location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິງ​ພົບ​ປະ​ຫາ​ລື​ກັບ​ປະ​ທ​າ​ນາ​ທິ​ບໍ​ດີ​ອາກ​ຊັງ​ຕິນ

2018-12-03 10:17:14
r_1431524_2018120310171180822300.jpg

ວັນ​ທີ 2 ທັນ​ວາ​ນີ້, ຢູ່​ນະ​ຄອນຫຼວງ​ບູ​ນົ​ສ​ໄອ​ເຣ​ສ ປະ​ເທດ​ອາກ​ຊັງ​ຕິນ, ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ພົບ​ປະ​ຫາ​ລື​ກັບ​ທ່ານມໍ​ຣີ​ຊີ​ໂອ ມາ​ຄ​ຣີ ປະ​ທາ​ນາ​ທິ​ບໍ​ດີ​ອາກ​ຊັງ​ຕິນ. ປະ​ມຸກ​ລັດ​ສອງ​ປະ​ເທດ​ເປັນ​ເອ​ກະ​ພາບ​ກັນ​ເຫັນ​ດີ​ວາງ​ແຜນ​ພັດ​ທະ​ນາ​ການ​ພົວ​ພັນ​ສອງ​ປະ​ເທດ​ດ້ວຍ​ສາຍ​ຕາ​ເບິ່ງກວ້າງມອງ​ໄກ​ຫຼາຍກວ່າ​ເກົ່າ ເພື່ອ​ຮ່ວມ​ກັນ​​ບຸກ​ເບີກ​ຍຸກ​ໃໝ່​ຂອງສາຍ​ພົວ​ພັນ​ຄູ່​ຮ່ວມ​ຍຸດ​ທະ​ສາດ​ຮອບ​ດ້ານ​ຈີນ-ອາກ​ຊັງ​ຕິນ​.

 ທ່ານ​ສີ​ຈິ້ນ​ຜິງ​ກ່າວ​ວ່າ: ໃນ​ໄລ​ຍະ 2 ປີກວ່າ​ມາ​ນີ້, ຂ້າ​ພະ​ເຈົ້າ​ແລະ​ທ່ານ​ປະ​ທາ​ນາ​ທິ​ບໍ​ດີ​ໄດ້​ພົບ​ປະ​ກັນ 5 ເທື່ອ ເຊິ່ງ​ໄດ້​ສ້າງ​ສະ​ຖິ​ຕິ​ໃໝ່​ໃນ​ປະ​ຫວັດ​ສາດ​ການ​ພົວ​ພັນ​ຈີນ-ອາກ​ຊັງ​ຕິນ. ການ​ຮ່ວມ​ມື​ລະ​ຫວ່າງ​ສອງ​ປະ​ເທດ​ໄດ້​ຂະ​ຫຍາຍ​ຕົວ​ເຂົ້າ​ສູ່​ລວງ​ເລິກ​ແລະ​ລວງກວ້າງ​ແບ​ບ​ບໍ່​ເຄີຍ​ມີ​ມາ​ກ່ອນ, ສອງ​ຝ່າຍ​ຄວນ​ຢູ່​ບົນ​ພື້ນ​ຖານ​ເຄົາ​ລົບ​ເຊິ່ງ​ກັນ​ແລະ​ກັນ, ສະ​ເໝີ​ພາບ​ແລະ​ຮ່ວມ​ມື​ກັນ​ເພື່ອ​​ເຮັດ​ໃຫ້​ຕ່າງ​ຝ່າຍ​ຕ່າງໄດ້​ຮັບ​ຜົນ​ປະ​ໂຫຍດ​ນຳ​ກັນ, ລົງ​ເລິກ​ການ​ຮ່ວມ​ມື​ໃນ​ຂົງ​ເຂດ​ຕ່າງໆ​ໃຫ້​ເປັນ​ຮູບ​ປະ​ທຳ,​ບຸກ​ເບີກ​ຍຸກ​ໃໝ່​ຂອງ​ສາຍ​ພົວ​ພັນ​ຄູ່​ຮ່ວມ​ຍຸດ​ທະ​ສາດ​ຮອບ​ດ້ານ​ຈີນ-ອາກ​ຊັງ​ຕິນ ແລະ​ປະ​ກອບ​ສ່ວນ​ໃໝ່​ເພື່ອ​ສັນ​ຕິ​ພາບ,ສະ​ຖຽນ​ລະ​ພາບ​ແລະ​ຄວາມ​ຈະ​ເລີນ​ຮຸ່ງ​ເຮືອງ​ຂອງ​ສອງ​ປະ​ເທດ​ກໍ​ຄື​ຂອງ​ໂລກ.

 ທ່ານ​ມາ​ຄ​ຣີ​ຢືນ​ຢັນ​ວ່າ, ຂອບ​ໃຈ​ຈີນ​ທີ່​ໃຫ້​ການ​ຊ່ວຍ​ເຫຼືອ​ແລະ​ສະ​ໜັບ​ສະ​ໜູນ​​ເປັນ​ເວ​ລາ​ດົນ​ນານ​ມາ​ແລ້ວ, ຂ້າ​ພະ​ເຈົ້າ​ຕີ​ລາ​ຄາ​ຢ່າງ​ສູງ​ຕໍ່​ທ່ານ​ປະ​ທານ​ສີ​ຈິ້ນ​ຜິງ​ທີ່​ໄດ້​ສະ​ໜັບ​ສະ​ໜູນ​ຢ່າງ​ແຂງ​ແຮງ​ຕໍ່​ກອງ​ປະ​ຊຸມ​ສຸດຍອດ​ກຸ່ມ20​ປະ​ເທດທີ່​ຫາ​ກໍ່​ສິ້ນ​ສຸດ​ລົງ. ອາ​ກ​ຊັງ​ຕິນ​ຍິນ​ດີ​ຮ່ວມ​ກັບ​ຈີນ​ເພີ່ມ​ທະ​ວີ​ການ​ປະ​ສານ​ງານ​ແລະ​ຮ່ວມ​ມື​ກັນ​ໃນ​ວຽກ​ງານຫຼາຍ​ຝ່າຍ​ໃຫ້​ແໜ້ນ​ແຟ້ນ​ຍິ່ງ​ຂຶ້ນ.

 ປະ​ມຸກ​ລັດ​ສອງ​ປະ​ເທດ​ຍັງ​ໄດ້​ຮ່ວມ​ກັນ​ເປັນ​ສັກ​ຂີ​ພິ​ຍານ​ໃນ​ພິ​ທີ​ລົງ​ນາມ​ໃນ​ແຜນ​ການ​ດຳ​ເນີນ​ງານ​ຮ່ວມ(2019-2023)ລະ​ຫວ່າງ​ລັດ​ຖະ​ບານ​ສາ​ທາ​ລະ​ນະ​ລັດ​ປະ​ຊາ​ຊົນ​ຈີນ​ແລະ​ລັດ​ຖະ​ບານ​ສາ​ທາ​ລະ​ນະ​ລັດ​ອາກ​ຊັງ​ຕິນ​ກໍ​ຄື​ເອ​ກະ​ສານ​ຮ່ວມ​ມື​ສອງ​ຝ່າຍຫຼາຍ​ສະ​ບັບ ທັງ​ໄດ້ອອກ​ຖະ​ແຫຼງ​ການ​ຮ່ວມ​​ຂອງ​ສອງ​ປະ​ເທດ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ