location:laos.china.com > ຂ່າວເດັ່ນ > ເນື້ອໃນ

ລາວ​ສ້າງ​ແຜນ​ການ​ຟື້ນ​ຟູ​ການ​ຜະ​ລິດ​ແລະແກ້​ໄຂ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ຢູ່​ເຂດ​ປະ​ສົບ​ໄພ​ນ້ຳ​ຖ້ວມ​ແຂວງ​ອັດ​ຕະ​ປື

2018-08-08 17:19:32
ໃນ​ພິ​ທີ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ຢູ່​ນະ​ຄອນຫຼວງວຽງ​ຈັນ​ໃນ​ວັ​ນ​ທີ 7 ສິງ​ຫາ​ນີ້, ທ່ານ​ສະ​ເຫຼີມ​ໄຊ ​ກົມ​ມະ​ສິດ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ລາວ​ຢືນ​ຢັນ​ວ່າ ລັດ​ຖະ​ບານ​ລາວ​ໄດ້​ສ້າງ​ແຜນ​ປັດ​ຈຸ​ບັນ​ກໍ​ຄື​ແຜນ​ໄລ​ຍະ​ກາງ​ແລະ​ໄລ​ຍະຍາວ​ເພື່ອ​ຮັບ​ປະ​ກັນ​ໃຫ້​ການ​ຜະ​ລິດ​ແລະ​ແກ້​ໄຂ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ຢູ່​ເຂດ​ປະ​ສົບ​ໄພ​ນ້ຳ​ຖ້ວມ​ແຂວງ​ອັດ​ຕະ​ປື​ໃຫ້​ຟື້ນ​ຟູ​ຄືນ​ສູ່​ສະ​ພາບ​ປົກ​ກະ​ຕິ​ໂດຍ​ໄວ. 
ທ່ານ​ສະ​ເຫຼີມ​ໄຊ ​ກົມ​ມະ​ສິດ​ກ່າວ​ວ່າ: ແຜນ​ການ​ປັດ​ຈຸ​ບັນ​ປະ​ກອບ​ມີ ການ​ເລັ່ງ​ລັດ​ຟື້ນ​ຟູ​ແລະ​ສ້າງ​ສາ​ພື້ນ​ຖານ​ໂຄງ​ລ່າ​ງ​ທ​າງ​ຄົມ​ມະ​ນາ​ຄົມ​ທີ່​ໄດ້​ຮັບ​ຜົນ​ເສຍ​ຫາຍ​ຢ່າງ​ໜັກ​ໜ່ວງ​ນັ້ນ​ຄືນ​ໃໝ່. ສືບ​ຕໍ່​ສະ​ໜອງ​ເຄື່ອງ​ຊ່ວຍ​ເຫຼືອ​ຕ່າງໆ​ໃຫ້​ປະ​ຊາ​ຊົນ​ເຂດ​ປະ​ສົບ​ໄພ​ເຊັ່ນ ເຄື່ອງ​ນຸ່ງ​ຫົ່ມ, ອາ​ຫານ, ນ້ຳ​ດື່ມ,ອຸ​ປະ​ກອນ​ການ​ແພດ,​ຢາ​ປົວ​ພະ​ຍາດແລະ​ອື່ນໆ. ແຜນ​ການ​ໄລ​ຍະ​ກາງ​ແລະ​ໄລ​ຍະ​ຍາວ​ລວມ​ທັງ​ການ​ຮັບ​ປະ​ກັນ​ການ​ຍົກ​ຍ້າຍ​​ແລະ​ຈັດ​​ສັນບ່ອນ​ຢູ່​ຊົ່ວ​ຄາວ​ໃຫ້ປະ​ຊາ​ຊົນ​ຜູ້​ປະ​ສົບ​ໄພ​ແລະ​ການ​ກໍ່​ສ້າງ​ເຮືອນ, ຊຸກ​ຍູ້​ການ​ສ້າງ​ສາ​ພັດ​ທະ​ນາຫຼັງ​ໄພ​ພິ​ບັດ, ຟື້ນ​ຟູ​ການ​ຜະ​ລິດ​ຢູ່​ເຂດ​ປະ​ສົບ​ໄພ​ໃຫ້​ຄືນ​ສູ່​ຄວາມ​ເປັນ​ປົກ​ກະ​ຕິ, ​ໃຫ້​ການຊ່ວຍ​ເຫຼືອ​ດ້ານ​ຈິດ​ໃຈ​ແກ່​ປະ​ຊາ​ຊົນ​ເຂດ​ປະ​ສົບ​ໄພ​ແລະ​ອື່ນໆ.
ທ່ານ​ສະ​ເຫຼີມ​ໄຊ ​ກົມ​ມະ​ສິດ​ກ່າວ​ຕື່ມ​ວ່າ: ຫຼັງ​ຈາກ​ເກີດ​ອຸ​ບັດ​ເຫດ​ເຂື່ອນ​ກັ້ນ​ນ້ຳ​ແຕກ​ແລ້ວ, ມີຫຼາຍ​ປະ​ເທດ​ເຊິ່ງ​ລວມ​ທັງ​ຈີນ, ໄທ, ຍີ່​ປຸ່ນ​ແລະ​ອົງ​ການ​ຈັດ​ຕັ້ງ​ສາ​ກົນ​ໄດ້​ໃຫ້​ການ​ຊ່ວຍ​ເຫຼືອ​ ​ມະ​ນຸດ​ສະ​ທຳ​ຫຼາຍ​ດ້ານ ອັນ​ໄດ້​ເພີ່ມ​ກຳ​ລັງ​ໃຈ​ໃຫ້​ແກ່​ປະ​ຊາ​ຊົນ​ເຂດ​ປະ​ສົບ​ໄພ​ໃນ​ການ​ຟື້ນ​ຟູ​ຊີ​ວິດ​ການ​ເປັນ​ຢູ່. ທ່ານ​ຂໍ​ຕາງ​ໜ້າ​ໃຫ້​ລັດ​ຖະ​ບານ​ແລະ​ປະ​ຊາ​ຊົນ​ລາວ​ສະ​ແດງ​ຄວາມ​ຂອບ​ໃຈ​ຢ່າງ​ຈິງ​ໃຈ​ຕໍ່​ການ​ຊ່ວຍ​ເຫຼືອ​ດັ່ງ​ກ່າວ. 

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ