຮັດ​ໃຫ້​ການ​ເຈ​ລະ​ຈາ​ປະ​ສົບ​ຄວາມ​ຫຍຸ້ງ​ຍາກ​ລຳ​ບາກຫຼາຍ​ສົມ​ຄວນ.

ຈາກ​ນີ້​ເຫັນ​ໄດ້​ວ່າ, ການ​ເຈ​ລະ​ຈາ​ເສດ​ຖະ​ກິດ​ການ​ຄ້າ​ລະ​ຫວ່າງ​ຈີນ-ອາ​ເມ​ຣິ​ກາ​ປະ​ສົບ​ອຸ​ປະ​ສັກ​ຕ່າງໆ, ​ແມ່ນ​ອາ​ເມ​ຣິ​ກາ​ເປັນ​ຜູ້ຮັບ​ຜິດ​ຊອບ​ແຕ່​ຝ່າຍ​ດຽວໝົດ. ການ​ເຈ​ລະ​ຈາ​ເປັນ​ເລື່ອງ​ຂອງ​ທັງ​ສອງ​ຝ່າຍ, ຖ້າ​ຢາກ​ບັນ​ລຸ​ເຖິງ​ການ​ເຊັນສັນ​ຍາກັນ, ສອງ​ຝ່າຍ​ຕ້ອງພະ​ຍາ​ຍາມ​ຮ່ວມ​ກັນ, ແລະ ​ຕ້ອງ​ມີ​ຈິດ​ໃຈຊື່​ສັດ.

ປະ​ຈຸ​ບັນ, ນັກຫຼິ້ນ​ການ​ເມືອງ​ຂອງ​ອາ​ເມ​ຣິ​ກາ​ຈຳ​ນວນ​ໜຶ່ງ​ເຈ​ຕະ​ນາ​ສະ​ແຫວງ​ຫາ​ຜົນ​ກຳ​ໄລ​ສ່ວນ​ຕົວ,ຫັນ​ບັນ​ຫາ​ເສດ​ຖະ​ກິດ​ການ​ຄ້າ​ໃຫ້​ເປັນ​ບັນ​ຫາ​ການ​ເມືອງ, ໂດຍ​ລະ​ເມີດ​ຄວາມ​ເຫັນ​ທີ່​ເປັນ​ເອ​ກະ​ພາບ​ກັນ​ທີ່​ຕົກ​ລົງ​ກັນ​ໃນ​ການ​ເຈ​ລະ​ຈາ​ເສດ​ຖະ​ກິດ​ການ​ຄ້າ​ລະ​ຫວ່າງ​ຈີນ-ອາ​ເມ​ຣິ​ກາ ແລະ​ທຳ​ລາຍ​ຊື່​ສຽງ​ຂອງ​ປະ​ເທດ​ອາ​ເມ​ຣິ​ກາ​ເທື່ອ​ແລ້ວ​ເທື່ອ​ເຫຼົ່າ, ​ເຊິ່ງ​ໄດ້​ສ້າງ​ຜົນ​ກະ​ທົບຢ່າງ​ຮ້າຍ​ແຮງ​ຕໍ່​ການ​ເຈ​ລະ​ຈາ​. ປະ​ຈຸ​ບັນ, ຫຼາຍ​ສະ​ມາ​ຄົມ​ໃນຂະ​ແໜງ​ການ​​ຕ່າງໆຂອງ​ອາ​ເມ​ຣິ​ກາ​ພາ​ກັນ​ອອກ​ຖະ​ແຫຼງ​ການ ​ຄັດ​ຄ້ານ​ທຳ​ນຽບ​ຂາວ​ອາ​ເມ​ຣິ​ກາ​​ຂຶ້ນ​ອັດ​ຕາພາ​ສີ​ຕໍ່​ສິນ​ຄ້າ​ຈີນ​ຕື່ມ​ອີກ,  ໂດຍ​ຊີ້​ອອກວ່າ ນີ້​ຈະ​ເຮັດ​ໃຫ້​ຊາວ​ກະ​ສິ​ກອນ ກຳ​ມະ​ກອນ ແລະ ຜູ້​ບໍ​ລິ​ໂພກ​ຂອງ​ອາ​ເມ​ຣິ​ກາ​ປະ​ສົບ​ຜົນ​ເສຍ​ຫາຍຫຼາຍ​ກວ່າ​ເກົ່າ. ຄະ​ນະ​ກຳ​ມະ​ການ​ການ​ຄ້າ​ທົ່ວ​ປະ​ເທດ​ອາ​ເມ​ຣິ​ກາ-ຈີນ​ໄດ້​ສະ​ແດງ​ຄວາມ​ວິ​ຕົກ​ກັງ​ວົນ​ວ່າ ການ​ຂຶ້ນ​ອັດ​ຕາ​ພາ​ສີ​ຕໍ່​ສິນ​ຄ້າ​ຈີນ​ຈະ​ກະ​ທົບ​ເຖິງ​ຊື່​ສຽງ​ຂອງ​ປະ​ເທດ​ອາ​ເມ​ຣິ​ກາ​ທີ່​ເປັນ​ຜູ້​ສະ​ໜອງ​ສິນ​ຄ້າ​ທີ່​ໜ້າ​ເຊື່ອ​ຖື.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ