location:laos.china.com > ຂ່າວເດັ່ນ > ເນື້ອໃນ

ລັດຖະມົນຕີ​ຕ່າງປະ​ເທດ​ຈີນ​ເຂົ້າຮ່ວມ​ກອງປະຊຸມ​ລັດຖະມົນຕີ​ຕ່າງປະ​ເທດ​ຂອງ​ເວທີ​ປຶກສາ​ຫາລື​ອາ​ຊຽນຄັ້ງທີ 25

2018-08-06 14:42:17

ທ່ານ​ຫວາງ​ຢີ້ ທີ່​ປຶກສາ​​ແຫ່ງ​ລັດ ທັງ​ເປັນ​ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ​ໄດ້​ເຂົ້າຮ່ວມ​ກອງ​ປະຊຸມ​ລັດຖະມົນຕີ​​ຕ່າງປະ​ເທດ​ຂອງ​ເວທີ​ປຶກສາ​ຫາລື​ພາກ​ພື້ນ​ອາ​ຊຽນຄັ້ງທີ 25 ທີ່​ຈັດ​ຂຶ້ນຢູ່​ສິງກະ​ໂປ​ໃນ​ວັນ​ທີ 4 ສິງຫາ​ນີ້.

ທ່ານ​ຫວາງ​ຢີ້ ກ່າວ​ວ່າ: ຄວາມ​ຄືບ​ໜ້າ​ອັນຕັ້ງໜ້າ​ທີ່​ສຸດ​ທີ່​ປາກົດ​ເຫັນຢູ່​ພາກ​ພື້ນ​ອາຊີ​ຕາ​ເວັນ​ອອກ​ໃນ​ປັດຈຸບັນ​ນັ້ນກໍ​ຄື ບັນຫາ​ນິວ​ເຄຼຍ​ແຫຼມ​ເກົາຫຼີພວມ​ໄດ້​ຮັບ​ການແກ້​ໄຂ​​ໂດຍ​ຜ່ານ​ຊ່ອງ​ທາງການ​ເຈລະຈາ ​ແລະ ປຶກສາ​ຫາລື​ກັນ ຈີນ​ຮູ້ສຶກ​ປິຕິ​ຊົມ​ຊື່ນ​ຕໍ່​ເລື່ອງ​ນີ້ ທັງ​ສະໜັບສະໜູນ​ຢ່າງ​ເດັດດ່ຽວ. ທ່ານ​ຫວາງ​ຢີ້ ຍັງກ່າວ​ຕື່ມ​ວ່າ: ຜ່ານ​ຈາກ​ຄວາມ​ພະຍາຍາມ​ຮ່ວມ​ຂອງ​ຈີນ ​ແລະ ບັນດາ​ປະ​ເທດ​ໃນ​ອາ​ຊຽນ, ສະຖານະ​ການ​ຢູ່​ທະ​ເລ​ຈີນ​ໃຕ້​ມີ​ທ່າ​ອ່ຽງສືບ​ຕໍ່ສະຫງົບ​ລົງ, ການ​ປຶກສາ​ຫາລື​ກ່ຽວ​ກັບກົດ​​ແຫ່ງ​ການ​ປະພຶດ​ໃນ​ທະ​ເລ​ຈີນ​ໃຕ້ ຫຼື COC ທີ່​ຈີນ​ແລະ​ອາຊຽນຮ່ວມ​ກັນ​ຊຸກຍູ້​ສົ່ງ​ເສີມ​ນັ້ນ ​ໄດ້​ຮັບ​ຄວາມ​ຄື​ບໜ້າ​​ໃໝ່​ທີ່ສຳຄັນ​​ຫວ່າງ​ມໍ່ໆ​ມາ​ນີ້. ຂະນະ​ດຽວ​ກັນ, ພວກ​ເຮົາ​ກໍ​​ເຫັນ​ວ່າ ລັດທິ​ຝ່າຍ​ດຽວ ​ແລະ ລັດທິ​ປົກ​ປ້ອງ​ພວມ​ທຳລາຍ​ອະນາຄົດ​ແຫ່ງ​ການ​ພັດທະນາ ​ແລະ ຄວາມ​ຈະ​ເລີ​ນຮຸ່ງ​ເຮືອງ​ຂອງ​ພາກ​ພື້ນ​ນີ້, ລະບົບ​ການ​ຄ້າ​ເສລີ​ທົ່ວ​ໂລກ​ພວມ​ຖືກ​ກະທົບຢ່າງ​ໜັກໜ່ວງ ​ແລະ ສິ່ງ​ທີ່​ຕ້ອງ​ຊີ້​ໃຫ້​ເຫັນ​ນັ້ນ ກໍ​ຄື ມີ​ບາງ​ປະ​ເທດ​ຢູ່​ນອກ​ພາກ​ພື້ນ​ໄດ້​ສະ​ແດງ​ອິດ​ທິພົນ​ທາງ​ການ​ທະຫານຢູ່​ທະ​ເລ​ຈີນ​ໃຕ້​ ​ແລະ​ກາຍ​ເປັນ​ກຳລັງ​ຢູ່​ເບື້ອງຫຼັງທີ່ຊຸກຍູ້​ໃຫ້​ພາກ​ພື້ນ​ເກີດ​ການ​ແຂ່ງຂັນ​ທາງ​ການ​ທະຫານ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ