location:laos.china.com > ຂ່າວເດັ່ນ > ເນື້ອໃນ

ຈີນ​ສະ​ເຫຼີມ​ສະຫຼອງ​ການ​ປະ​ຕິ​ຮູບ​ແລະ​ເປີດ​ປະ​ຕູ​ສູ່​ພາຍນອກ​ຄົບ​ຮອບ 40 ປີ​ຢ່າງ​ຄຶກ​ຄື້ນ

2018-12-18 12:05:28

ຕອນເຊົ້າວັນທີ 18 ທັນວານີ້ ຢູ່ນະຄອນຫຼວງປັກກິ່ງ, ຈີນໄດ້ຈັດພິທີສະເຫຼີມສະຫຼອງການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ. ທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນ ໄດ້ເຂົ້າຮ່ວມພິທີດັ່ງກ່າວ ແລະກ່າວປາໄສທີ່ສຳຄັນ.

ວັນທີ 18 ທັນວາປີ 1978, ສູນກາງພັກກອມມູນິດຈີນໄດ້ໄຂກອງປະຊຸມຄົບຄະນະຄັ້ງທີ 3 ສະໄໝທີ 11 ໂດຍໄດ້ຕົກລົງນະໂຍບາຍຄັ້ງປະຫວັດສາດຄື: ຖືການສ້າງສາເສດຖະກິດເປັນໃຈກາງ, ດຳເນີນການປະຕິຮູບແລະເປີດປະຕູສູ່ພາຍນອກ. ໃນໄລຍະ 40 ປີມານີ້, ກຳລັງສັງລວມຂອງຈີນໄດ້ບັນລຸການກ້າວກະໂດດຂຶ້ນທີ່ມີລັກສະນະ​​ຕົວຈິງ, ສະເລ່ຍແລ້ວ, ລວມຍອດຜະລິດຕະພັນພາຍໃນ ຫຼື GDP ໄດ້ເພີ່ມຂຶ້ນ 9,5% ຕໍ່ປີຕາມລາຄາທີ່ປຽບທຽບໄດ້, ລາຍໄດ້ທີ່ສາມາດຈັບຈ່າຍໄດ້ທີ່ສະເລ່ຍຕໍ່ຫົວຄົນ ໄດ້ເພີ່ມຂຶ້ນ 22,8 ເທົ່າ, ປະຊາຊົນຜູ້ທຸກຍາກ ໄດ້ຫຼຸດລົງ 740 ລ້ານຄົນ, ອັດຕາການປະກອບສ່ວນຕໍ່ການເຕີບໂຕຂອງເສດຖະກິດໂລກ ໄດ້ຫຼາຍກວ່າ 30% ໃນຫຼາຍປີລຽນຕິດ.

ໃນໄລຍະ 40 ປີມານີ້, ຈີນໄດ້ເປີດປະຕູ​​ສ້າງສາເສດຖະກິດ, ມູນຄ່າສິນຄ້າຂາເຂົ້າຂາອອກໄດ້ເພີ່ມຂຶ້ນ 198 ເທົ່າ, ມູນຄ່າການຄ້າບໍລິການທີ່ສົ່ງອອກແລະນຳເຂົ້າ ໄດ້ເພີ່ມຂຶ້ນຫຼາຍກວ່າ 147 ເທົ່າ, ລວມທັງໝົດແລ້ວ ສາມາດດຶງດູດທຶນຕ່າງປະເທດໄດ້ຫຼາຍກວ່າ 2.000 ຕື້ໂດລາສະຫະລັດ. ຈີນໄດ້ກາຍເປັນກຸ່ມເສດຖະກິດໃຫຍ່ອັນດັບ 2 ໃນໂລກ, ປະເທດອຸດສາຫະກຳໃຫຍ່ອັນດັບ 1 ຂອງໂລກ, ປະເທດການຄ້າສິນຄ້າທີ່ຈັບຕ້ອງໄດ້ທີ່ໃຫຍ່ອັນດັບ 1 ຂອງໂລກ ແລະປະເທດທີ່ມີຄັງສຳຮອງເງິນຕາຕ່າງປະເທດຫຼາຍອັນດັບ 1 ຂອງໂລກ.



ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ