location:laos.china.com > ຂ່າວເດັ່ນ > ເນື້ອໃນ

ທ່ານ ສີຈິ້ນຜິງ ພົບປະກັບນາຍົກລັດຖະມົນຕີປອກຕຸຍການ

2018-12-06 12:08:48

ວັນທີ 5 ທັນວານີ້ຕາມເວລາທ້ອງຖິ່ນ ຢູ່ນະຄອນຫຼວງລິສບອນປະເທດປອກຕຸຍການ, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ອັນໂຕນີໂອ ໂຄສຕາ ນາຍົກລັດຖະມົນຕີປອກຕຸຍການ.

ທ່ານ ສີຈິ້ນຜິງ ກ່າວວ່າ: ນັບແຕ່ທ່ານ ອັນໂຕນີໂອ ໂຄສຕາ ນາຍົກລັດຖະມົນຕີປອກຕຸຍການຢ້ຽມຢາມຈີນຢ່າງເປັນທາງການໃນ 2 ປີກ່ອນເປັນຕົ້ນມາ, ສາຍພົວພັນລະຫວ່າງຈີນ-ປອກຕຸຍການໄດ້ເຂົ້າສູ່ໄລຍະທີ່ດີທີ່ສຸດໃນປະຫວັດສາດ,ສ້າງໂອກາດແຫ່ງການພັດທະນາໃໝ່. ຝ່າຍຈີນຍິນດີຮ່ວມກັບຝ່າຍປອກຕຸຍການຊຸກຍູ້ການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.

ທ່ານ ໂຄສຕາ ກ່າວວ່າ: ປອກຕຸຍການຍິນດີຖືເອົາການຢ້ຽມຢາມຂອງທ່ານ ສີຈິ້ນຜິງ ເປັນກາລະໂອກາດ ຮ່ວມກັບຝ່າຍຈີນ,ຍົກລະດັບສາຍພົວພັນລະຫວ່າງສອງປະເທດຕື່ມອີກ. ປອກຕຸຍການມີຈຸດຢືນໃນການຮ່ວມມືແບບເປີດປະຕູແລະການຄ້າເສລີ,ຍິນດີເຂົ້າຮ່ວມການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ຢ່າງຕັ້ງໜ້າ,ປອກຕຸຍການຍິນດີເພີ່ມທະວີການແລກປ່ຽນແລະປະສານງານກັບຝ່າຍຈີນໃນການຮັບມືກັບການປ່ຽນແປງຂອງດິນຟ້າອາກາດແລະວຽກງານອື່ນໆຂອງໂລກ,ຮ່ວມກັນປົກປ້ອງລັດທິຫຼາຍຝ່າຍ. ປອກຕຸຍການຍິນດີເສີມຂະຫຍາຍບົດບາດໃຫ້ຫຼາຍກວ່າເກົ່າເພື່ອເພີ່ມທະວີຄວາມໄວ້ເນື້ອເຊື່ອໃຈກັນແລະການຮ່ວມມືກັນລະຫວ່າງເອີຣົບ-ຈີນ. ຫຼັງການພົບປະ, ຜູ້ນຳສອງປະເທດຍັງໄດ້ຮ່ວມກັນເປັນສັກຂີພິຍານໃນພິທີເຊັນສັນຍາຮ່ວມມືສອງຝ່າຍຫຼາຍສະບັບເຊັ່ນ: “ບົດບັນທຶກຄວາມເຂົ້າໃຈກ່ຽວກັບການຮ່ວມກັນຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ” ລະຫວ່າງຈີນ-ປອກຕຸຍການ”ເປັນຕົ້ນ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ