location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິງ​ສະ​ເໜີ 8 ການ​ເຄື່ອນ​ໄຫວ​ໃນ​ການ​ຮ່ວມ​ມື​ລະ​ຫວ່າງ​ຈີນ-ອາ​ຝ​ລີ​ກາ

2018-09-03 18:36:47

ຫຼັງ​ຈາກ​ໄດ້​ສະ​ເໜີ 10 ແຜນ​ການ​ຮ່ວມ​ມື​ລະ​ຫວ່າງ​ຈີນ-ອາຝ​ລີ​ກາ​ເມື່ອ​ປີ 2015 ແລ້ວ, ວັນ​ທີ 3 ກັນ​ຍານີ້ ທ່ານ​ສີ​ຈິ້ນ​ຜິງ ປະ​ທານ​ປະ​ເທດ ສ​ປ​ ຈີນ​ໄດ້​ສະ​ເໜີ​ ​ວ່າ, ຈີນ​ຈະ​ສົມ​ທົບ​ກັບ​ບັນ​ດາ​ປະ​ເທດ​ອາ​ຝ​ລີ​ກາ​ຢ່າງ​ໃກ້​ຊິດ​ແລະ​ແໜ້ນ​ແຟ້ນ, ເພື່ອສຸມ​ໃສ່​ປະ​ຕິ​ບັດ 8 ເຄື່ອນ​ໄຫວ​ສຳ​ຄັນ​ໃນ​ເວ​ລາ 3 ປີ​ຕໍ່​ໜ້ານີ້ ເພື່ອ​ຊຸກ​ຍູ້​ການ​ຮ່ວມ​ມື ​ລະ​ຫວ່າງ​ສອງ​ຝ່າຍ​ໃນ​ດ້ານອຸດ​ສາ​ຫະ​ກຳ, ການ​ເຊື່ອມ​ຈອດ ​ພື້ນ​ຖານ​ໂຄງ​ລ່າງ, ການ​ສ້າງຄວາມ​ສະ​ດວກ​ດ້ານ​ການ​ຄ້າ, ການ​ພັດ​ທະ​ນາ​ແບບ​ສີ​ຂຽວ, ການ​ສ້າງ​ສາ​ຄວາມ​ສາ​ມາດ, ສາ​ທາ​ລະ​ນະ​ສຸກ, ການ​ແລກ​ປ່ຽນ​ດ້ານ​ວັດ​ທະ​ນະ​ທຳ​ແລະ​ບຸກ​ຄະ​ລາ​ກອນ ແລະ​ສັນ​ຕິ​ພາບ​-​ຄວາມ​ໝັ້ນ​ຄົງ. ເພື່ອ​ໃຫ້ 8 ການ​ເຄື່ອນ​ໄຫວນີ້​ດຳ​ເນີນ​ໄປ​ຢ່າງ​ສະ​ດວກ, ຈີນ​ຍິນ​ດີ​ໃຫ້​ການ​ສະ​ໜັບ​ສະ​ໜູນ​ແກ່​ອາ​ຟ​ລີ​ກາ​ທີ່​ມີ​ມູນ​ຄ່າ 60 ຕື້​ໂດ​ລາ​ສະ​ຫະ​ລັດ​ດ້ວຍ​ວິ​ທີ​ຕ່າງໆ​ເຊັ່ນ: ການ​ຊ່ວຍ​ເຫຼືອ​ທາງ​ລັດ​ຖະ​ບານ, ການ​ລະ​ດົມ​ທຶນ-ການ​ລົງ​ທຶນ​ໂດຍສະ​ຖາ​ບັນ​ການ​ເງິນ ຫຼື​ ​ວິ​ສາ​ຫະ​ກິດ. ພ້ອມ​ກັນ​ນັ້ນ, ຈະ​ຍົກ​ເວັ້ນ​ໜີ້​ສິນ​ເງິນ​ກູ້​ລະ​ຫວ່າງ​ລັດ​ຖະ​ບານ​ທີ່​​ຮອດເວ​ລາ​ກຳ​ນົດ​ໃນ​ທ້າຍ​ປີ 2018 ແຕ່​ຍັງ​ບໍ່​ໄດ້​ຊຳ​ລະ​ໜີ​ຂອງ​ບັດ​ນາ​ປະ​ເທດ​​ດ້ອຍ​ພັດ​ທະ​ນາ​, ປະ​ເທດ​ທີ່​ຕິດ​ໜີ້​ຢ່າງ​ໜັກ, ປະ​ເທດ​ທີ່​ພວມ​ພັດ​ທະ​ນາ​ທີ່​ບໍ່​ມີ​ທາງ​ອອກ​ສູ່​ທະ​ເລ ແລະ​ປະ​ເທດ​ເກາະ ນ້ອຍ​ທີ່​ ພວມ​ພັດ​ທະ​ນາ​ຂອງ​ອາ​ຝ​ລີ​ກາ​ທີ່​ໄດ້​ສ້າງ​ກາ​ນ​ພົ​ວ​ພັນ​ທາງ​ການ​ທູດ​ກັບ​ຈີນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ