location:laos.china.com > ຂ່າວເດັ່ນ > ເນື້ອໃນ

ຈຸດ​ຢືນ 5 ຂໍ້​ຂອງ​ທ່ານ ສີ​ຈິ້ນ​ຜິງ ແມ່ນ​ໂຄງ​ຮ່າງ​ໃໝ່​ໃນ​ການ​ໂຮມ​ປະ​ເທດ​ຈີນ​ເຂົ້າເປັນ​ເອ​ກະ​ພາບ​ກັນ​​ໂດຍ​ສັນ​ຕິແລະ​ພັດ​ທະ​ນາ

2019-01-04 16:35:11

ໃນ​ໂອ​ກາດ​ເລີ່ມ​ຕົ້ນປີ​ໃໝ່, ຢູ່​ນະ​ຄອນຫຼວງ​ປັກ​ກິ່ງ​ໄດ້​ໂຮມ​ຊຸມ​ນຸມ​ຢ່າງ​ຄຶກ​ຄື້ນ ເພື່ອ​ລະ​ນຶກ​ຄະ​ນະ​ປະ​ຈຳ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສົ່ງ “ສານ​ເຖິງ​ພີ່​ນ້ອງ​ຮ່ວມ​ຊາດ​ໄຕ້​ຫວັນ” ຄົບ​ຮອບ 40 ປີ. ທ່ານ ສີ​ຈິ້ນ​ຜິງ ປະ​ທານ​ປະ​ເທດ​ຈີນ ໄດ້​ກ່າວ​ປາ​ໄສ​ອັນ​ສຳ​ຄັນ​ກ່ຽວ​ກັບ​ການ​ພົວ​ພັນ​ສອ​ງ​ຝັ່ງ, ໂດຍ​ເນັ້ນ​​ໜັກວ່າ: ການ​ໂຮມ​ປະ​ເທດ​ຈີນ​ເຂົ້າ​ເປັນ​ເອ​ກະ​ພາບ​ກັນ​ຢ່າງ​ສົມ​ບູນ​ແມ່ນ​ໜ້າ​ທີ່​ປະ​ຫວັດ​ສາດ​ຂອງ​ພັກ​ກອມ​ມູ​ນິດ​ຈີນ, ລັດ​ຖະ​ບານ​ແລະ​ປະ​ຊາ​ຊົນ​ຈີນ​ເຊິ່ງ​ຍາມ​ໃດ​ກໍ​ບໍ່​ປ່ຽນ​ແປງ, ໃນ​ຂະ​ບວນ​ການ​ເພື່ອ​ບັນ​ລຸ​ຄວາມ​ຈະ​ເລີນ​ຮຸ່ງ​ເຮືອງ​ອັນ​ຍິ່ງ​ໃຫຍ່ຄືນ​ໃໝ່​ຂອງ​ຊົນ​ຊາດ​ຈີນ, ຈີນ​ຕ້ອງ​ໂຮມ​ເຂົ້າ​ກັນ​ເປັນ​ເອ​ກະ​ພາບ​ແລະ​ຈະ​ໂຮມ​ເຂົ້າ​ກັນ​ເປັນ​ເອ​ກະ​ພາບ​ຢ່າງ​ແນ່ນອນ.

ນັກ​ວິ​ເຄາະ​ຊີ້​ໃຫ້​ເຫັນ​ວ່າ: ໃນ​ຄຳ​ປາ​ໄສ​ຂອງ​ທ່ານ​ ສີ​ຈິ້ນ​ຜິງ ໄດ້​ຮຽກ​ຮ້ອງ​ໃຫ້​ຊາວ​ຈີນ​ຢູ່​ສອງ​ຝັ່ງ​ແລະ​ລູກຫຼານ​ຊົນ​ຊາດ​ຈີນ​ຢູ່​ພາຍ​ໃນ​ແລະ​ຕ່າງ​ປະ​ເທດ ຕ້ອງ​ຮ່ວມ​ກັນ​ຊຸກ​ຍູ້​ການ​ຂະ​ຫຍາຍ​ການ​ພົວ​ພັນ​ສອງ​ຝ່າຍ​ໂດຍ​ສັນ​ຕິ​ແລະ​ຊຸກ​ຍູ້​ຂະ​ບວນ​ການ​ທ້ອນ​ໂຮມ​ປະ​ເທດ​ຈີນ​ເຂົ້າ​ເປັນ​ເອ​ກະ​ພາບ​ກັນ​ໂດຍ​ສັນ​ຕິ​ຈາກ 5 ດ້ານ​ຄື: ເກາະ​ແຂນ​ກັນ​ຊຸກ​ຍູ້​ຄວາມ​ຈະ​ເລີນ​ຮຸ່ງ​ເຮືອງ​ຂອງ​ຊົນ​ຊາດ​ຈີນ, ​ຄົ້ນ​ຄວ້າແຜນ​ການ “ສອງ​ລະ​ບອບ” ຢູ່​ໄຕ້​ຫວັນ, ຍຶດ​ໝັ້ນຫຼັກ​ການ​ປະ​ເທດ​ຈີນ​ດຽວ, ລົງ​ເລິກ​ການ​ເຊື່ອມ​ໂຍງ​ເຂົ້າ​ກັນ​ແລະ​ການ​ພັດ​ທະ​ນາ​ລະ​ຫວ່າງ​ສອງ​ຝັ່ງ ແລະ ບັນ​ລຸ​ການ​​ເຊື່ອມ​ສານ​ຈິດ​ໃຈ​ລະ​ຫວ່າງ​ພີ່​ນ້ອງ​ຮ່ວມ​ຊາດ, ເຊິ່ງ​ເອີ້ນ​ຫຍໍ້​ວ່າ “5 ຂໍ້​ຂອງ​ທ່ານ​ສີ​ຈິ້ນ​ຜິງ”, ​ອັນ​ໄດ້​​ເປັນຫຼັກ​ການປະ​ຕິ​ບັດ​ໃນ​ການ​ທ້ອນ​ໂຮມ​ເຂົ້າ​​ກັນ​ເປັນ​ເອ​ກະ​ພາບໂດຍ​ສັນ​ຕິ​ຕະຫຼອດ​ມາ ທັງ​ຄຳ​ນຶງ​ເຖິງ​ຄວາມ​ຮັກ​ແພງ​ຂອງ​ພີ່​ນ້ອງ​ຮ່ວມ​ຊາດ​ແລະ​ຄວາມ​ເປັນ​ທຳ​ຂອງ​ຊົນ​ຊາດ​ຢ່າງ​ເຕັມ​ສ່ວນ, ທັງ​​ເບິ່ງ​ໄປ​ສູ່​ເປົ້າ​ໝາຍ​ໄລ​ຍະ​ຍາວ​, ທັງເປັນ​ການ​ຊີ້​ທິດ​ທ​າງ​ແລະ​ເສັ້ນ​ທາງ​ຢ່າງ​ຈະ​ແຈ້ງ​ໃຫ້​ແກ່​ການ​ຂະ​ຫຍາຍ​ການ​ພົວ​ພັນ​ລະ​ຫວ່າງ​ສອງ​ຝັ່ງ, ຈຶ່ງ​ມີ​ລັກ​ສະ​ນະ​ສາ​ມາດ​ປະ​ຕິ​ບັດ​ໄດ້​ຢ່າງ​ແຂງ​ແຮງ.

1234...>

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ