location:laos.china.com > ຂ່າວເດັ່ນ > ເນື້ອໃນ

ການ​ປະ​ດິດ​ສ້າງ​ໃໝ່​ຢ່າງ​ເປັນ​ເຈົ້າ​ຕົນ​ເອງ​ເປັນ​ແຮງ​ຊຸກ​ດັນ​ເຂັ້ມ​ແຂງ​ທີ່​ສຸດ​ສຳ​ລັບ​ການ​ພັດ​ທະ​ນາ​ແບບ​ຍືນ​ຍົງ​ຂອງ​ຈີນ

2018-10-03 17:10:18

ເມື່ອ​ເວົ້າ​ເຖິງ​ເລື່ອງ​ປະ​ດິດ​ສ້າງ​ໃໝ່, ຜູ້​ນຳ​ຈີນ​ມັກ​ຍົກ​ເອົາ​ສຸ​ພາ​ສິດ​ບູ​ຮານ​ມາ​ເວົ້າ​ວ່າ “ຖ້າ​ສາ​ມາດ​ປະ​ດິດ​ສ້າງ​ໃໝ່​ໃນ​ມື້​ໜຶ່ງ, ກໍ​ຄວນ​ຮັກ​ສາ​ການ​ປະ​ດິດ​ສ້າງ​ໃໝ່​ ​ທຸກ​ມື້, ແລະ​ປະ​ດິດ​ສ້າງ​ໃໝ່ໄປ​ເລື້ອຍໆ”, ເຊິ່ງ​ສະ​ແດງ​ໃຫ້​ເຫັນ​ວ່າ ການ​ປະ​ດິດ​ສ້າງ​ໃໝ່​ຢ່າງ​ເປັນ​ເຈົ້າ​ຕົນ​ເອງ​ເປັນ​ພອນ​ສະ​ຫວັນ​ອັນ​ພົ້ນ​ເດັ່ນ​ຂອງ​ປະ​ຊາ​ຊາດ​ຈີນ, ເປັນ​ບໍ່​ແນວ​ຄິດ​ຂອງ​ຄົນ​ຈີນ​ໃນ​ການ​ສະ​ແຫ​ວງ​ຫາ​ຄວາມ​ກ້າວ​ໜ້າ, ທັງ​ເປັນ​ແຮງ​ຊຸກ​ດັນ​ທີ່​ເຂັ້ມ​ແຂງ​ທີ່​ສຸດ​ສຳ​ລັບ​ການ​ພັດ​ທະ​ນາ​ແບບ​ຍືນ​ຍົງ​ຂອງ​ຈີນ.


ນັບແຕ່​ຈີນ​ປະ​ຕິ​ຮູບ ແລະ​ເປີດ​ປະ​ຕູ​ສູ່​ພາຍນອກ​ເປັນ​ເວ​ລາ 40 ປີ​​ມານີ້, ໂດຍ​ສະ​ເພາະ​ໃນ​ຊຸມ​ປີ​ມໍ່ໆ​ມາ​ນີ້, ພາຍ​ໃຕ້​ການ​ຊີ້​ນຳ​ຂອງ​ຍຸດ​ທະ​ສາດ​ຂັບ​ເຄື່ອນ​ການ​ພັດ​ທະ​ນາ​ດ້ວຍ​ການ​ປ​ະ​ດິດ​ສ້າງ​ໃໝ່ ແລະ​ສ້າງ​ສາ​ປະ​ເທດ​ແບບ​ປະ​ດິດ​ສ້າງ​ໃໝ່​ນັ້ນ, ຫົວ​ຄິດ​ປ​ະ​ດິດ​ສ້າງ​ຂອງ​ປ​ະ​ຊາ​ຊົນ​ຈີນ​ໄດ້​ເຂັ້ມ​ແຂງ​ຂຶ້ນ​ຕື່ມ​ອີກ. ປີ 2017, ອັດ​ຕາ​ປະ​ກອບ​ສ່ວນ​ຂອງ​ຄວາມ​ກ້າວ​ໜ້າ​ດ້ານ​ວິ​ທະ​ຍາ​ສາດ​ເຕັກ​ໂນ​ໂລ​ຊີ​ຕໍ່​ການ​ເຕີບ​ໂຕ​ຂອງ​ເສດ​ຖະ​ກິດ​ຈີນ​ໄດ້​ຂຶ້ນ​ເປັນ 57,5%, ​ໃຫ້​ຫຍັບໃກ້​ກັບ 60% ​ເປັນ​ເປົ້າ​ໝາຍ​ຂອງ​ຈີນ​ໃນ​ປີ 2020; ເງິນ​ທຶນ​ທີ່​ໃຊ້​ໃນ​ຂົງ​ເຂດ​ຄົ້ນ​ຄວ້າ​ມີ​ເຖິງ 1750 ຕື້ຢວນ, ກວມ 2,12%ຂອງGDPຂ​ອງ​ຈີນ.


ໃນ​ພຶດ​ຕິ​ກຳ​ປະ​ດິດ​ສ້າງ​ໃໝ່​ທີ່​ບໍ່​ເຄີຍ​ຢຸດ​ສະ​ງັກ​ຈັກ​ເທື່ອ​ນັ້ນ, ຊຸມ​ປີ​ມໍ່ໆ​ມາ​ນີ້, ລັດ​ຖະ​ບານ, ວິ​ສາ​ຫະ​ກິດ ແລະ​ອົງ​ການ​ຄົ້ນ​ຄວ້າ​ວິ​ທະ​ຍາ​ສາດ​ຂອງ​ຈີນ​ໄດ້​ຕັ້ງ​ຈຸດ​ຢືນແຫ່ງ​ການ​ປະ​ດິດ​ສ້າງ​ໃໝ່​ດ້ານ​ວິ​ທະ​ຍາ​ສາດ​ເຕັກ​ໂນ​ໂລ​ຊີ​ຢູ່​ກັບ​ການ​ຕອບ​ສະ​ໜອງ​ຄວາມ​ຕ້ອງ​ການ​ຂອງ​ປະ​ຊາ​ຊົນ​ຕໍ່​ຊີ​ວິດ​ການ​ເປັນ​ຢູ່​ອັນ​ດີ​ງາມ, ​ພະ​ຍາ​ຍາມ​ຊຸກ​ຍູ້​ໃຫ້​ຕ່ອງ​ໂສ້​ການ​ປະ​ດິດ​ສ້າງ​ເຕັກ​ໂນ​ໂລ​ຊີ​ໃໝ່ ເຊື່ອມ​ຈອດ​ກັບ​ຕ່ອງ​ໂສ້​ພັດ​ທະ​ນາ​ອຸດ​ສາ​ຫະ​ກຳ​ຢ່າງ​ແມ່ນ​ຢຳ, ເຮັດ​ໃຫ້​ຜົນ​ການ​ຄົ້ນ​ຄວ້າ​ວິ​ທະ​ຍາ​ສາດ​ຫັນ​ເປັນ​ຜົນ​ປະ​ໂຫຍດ​ຕົວ​ຈິງ​ໃນ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ໂດຍ​ໄວ.


ປະ​ຈຸ​ບັນ, ສັງ​ຄົມ​ມະ​ນຸດ​ພວມ​ຢູ່​ໃນ​ໄລ​ຍະການ​ປະ​ຕິ​​ວັດ​ອຸດ​ສາ​ຫະ​ກຳ​ຄັ້ງ​ທີ 4, ເຊິ່ງ​ເປັນ​ການ​ປະ​ຕິ​ວັດ​ເຕັກ​ໂນ​ໂລ​ຊີ​ຮອບ​ໃໝ່​ທີ່​ຖື​ພະ​ລັງ​ງານ​ສະ​ອາດ, ເຕັກ​ນິກ​ຫຸ່ນ​ຍົນ, ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ​ຄວນທຳ quantum, ເຕັກ​​ນິກ​ຊີ​ວະ​ຊາດ​ແລະ​ອື່ນໆ​ເປັນຫຼັກ. ຈີນ​ໄດ້ນຳ​ໜ້າ​ການ​ພັດ​ທະ​ນາ​ໃນຫຼາຍ​ຂະ​ແໜງ​ການ, ​ແຕ່​ຍັງ​ອາ​ໄສ​ການ​ນຳ​ເຂົ້າ​ສິນ​ຄ້າ​ຕ່າງ​ປະ​ເທດ​ໃນ​ລະ​ດັບ​ສູງ​ໃນຫຼາຍ​ດ້ານ, ເຊັ່ນ: ​ຫົວ​ຈັກ​ເຮືອ​ບິນ, ຊິບchip ແລະ​ອື່ນໆ; ລະ​ດັບ​ການ​ພັດ​ທະ​ນາ​ດ້ານ​ເສດ​ຖະ​ກິດ ແລະ​ເຕັກ​ໂນ​ໂລ​ຊີ​ຢູ່​ທ້ອງ​ຖິ່ນ​ຕ່າງໆ​​ຂອງ​ຈີນ​ຍັງ​ບໍ່​ດຸນ​ດ່ຽງ​ກັນ. ຈີນ​ຍັງ​ມີ​ກຳ​ລັງ​ບົ່ມ​ຊ້ອນ​ຢ່າງຫຼວງຫຼາຍ​ໃນ​ຂົງ​ເຂດ​ປະ​ດິດ​ສ້າງ​ໃໝ່, ຍັງ​ຕ້ອງ​ການ​​ຊ່ອງ​ຫວ່າງຫຼາຍກວ່າ​ເກົ່າເພື່ອ​ຂຸດ​ຄົ້ນ​ ແລ​ະ ນຳ​ໃຊ້​ກຳ​ລັງ​ບົ່ມ​ຊ້ອນ​ຕື່ມ​ອີກ.


ພາຍໃຕ້ເບື້ອງຫຼັງທີ່ຂະບວນການເສດຖະກິດໂລາພິວັດຂະຫຍາຍລົງສູ່ລວງເລິກ, ຈະບໍ່ມີປະເທດໃດໜຶ່ງສາມາດແກ້ໄຂໝົດທຸກບັນຫາດ້ານປະດິດສ້າງໃໝ່ດ້ວຍຕົນເອງໄດ້. ຕໍ່ເລື່ອງນີ້, ປີນີ້, ທ່ານສີຈິ້ນຜິງ ປະທານປະເທດຈີນເຄີຍກ່າວຕໍ່ນັກວິທະຍາສາດຍອດຍິ່ງຂອງຈີນວ່າ, ຈີນຕ້ອງເດີນຕາມເສັ້ນທາງປດິດສ້າງໃໝ່ຢ່າງເປັນເຈົ້າຕົນເອງທີ່ມີສີສັນພິເສດຂອງຈີນ, ເຊື່ອມໂຍງເຂົ້າເຄືອຂ່າຍປະດິດສ້າງໃໝ່ທາງວິທະຍາສາດເຕັກໂນໂລຊີທົ່ວໂລກ, ລົງເລິກເຂົ້າຮ່ວມການບໍລິຫານວິທະຍສາດເຕັກໂນໂລຊີທົ່ວໂລກ, ປະກອບສ່ວນສະຕິປັນຍາຂອງຈີນ ແລະ ອອກແຮງຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ. ໃນໄລຍະມໍ່ໆມານີ້, ທ່ານສີຈິ້ນຜິງຍັງໄດ້ສົ່ງສານອວຍພອນເຖິງກອງປະຊຸມຮຸ່ນຍົນອັດສະລິຍະໂລກຄັ້ງທຳອິດ ໂດຍ່າວເນັ້ນວ່າ, ຈີນຍິນດີ “ຮ່ວມກັນຊຸກຍູ້ການພັດທະນາ, ຮ່ວມກັນປ້ອງກັນຄວາມໝັ້ນຄົງ ແລະ ຮ່ວມກັນຊົມໃຊ້ຜົນສຳນເລັດ” ກັບບັນດາປະເທດໃນຂົງເຂດຮຸ່ນຍົນອັດສະລິຍະ.


ທັງນີ້ສະແດງໃຫ້ເຫັນວ່າ, ຈີນໄດ້ຖືເອົາການປດິດສ້າງໃໝ່ດ້ວຍຕົນເອງເປັນຊ່ອງທາງພື້ນຖານໃນການພັດທະນາວິທະຍາສາດເຕັກໂນໂລຊີແຫ່ງຊາດ. ໃນຖານະເປັນປະເທດໃຫຍ່ທີ່ຮັບຜິດຊອບ, ຈີນກໍຍິນດີລົງເລິກການຮ່ວມມືກັບວົງການວິທະຍາສາດເຕັກໂນໂລຊີທົ່ວໂລກ, ປະກອບສ່ວນໃໝ່ເພື່ອການພັດທະນາວິທະຍສາດເຕັກໂນໂລຊີທົ່ວໂລກ ແລະ ຄວາມກ້າວໜ້າຂອງມວນມະນຸດ, ເຮັດໃຫ້ນັກປະດິດສ້າງໃໝ່ທັງຫຼາຍສາມາດສ້າງອະນາຄົດທີ່ດີງາມກວ່າເກົ່າເພື່ອມວນມະນຸດ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ