location:laos.china.com > ຂ່າວເດັ່ນ > ເນື້ອໃນ

ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນຖະ​ແຫຼງກ່ຽວ​ກັບ​ຈີນ-ອາ​ເມ​ລິ​ກາ​ສ້າງ​ການ​ພົວ​ພັນ​ທາງ​ກາ​ນ​ທູດ​ຄົບ​ຮອບ 40 ປີ

2018-12-31 15:38:09

    ຕາມ​ຂ່າວCRI: ທ່ານ​ລູ້​ຄ່າງ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​​ຖະ​ແຫຼງ​ກ່ຽວ​ກັບ​ຈີນ-ອາ​ເມ​ລິ​ກາ​ສ້າງ​ການ​ພົວ​ພັນ​ທາງ​ການ​ທູດ​ຄົບ​ຮອບ 40 ປີ​ໃນວັນ​ທີ 30 ທັນ​ວາ​ນີ້.
    ທ່ານ​ລູ້​ຄ່າງ​ກ່າວ​ວ່າ: ປີ 2019 ຈີນ-ອາ​ເມ​ລິ​ກາ​ສ້າງ​ການ​ພົວ​ພັນ​ທາງ​ການ​ທູດ​ຈະຄົບ​ຮອບ 40 ປີ​ແລ້ວ. ​ຕະ​ຫຼອດ​ໄລ​ຍະ 40 ປີ​ຜ່ານ​ມາ, ການ​ພົວ​ພັນ​ຈີນ-ອາ​ເມ​ລິ​ກາ​ໄດ້​ປະ​ສົບ​ຄວາມ​ຫຍຸ້ງ​ຍາກ​ຕ່າງໆ​ນາ​ນາ​ແຕ່​ກໍ່​ສາ​ມາດ​ຜ່ານ​ຜ່າ ແລະ  ​ຂະ​ຫຍາຍ​ຕົວກ້າວ​ໄປ​ໜ້າ. ການ​ແລກ​ປ່ຽນ ແລະ ການ​ຮ່ວມ​ມື​ລະ​ຫວ່າງ​ຈີນ ກັບ ອາ​ເມ​ລິ​ກາ​ໄດ້​ຮັບ​ການ​ພັດ​ທະ​ນາ​ແບບ​ປະ​ຫວັດ​ສາດ. 40 ປີ​ກ່ອນ, ການ​ໄປ​ມາ​ຫາ​ສູ່​ລະ​ຫວ່າງ​ປະ​ຊາ​ຊົນຈີນ-ອາ​ເມ​ລິ​ກາ​​ມີພຽງ​ຫຼາຍ​ພັນ​ເທື່ອ​ຄົນ​ຕໍ່​ປີ​ເທົ່າ​ນັ້ນ, ມາ​ຮອດປີ2017,​ປະ​ຊາ​ຊົນ​ສອງ​ປະ​ເທດໄປ​ມາ​ກາ​ສູ່ກັນ​ໄດ້​​ບັນ​ລຸຫຼາຍກວ່າ 5 ລ້ານ 3 ແສນ​ເທື່ອ​ຄົນ. 40 ປີ​ກ່ອນ, ມູນ​ຄ່າ​ການ​ຄ້າ​ຈີນ-ອາ​ເມລິ​ກາ​ບໍ່​ພໍ 2,5 ຕື້ໂດ​ລາ, ມາ​ຮອດປີ 2017, ​ມູນ​ຄ່າການ​ຄ້າ​ລະ​ຫວ່າງ​ສອງ​ຝ່າຍ​ໄດ້​ບັນ​ລຸ​ຫຼາຍກວ່າ 580 ຕື້ໂດ​ລາ. 40 ປີ​ກ່ອນ, ການ​ລົງ​ທຶນ​ເຊິ່ງ​ກັນ​ແລະ​ກັນ​ລະ​ຫວ່າງ​ຈີນ​ ກັບ ອາ​ເມ​ລິ​ກາ​ເກືອບ​ບໍ່​ມີ​ເລີຍ, ປີ 2017, ຍອດ​ມູ​ນ​ຄ່າການ​ລົງ​ທຶນໃນ​ຂົງ​ເຂດຕ່າງໆ​ລະ​ຫວ່າງ​ສອງ​ປະ​ເທດ​ ນັບ​ລວມ​ແລ້ວ​ບັນ​ລຸ​ຫຼາຍກວ່າ 230 ຕື້​ໂດ​ລາ. ​ເລື່ອງ​ຄວາມ​ເປັນ​ຈິງ​ໄດ້​ສະ​ແດງ​ຢ່າງ​ເຕັມ​ທີ່​ວ່າ, ການ​ຂະ​ຫຍາຍ​ການ​ພົວ​ພັນ​ຈີນ-ອາ​ເມ​ລິ​ກາ​ບໍ່​ພຽງ​ແຕ່​ໄດ້​ສ້າງ​ຜົນ​ປະ​ໂຫຍດ​ອັນ​ມະ​ຫາ​ສານ​ໃຫ້​ແກ່​ປະ​ຊາ​ຊົນ​ສອງ​ປະ​ເທດ​ເທົ່າ​ນັ້ນ, ​ແຕ່​ຍັງ​ໄດ້​ຊຸກ​ຍູ້​ສັນ​ຕິ​ພາບ, ສະ​ເຖຍ​ລະ​ພາບ ແລະ ຄວາມ​ຈະ​ເລີນ​​ຮຸ່ງ​ເຮືອງຂອງ​ພາກ​ພື້ນ​ອາ​ຊີ-ປາ​ຊິ​ຟິກ ກໍ່​ຄື​ທົ່ວ​ໂລກ​ຢ່າງ​ແຂງ​ແຮງ​ອີກ​ດ້ວຍ.
    ​ການ​​ພັດ​ທະ​ນາການ​ພົວ​ພັນ​ຈີນ-ອາ​ເມ​ລິ​ກາ​ຕະ​ຫຼອດ​ໄລ​ຍະ 40 ປີ​​ຜ່ານມາ​ ໄດ້​ຮັບ​ຄວາມ​ຄືບ​ໜ້າ​ບໍ່​ແມ່ນ​ງ່າຍ​ດາຍ, ​ໃນ​ນັ້ນ ບົດ​ຮຽນ​ທາງ​ປະ​ຫວັດ​ສາດ​ເປັນ​ສິ່ງ​ຄວນ​ຖອດ​ຖອນ​ແລະ​ສະ​ຫຼຸບ. ສອ​ງ​ຝ່າຍ​ຄວນຍຶດ​ໝັ້ນ​ປະ​ຕິ​ບັດ​ຕໍ່ເຈ​ຕະ​ນາ​​ສົມ​ທາງຍຸດ​ທະ​ສາດ​​ຂອງ​ກັນຢ່າງ​​ມີ​ສະ​ຕິ ແລະ ພາ​ວະ​ວິ​ໄສ, ເພີ່​ມ​ທະ​ວີ​ການ​ແລກ​ປ່ຽນ​ ແລະ ຄວາມ​ໄວ້​ເນື້ອ​ເຊື່ອ​ໃຈ​ກັນ​ທາງ​ຍຸດ​ທະ​ສາດ, ປ້ອ​ງ​ກັນ​ບໍ່​ໃຫ້​ເກີດ​ຄວາມ​ຜິດ​ໃນ​ການ​ວິ​ນິ​ໄສ​ທາງ​ຍຸດ​ທະ​ສາດ.​ຄວນ​ຍຶດ​ໝັ້ນ​ທິດ​ທາງ​ໃຫຍ່​ທີ່​ແຫ່ງ​ການ​ຮ່ວມ​ມື​ລະ​ຫວ່າງ​ສອງ​ປະ​ເທດ, ເປີດກວ້າງ​ຂົງ​ເຂດ​ຮ່ວມ​ມື​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ຢ່າງ​ບໍ່​ຢຸດ​ຢັ້ງ, ສ້າງ​ຜົນ​ປະ​ໂຫຍດ​ໃຫ້​ແກ່​ປະ​ຊາ​ຊົນ​ສອງ​ປະ​ເທດ​ໃຫ້​ໄດ້​ຫຼາຍ​ກວ່າ​ເກົ່າ. ຄວນຍຶດ​ໝັ້ນ​ເຄົາ​ລົບ​ຕໍ່​ຜົນ​ປະ​ໂຫຍດ​ດ້ານ​ອະ​ທິ​ປະ​ໄຕ, ຄວາມ​ໝັ້ນ​ຄົງ​ ແລະ ການ​ພັດ​ທະ​ນາ​​ຂອງ​ກັນ​ແລະ​ກັນ, ແກ້​ໄຂ ແລະ ຄຸ້ມ​ຄອງ​ຂໍ້​ຂັດ​​ແຍ້ງ​ຢ່າງ​ເໝາະ​ສົມ, ​ປ້ອງກັນ​ບໍ່​ໃຫ້​ການ​ພົວ​ພັນ​ລະ​ຫວ່າງ​ສອງ​ປະ​ເທດ​ຖືກ​ທຳ​ລາຍ. ​ຄວນຍຶດ​ໝັ້ນ​ເປີດກວ້າງ​ການ​ໄປ​ມາ​ຫາ​ສູ່​ກັນ​ລະ​ຫວ່າງປະ​ຊາ​ຊົນ​ສອງ​ປະ​ເທດ, ​ສ້າງ​ພື້ນ​ຖານ​ທາງ​ສັງ​ຄົມ​ຂອງ​ການ​ພົວ​ພັນ​ຈີນ-ອາ​ເມ​ລິ​ກາ​​ໃຫ້​ໜັກ​ແໜ້ນ.
    ​ຜ່ານ​ການ​ຂະ​ຫຍາຍ​ຕົວ​ມາ​ເປັນ​ເວ​ລາ 40 ປີ, ການ​ພົວ​ພັນ​ຈີນ-ອາ​ເມ​ລິ​ກາ​ໄດ້​​ຢືນ​ຢູ່​ຈຸດ​ເລີ່ມ​ຕົ້ນ​ທາງ​ປະ​ຫວັດ​ສາດ​ໃໝ່​ອີກ. ໂດຍ​ຜະ​ເຊີນ​ກັບ​ໂອ​ກາດ​ໃໝ່ ແລະ ສິ່ງ​ທ້າ​ທາຍ​ໃໝ່, ຈີນ​ຍິນ​ດີ​ຮ່ວມ​ມື​ກັບ​ອາ​ເມ​ລິ​ກາ, ຈັດ​ຕັ້ງ​ປະ​ຕິ​ບັດ​ຄວາມ​ຮັບ​ຮູ້​​ທີ່​ເປັນ​ເອ​ກະ​ພາບ​ກັນ​ທີ່​ທ່ານ​ປະ​ທານສີ​ຈິ້ນ​ຜິງ ແລະ ທ່ານ​ປະ​ທາ​ນາ​ທິ​ບໍ​ດີ​ທ​ຣຳ​ຕົກ​ລົງ​ກັນໃນ​ການ​ພົບ​ປະ​​ຢູ່ອາກ​ຊັງ​ຕິນ​ນັ້ນ​ໃຫ້​ດີ, ເປີດກວ້າງ​ການ​ຮ່ວມ​ມືບົນ​ພື້ນ​ຖານ​ທີ່​ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ​ໂຫຍດ, ​ຄວບ​ຄຸມ ແລະ ຄຸ້ມ​ຄອງ​ຄວາມ​ຂັດ​ແຍ້ງ​ໃຫ້​ດີບົນ​ພື້ນ​ຖານ​​ເຄົາ​ລົບ​ເຊິ່ງ​ກັນ​ແລະ​ກັນ, ຊຸກ​ຍູ້​ການ​ພົວ​ພັນ​ຈີນ-ອາ​ເມ​ລິ​ກາ​ທີ່​ຖື​ເອົາການ​ປະ​ສານ​ງານ, ການ​ຮ່ວ​ມ​ມື ແລະ ຄວາມ​ໝັ້ນ​ຄົງ​ເປັນ​ພື້ນ​ຖານ​ນັ້ນ​ໃຫ້​ຂະ​ຫຍາຍ​ຕົວ, ​ໃຫ້​ການ​ຮ່ວມ​ມື​ຈີນ-ອາ​ເມ​ລິ​ກາ​ສ້າງ​ຄວາມ​ຜາສຸກ​ໃຫ້​ແກ່​ປະ​ຊາ​ຊົນ​ສອງ​ປະ​ເທດ ກໍ່​ຄື​ປະ​ຊາ​ຊົນ​ທົ່ວ​ໂລກ​ໃຫ້​ໄດ້​ຫຼາຍກວ່າ​ເກົ່າ ແລະ ​ດີກວ່າ​ເກົ່າ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ