location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິງ ເຂົ້າ​ຮ່ວມກອງ​ປະ​ຊຸມ​ສຸດຍອດຜູ້​ນຳ​ກຸ່ມ 20 ປະ​ເທດຄັ້ງ​ທີ 13 ແລະ​ກ່າວ​ຄຳ​ປາ​ໄສ​ສຳ​ຄັນ

2018-12-01 18:08:24

ວັນ​ທີ 30 ພະ​ຈິກ ​ຕາມ​ເວ​ລາ​ທ້ອງ​ຖິ່ນ, ກອງ​ປະ​ຊຸມ​ສຸດຍອດຜູ້​ນຳ​ກຸ່ມ 20 ປະ​ເທດ​ຫຼື G 20 ຄັ້ງ​ທີ 13 ໄດ້ຈັດ​ຂຶ້ນ​ຢູ່​ນະ​ຄອນ​ບູ​ນົ​ສ​ໄອ​ເຣັດ​ສ໌. ທ່ານ​ສີ​​ຈິ້ນຜິງ ປະ​ທານ​ປະ​ເທດ​ຈີນ​ໄດ້​ເຂົ້າ​ຮ່ວມກອງ​ປະ​ຊຸມ​ໄລ​ຍະ​ທຳ​ອິດ​ແລະ​ກ່າວ​ຄຳ​ປາ​ໄສ​ສຳ​ຄັນ ທີ່​ມີ​ຫົວ​ຂໍ້​ວ່າ “​ເ​ບິ່ງ​ກວ້າງມອງ​ໄກ ​ຂັບ​ເຄື່ອນ​ເສດ​ຖະ​ກິດ​ໂລກ​ໄປ​ໃນ​ທິດ​ທາງ​ທີ່​ຖືກ​ຕ້ອງ”, ໂດຍ​ກ່າວ​ເນັ້ນ​ວ່າ, ກຸ່ມ 20 ປະ​ເທດ ຄວນ​ຍຶດ​ໝັ້ນ​​ການ​ຮ່ວມ​ມື​ແບບເປີດ​ປະ​ຕູ​, ຍຶດ​ໝັ້ນ​ຈິດ​ໃຈ​ຄູ່​ຮ່ວມ​ມື, ປະ​ດິດ​ສ້າງ​ໃໝ່, ແລະ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ, ​ກຳ​ແໜ້ນທິດ​ທາງ​ລວມ​ຂອງ​ເສດ​ຖະ​ກິດ​ໂລກ​​ດ້ວຍ​ທ່າ​ທີ​ຮັບ​ຜິດ​ຊອບ.

ທ່ານ​ສີ​ຈີ້ນ​ຜິງ​ກ່າວ​ເນັ້​ນ​ວ່າ, ​​ເພື່ອ​ຕອບ​ສະ​ໜອງ​ຕາມ​ຄວາມ​ຮຽກ​ຮ້ອງ​ຕ້ອງ​ການ​ຮ່ວມ​ເພື່ອ​ຮັກ​ສາ​ເສດ​ຖະ​ກິດ​ໂລກ​ໃຫ້​ພັດ​ທະ​ນາ​ໄດ້​ຢ່າງ​ໝັ້ນ​ຄົງ ຈຶ່ງ​ພາ​ໃຫ້​ເກີດ​ມີ​ກຸ່ມ 20 ປະ​ເທດ. ໃນ 10 ປີ​ທີ່​ຜ່ານ​ມາ, ພວກ​ເຮົາ​ຮ່ວມ​ແຮງ​ຮ່ວມ​ໃຈ​ກັນ ໄດ້​ຊຸກ​ຍູ້​ໃຫ້​ເສດ​ຖະ​ກິດ​ໂລກ​ກ້າວ​ເຂົ້າ​ສູ່​ທິດ​ທາງ​ຟື້ນ​ຟູ​ການ​ເຕີບ​ໂຕ​ຄືນ​ໃໝ່. 10 ປີ​ຜ່ານ​ໄປ​ແລ້ວ, ພວກ​ເຮົາ​ຄວນ​ມີ​ຄວາມ​ອົງ​ອາດ​ກ້າ​ຫານ​ຄື​ເກົ່າ, ມີ​ສາຍ​ຕາ​ຍຸດ​ທະ​ສາດ, ນຳ​ພາ​ເສ​ດ​ຖະ​ກິດ​ໂລກ​ພັດ​ທະ​ນາ​ກ້າວ​ໄປ​ໜ້າ​ຕາມ​​ທິດ​ທາງ​ທີ່​ຖືກ​ຕ້ອງ. ຂ້າ​ພະ​ເຈົ້າ​ມີ​ຂໍ້​ສະ​ເໜີ​ 4 ຂໍ້​ດັ່ງ​ນີ້:

ໜຶ່ງ, ຄວນ​ຍຶດ​ໝັ້ນ​ການ​ຮ່ວມ​ມື​ເປີດ​ປະ​ຕູ, ຮັກ​ສາ​ກົນ​ໄກ​ການ​ຄ້າ​ຫຼາຍ​ຝ່າຍ.

ສອງ, ຄວນ​ຍຶດ​ໝັ້ນຈິດ​ໃຈ​ຄູ່​ຮ່ວມ​ມື, ເພີ່ມ​ທະ​ວີ​ການ​ປະ​ສານ​ນະ​ໂຍ​ບາຍ​ມະ​ຫາ​ພາກ.

ສາມ, ຄວນ​ຍຶ້ດ​ໝັ້ນ​ການ​ປະ​ດິດ​ສ້າງ​ໃໝ່, ຄົ້ນ​ຫາ​ພະ​ລັງ​ແຮງ​ແຫ່ງ​ການ​ເຕີບ​ໂຕ​ຂອງ​ເສດ​ຖະ​ກິດ.

ສີ່, ຄວນ​ຍຶດ​ໝັ້ນ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ, ຊຸກ​ຍູ້​ການ​ພັດ​ທະ​ນາທົ່ວ​ໂລກ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ