location:laos.china.com > ຂ່າວເດັ່ນ > ເນື້ອໃນ

ກຳ​ລັງແກ້ງ​ແຍ້ງໃນ​​ຕົວ​ຂອງ​ປະ​ຊາ​ຊົນ​ຈີນ

2018-10-02 15:17:24

ເມື່ອ​ເວົ້າ​ເຖິງ​ຄວາມ​ດຸ​ໝັ່ນ​ຂອງ​ປະ​ຊາ​ຊົນ​ຈີນ, ຊາວ​ຈີນ​ສ່ວນຫຼາຍ​ທີ່​ສຸດ​ຈະ​ຮູ້​ດີແລ້ວ. ເລີ່ມ​ແຕ່​ຍາມ​ຍັງ​ນ້ອຍ, ປູ່​ຍ່າ ພໍ່​ແມ່​ກໍ​ໄດ້​ສັ່ງ​ສອນ​ເທື່ອ​ແລ້ວ​ເທື່ອ​ອີກວ່າ ຕ້ອງ​ພະ​ຍາ​ຍາມ​ຮ່ຳ​ຮຽນ​ເພື່ອ​ໄດ້​ຮັບ​ຄວາມ​ກ້າວ​ໜ້າ​ເລື້ອຍໆ. ໃນ​ວັດ​ທະ​ນະ​ທຳ​ ​ຂອງ​ຈີນ, ກໍ​ມີ​ຄະ​ຕິ​ເຕືອນ​ໃຈ​ວ່າ “​ສ້າງພາ​ລະ​ກິດ​​ໃຫ້ສຳ​ເລັດ​​ໄດ້ຍ້ອນ​ຄວາມ​ດຸ​ໝັ່ນ ແລະ ຈະ​ລົ້ມ​ເຫຼວ​ຍ້ອນ​ຄວາມ​ຂີ້​ຄ້ານ” “ຟ້າ​ແຖນ​ຈະ​ຊ່ວຍ​ຜູ້​ດຸ​ໝັ່ນ” “ຄວາມ​ດຸ​ໝັ່ນ​ຈະ​ຊ່ວຍ​ຈຸນ​ເຈືອ​ຈຸດ​ອ່ອນ​ໄດ້”. ທ່ານ​ລູ​ຊຸ້ນ ນັກ​ປະ​ພັນທີ່​ມີ​ຊື່​ສຽງ​ຂອງ​ຈີນ​ເຄີຍ​ກ່າວ​ວ່າ: “ຂ້ອຍ​ບໍ່​ແມ່ນ​ຄົນ​ທີ່​ມີ​ພອນ​ສະ​ຫວັນ, ພຽງ​ແຕ່​ໃຊ້​ເວ​ລາ​ກິນ​ກາ​ເຟ​ຂອງ​ຄົນ​ອື່ນ​ມາ​ຫ້າວ​ຫັນ​ເຮັດ​ວຽກ​ເທົ່າ​ນັ້ນ.”


ໃນ 40 ປີ​ຜ່ານ​ມາ, ຈີນ​ໄດ້ປະ​ສົບ​ຜົນ​ສຳ​ເລັດ ແລະ​ຄວາມ​ກ້າວ​ໜ້າ​ທີ່​ເໜືອ​ຄວາມ​ຄາດ​​ຄິດ​ຂອງ​ຊາວ​ໂລກ, ນີ້​​ແມ່ນ​ຍ້ອນ​ວ່າ​ຜູ້​ນຳ​ຈີນ​ໄດ້​ຍຶດ​ໝັ້ນ​ນະ​ໂຍ​ບາຍ​ ປະ​ຕິ​ຮູບ ແລະ​ເປີດ​ປະ​ຕູ​ສູ່​ພາ​ຍນອກ​ຕະຫຼອດ​ມາ, ກໍ​ຕັດ​ແຍກ​ອອກ​ຈາກ​ປະ​ຊາ​ຊົນ​ຈີນ​ບໍ່​ໄດ້. ຄວາມ​ດຸ​ໝັ່ນ​ຂອງ​ປະ​ຊາ​ຊົນ​ຈີນ​ໄດ້​ສ້າງ​ຄວາມ​ປ່ຽນ​ແປງ​ໃຫ້​ແກ່​ຄອບ​ຄົວ​ຕົນ, ກໍ​ໄດ້​ສ້າງ​ຄວາມ​ປ່ຽນ​ແປງ​​ໃຫ້​ແກ່ສັງ​ຄົມ ແລະ​ປະ​ເທດ​ຊາດ​ເຊັ່ນ​ກັນ.


ຄວາມ​ດຸ​ໝັ່ນ ແລະ​ຄວາມ​ພະ​ຍາ​ຍາມ​ບໍ່​ໄດ້​ຈຳ​ກັດ​ຢູ່​ນຳຄົນ​ຈີນ​ທົ່ວ​ໄປ ຫຼື ວົງ​ການ​ການ​ຄ້າ​ຈີນ​ເທົ່າ​ນັ້ນ. ​ລັດ​ຖະ​ກອນ​ຂອງ​ຈີນກໍ​ໄດ້​ເຮັດ​ວຽກ​ຢ່າງ​ດຸ​ໝັ່ນ​ເຊັ່ນ​ກັນ​. ​ປີ​ນີ້ຂ່າວສານ​ລອຍ​ເຕີໄດ້ຍົກ​ເອົາ “ບົດ​ລາຍ​ງານ​ສຳຫຼວດ​ຄວາມ​ໜ້າ​ເຊື່ອ​ຖື​ທົ່ວ​ໂລກ​ເອ​ເດັນ​ແມນ”ມາ​ລາຍ​ງານ​ຂ່າວ​​ວ່າ, ປະ​ຊາ​ຊົນ​ຈີນ84%​ມີ​ຄວາມ​ເຊື່ອ​ຖື​ຕໍ່​ລັດ​ຖະ​ບານ​ຈີນ, ​ແລະກຸ່ມ​ຄົນ​ທີ່​ມີ​ລະ​ດັບ​ການ​ສຶກ​ສາ​ສູງ ແລະ​ມີ​ລາຍ​ຮັບ​ສູງ​89%ມີ​ຄວາມ​ເຊື່ອ​ຖື​ຕໍ່​ລັດ​ຖະ​ບານ​, ເຊີ່ງ​ລ້ວນ​ແຕ່​ຢູ່​ອັນ​ດັບ​ໜຶ່​ງ​ຂອງ​ທົ່ວ​ໂລກ.


ຄວາມ​ດຸ​ໝັ່ນ​ລະ​ດັບ​ສູງ​ແບບ​ນີ້​ມາ​ແຕ່​ໃສ? ເວົ້າ​ສຳ​ລັບຄົນ​ຈີນ​ທົ່ວ​ໄປ​ແລ້ວ, ການ​ບາກ​ບັ່ນ​ສູ້​ຊົນ​ໃນ​ປະ​ຈຸ​ບັນ, ບໍ່​ພຽງ​ແຕ່​ແມ່ນ​ເພື່ອ​ຄອບ​ຄົວ​ເທົ່າ​ນັ້ນ, ກໍ​ແມ່ນ​ເພື່ອ​ທົ່ວ​ຊົນ​ຊາດ​ຈີນ ແລະ​ທົ່ວ​ປະ​ເທດ​​ຈີນເຊັ່ນ​ກັນ. ຈີນ​ໄດ້ພັດ​ທະ​ນາ​ເປັນ​ອົງ​ກອນ​ເສດ​ຖະ​ກິດ​ໃຫຍ່​ອັນ​ດັບ 2 ຂອງ​ໂລກ​ດ້ວຍ​ເວ​ລາ 40 ປີ, ມີ​ລະ​ບົບ​ອຸດ​ສາ​ຫະ​ກຳ​ທີ່​ຄົບ​ຖ້ວນ​ທີ່​ສຸດ​ໃນ​ໂລກ, ຕະຫຼາດ​ລົດ​ຍົນ​ໃຫຍ່​ທີ່​ສຸດ​​ຂອງ​ໂລກ, ການ​ຄ້າ​ເອ​ເລັກ​ໂຕຼນິກ​ທີ່​ກ້າວ​ໜ້າ​ຂອງ​ໂລກ ແລະ​ອື່ນໆ​ອີກ, ເຊິ່ງ​ລ້ວນ​ແຕ່​​ຍ້ອນ​ວ່າ​ຄົນ​ຈີ​ນ​ທຸກ​ຄົນ​ທີ່​ດຸ​ໝັ້ນ​ຂະ​ຫຍັນ​ພຽນ.


ໃນ​ຊູ່​ມື້​ນີ້, ຈີນ​ໄດ້​ວາງ​ກົດ​ໝາຍ​ເພື່ອ​ປົກ​ປ້ອງ​ສິດ​ພັກ​ຜ່ອນ​ຂອງ​ປ​ະ​ຊ​າ​ຊົນ​​ມາແຕ່​ດົນ​ແລ້ວ, ແຕ່​ວ່າ​ໃນ​ມື້​ໃດ​ມື້​ໜຶ່ງຖ້າ​ຈີນ​ກາຍ​ເປັນ​ປະ​ເທດ​ທີ່​ພັດ​ທະ​ນາ​ໃນ​ລະ​ດັບ​ສູງ​ແລ້ວ, ​ຄົນ​ຈີນ​ກໍ​ຈະ​ບໍ່​​ອາດ​ຈະປະ​ລະ​​ຄ່າ​ນິ​ຍົມ​ທີ່​ວ່າ “ຄວາມ​ດຸ​ໝັ່ນ” ທີ່​ເປັນ​ມູນ​ເຊື້ອ​ອັນ​ດີ​ງາມ​ມາ​ເປັນ​ເວ​ລາຫຼາຍ​ພັນ​ປີ. ຖ້າ​ບໍ່​ດັ່ງ​ນັ້ນ, ປະ​ຊາ​ຊົນ​ຈີນ​ອາດ​ຈະຫຼົງ​ລືມ​ຕົວ​ເອງ​ຈົນ​ເສຍ​ທິດ​ທາງ​ກ້າວ​ໜ້າ​ໄປ​ເລີຍ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ