location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິງ​ສົ່ງສານອວຍ​ພອນ​ໄປ​ຍັງ​ຜູ້​ນຳ​ກູ​ບາ​ໂອ​ກາດ​ການ​ປະ​ຕິ​ວັດ​ກູ​ບາ​ໄດ້​ຮັບ​ໄຊ​ຊະ​ນະ​ຄົບ​ຮອບ60ປີ

2019-01-01 14:12:02

     ວັນ​ທີ 1 ມັງ​ກອນ​ນີ້, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ​ຈີນ​ໄດ້​ສົ່ງ​​ສານອວຍ​ພອນ​​ໄປ​ຍັງ​ທ່ານ​​ຣາວ ກາ​ສ​ໂດຼ ເລ​ຂາ​ທິ​ການ​ທີ​ໜຶ່ງ​ສູນ​ກາງ​ພັກ​ກອມ​ມູ​ນິດ​ກູ​ບາ, ທ່ານ​ດີ​ອາ​ສ ກາ​ເນນ ປະ​ທານ​ຄະ​ນະ​​ກຳ​ມະ​ການ​ແຫ່ງ​ລັດ ທັງ​ເປັນ​ປະ​ທານ​ສະ​ພາ​ລັດ​ຖ​ະ​ມົນ​ຕີ​ກູ​ບາ​ເນື່ອງ​ໃນ​ໂອ​ກາດ​ການ​ປະ​ຕິ​ວັດ​ກູ​ບາ​ໄດ້​ຮັບ​ໄຊ​ຊະ​ນະ​ຄົບ​ຮອບ 60 ປີ​ ໂດຍ​ໄດ້​ຕາງ​ໜ້າ​ພັກ​ກອມ​ມູ​ນິດ​ຈີນ, ລັດ​ຖະ​ບານ​ຈີນ ແລະ ປະ​ຊ​າ​ຊົນ​ຈີນ​ສະ​ແດງ​ຄວາມອວຍ​ພອນ​ຢ່າງສຸດ​ອົກ​ສຸດ​ໃຈ.
    ໃນ​ສານທີ່​ສົ່ງ​ໄປ​ຍັງ​ທ່ານ​ເລ​ຂາ​ທິ​ການ​ທີ​ໜຶ່ງ​​ຣາວ, ທ່ານ​ສີ​ຈິ້ນ​ຜິງ​ຊີ້​ອອກວ່າ, ​ຕະ​ຫຼອດ 60 ປີ​ມາ​ນີ້, ພາຍ​ໃຕ້​ການ​ນຳ​ພາ​ອັນ​ແຂງ​ແກ່ນ​ຂອງ​ພັກ​ກອມ​ມູ​ນິດ​ກູ​ບາ,
ລັດ​ຖະ​ບານ ແລະ ປະ​ຊາ​ຊົນ​ກູ​ບາບຸກບືນ​ສູ້​ຊົນ​ດ້ວຍ​ຄວາມ​ທໍລະ​ຫົດອົດ​ທົນ ໄດ້​ຮັບ​ຜົນ​ງານ​ອັນ​ຍິ່ງ​ໃຫຍ່​ໃນ​ພາ​ລະ​ກິດ​ສ້າງ​ສາ​ສັງ​ຄົມ​ນິ​ຍົມ, ພັກ ລັດ​ ແລະ ​ປະ​ຊາ​ຊົນ​ຈີນ​ຂໍສະ​ແດງ​ຄວາມ​ຍ້ອງ​ຍໍ​ສັນ​ລະ​ເສີນ ແລະ ອວຍ​ພອນ​​ຢ່າງ​ສຸ​ດ​ໃຈ​ຕໍ່​ເລື່ອງ​ນີ້. ການ​ພົວ​ພັນ​ສອງ​ພັກ ສອງ​ລັດ​ຈີນ-ກູ​ບາ​ໄດ້​​ທົນ​ຕໍ່​ການ​ທົດ​ສອບ​ແຫ່ງ​ການ​ປ່ຽນ​ແປງ​ຂອງ​ສະ​ຖາ​ນະ​ການ​ສາ​ກົນ, ໄດ້​​ແຕກດອກ​ອອກ​ຜົນ​ຢ່າງ​ອຸ​ດົມ​ສົມ​ບູນ, ​ເຮັດ​ໃຫ້ພວກ​ເຮົາ​ກາຍ​ເປັນ​ເພື່ອນ​ທີ່​ດີ, ສະ​ຫາຍ​ທີ່​ດີ ແລະ ອ້າຍ​ນ້ອງ​ທີ່​ດີ. ຂ້າ​ພະ​ເຈົ້າ​​ສຸດ​ທິເອົາ​ໃຈ​ໃສ່​ຕໍ່​ການ​ຂະ​ຫຍາຍ​ການ​ພົວ​ພັນ​ໄມ​ຕີ​ຈິດ​ມິດ​ຕະ​ພາບ​ລະ​ຫວ່າງ​ຈີນ-ກູ​ບາ​, ຍິນ​ດີ​ຮ່ວມ​​ກັບ​ທ່ານ, ​ຊຸກ​ຍູ້ການ​ພົວ​ພັນ​ສອງ​ປະ​ເທດ​ສືບ​ຕໍ່​ຂະ​ຫຍາຍ​ໄປ​ໜ້າ​ດ້ວຍ​ບາດ​ກ້າວ​ໃຫຍ່.

     ​ໃນ​ສານ​ທີ່​ສົ່ງ​ໄປ​ຍັງ​ທ່ານ​ປະ​ທານ​ດີ​ອາ​ສ ກາ​ເນນ ທ່ານ​ສີ​ຈິ້ນ​ຜິງ​ກ່າວ​ວ່າ, ພັກ ແລະ ປະ​ຊາ​ຊົນ​ກູ​ບາ​ພວມ​ສຸ​ມ​ໃສ່​ການ​ປັບ​ປຸງລະ​ບອບ​ສັງ​ຄົມ​ນິ​ຍົມ​ໃຫ້​ສົມ​ບູນ​ຂຶ້ນ​ຕື່ມ, ພາ​ລະ​ກິດ​ສັງ​ຄົມ​ນິ​ຍົມ​​ຂອງກູ​ບາ​ຍ່ອມ​ຈະ​ໄດ້​ຮັບ​ການ​ພັດ​ທະ​ນາ​​ອັນໃໝ່​ຢ່າງ​ແນ່ນອນ. ເມື່ອໜຶ່ງ​ເດືອນ​ປາຍ​ກ່ອນ, ທ່ານ​ໄດ້​ຢ້ຽມ​ຢາມ​ຈີນ​ທາງ​ລັດ​ຖະ​ກິດ​ຄັ້ງ​ປະ​ຫວັດ​ສາດ​ເມື່ອ ພວກ​ເຮົາໄດ້​ພ້ອມ​ກັນ​ວາງ​ແຜນ​ກ່ຽວ​ກັບ​ການຂະ​ຫຍາຍ​ການ​ພົວ​ພັນ​ສອງ​ປະ​ເທດ​ໃນ​ຍຸກໃໝ່. ຂ້າ​ພະ​ເຈົ້າ​ຍິນ​ດີ​ຮ່ວມກັບ​ທ່ານ​ເພື່ອ​ຊຸກ​ຍູ້​ການ​ພົວ​ພັນ​ຈີນ-ກູ​ບາ​ກ້າວ​ໄປ​ໜ້າ​ຢ່າງ​ບໍ່​ຢຸດ​ຢັ້ງ.

    ມື້​ດຽວ​ກັນ, ທ່ານ​ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ກໍ່ໄດ້​ສົ່ງ​ໂທ​ລະ​ເລກອວຍ​ພອນ​ໄປ​ຍັງ​ທ່ານ​ດີ​ອາ​ສ ກາ​ເນນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ