location:laos.china.com > ຂ່າວເດັ່ນ > ເນື້ອໃນ

ນະ​ຄອນຊຽງ​ໄຮ້​ສຸມ​ໃສ່​ການ​ສ້າງ​ເປັນ​ໃຈ​ກາງ​ຂະ​ແໜງ​ການ​ທະ​ນາ​ຄານ​ສາ​ກົນ ຊຸກ​ຍູ້​ການ​ພັດ​ທະ​ນາ​ດ້ວຍ​ຄຸນ​ນະ​ພາບ​ສູງ

2018-08-05 19:48:02

ຕາມ​ຂ່າວ ຊີ​ອາ​ໄອ: ນະ​ຄອນ​ຊຽງ​ໄຮ້​ແມ່ນ​ຕົວ​ແບບ​ຂອງ​ຈີນ​ໃນ​ດ້ານ​ການ​ເປີດ​ປະ​ຕູ​ສູ່​ພາຍນອກ​ທາງ​ດ້ານ​ຂະ​ແໜງ​ການ​ທະ​ນາ​ຄານ. ນັບ​ແຕ່​ປີ 2018 ເປັນ​ຕົ້ນ​ມາ, ນະ​ຄອນ​ຊຽງ​ໄຮ້​ໄດ້​ຕັ້ງ​ໜ້າ​ຈັດ​ຕັ້ງ​ປະ​ຕິ​ບັດ​ຄຳ​ໝັ້ນ​ສັນ​ຍາ​ຂອງ​ລັດ​ຖະ​ບານ​ຈີນ​ກ່ຽວ​ກັບ​ການ​ເພີ່ມ​ທະ​ວີ​ການ​ເປີດ​ປະ​ຕູ​ສູ່​ພາຍນອກ​ຕື່ມ​ອີກ, ເລີ່ມ​ຈາກ​ທ່າ​ແຮງ​​ດ້ານເສດ​ຖະ​ກິດ​ແບບ​ເປີດ​ປະ​ຕູຂອງ​ຕົນ​ເອງ​, ສຸມ​ໃສ່​ການ​ເປີດ​ປະ​ຕູ​ແລະ​ຮ່ວມ​ມື​ທາງ​ດ້ານ​ຂະ​ແໜງ​ການ​ທະ​ນາ​ຄານ ເພື່ອ​ຊຸກ​ຍູ້​ການ​ພັດ​ທະ​ນາ​ດ້ວຍ​ຄຸນ​ນະ​ພາບ​ສູງ.

ການ​ສ້າງ​ນະ​ຄອນ​ຊຽງ​ໄຮ້​ໃຫ້​ເປັນ​ໃຈ​ກາງ​ທະ​ນາ​ຄານ​ສາ​ກົນ​ແມ່ນ​ຍຸດ​ທະ​ສາດ​ແຫ່ງ​ຊາດ​ຂອງ​ຈີນ. ເພື່ອ​ໃຫ້​ການ​ທະ​ນາ​ຄານ​ກາຍ​ເປັນ​ທ່າ​ແຮງ​ໃຈ​ກາງ​ຂອງ​ນະ​ຄອ​ນ​ຊຽງ​ໄຮ້,  ແຕ່​ປີນີ້​ມາ ນະ​ຄອນ​ຊຽງ​ໄຮ້​ໄດ້​ວາງ​ແຜນ​ການ​ສະ​ເພາະ​ອອກ​ມາ ອັນ​ໄດ້​ກຳ​ນົດ​ແຜນ​ການ​ສ້າງ​ສາ​ຈຸດ​ໃຈ​ກາງ​ທະ​ນາ​ຄານ​ສາ​ກົນ​ຂອງ​ຊຽງ​ໄຮ້​ຢ່າງ​ຈະ​ແຈ້ງ. ທ່ານ​ໂກຢ​ວີ ຫົວ​ໜ້າ​ພະ​ແນກ​ສັງ​ລວມ​ດ້ານ​ເສດ​ຖະ​ກິດ​ແຫ່ງ​ຊາດ​ຂອງ​ຄະ​ນະ​ກຳ​ມະ​ການ​ການ​ພັດ​ທະ​ນາ​ແລະ​ປະ​ຕິ​ຮູບ​ຂອງ​ນະ​ຄອນ​ຊຽງ​ໄຮ້​ແນະ​ນຳ​ໃຫ້​ຮູ້​ວ່າ, ນັບ​ມາ​ຮອດ​ປັດ​ຈຸ​ບັນ, ແຜນ​ການ​ດັ່ງ​ກ່າວ​ພວມ​ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ຕາມ​ບາດ​ກ້າວ ແລະ​ໄດ້​ຮັບ​ຜົນ​ສັກ​ສິດ​ເປັນ​ຢ່າງ​ດີ. “ປະ​ຈຸ​ບັນ ນະ​ຄອນ​ຊຽງ​ໄຮ້​ໄດ້​ມີ ໂຄງ​ການ​ເປີດ​ປະ​ຕູ​ສູ່​ພາຍນອກ​ກ່ອນ​ໝູ່ 23 ໂຄງ​ການ​ແລ້ວ, ເຊິ່ງ​ໃນ​ນັ້ນ 9 ໂຄງ​ການ​ໄດ້​ຮັບ​ການ​ປະ​ຕິ​ບັດ​ຕົວ​ຈິງ; ອີກ​ອັນ​ໜຶ່ງ, ຫຼັງ​ຈາກ​ການ​ສ້າງ​ສາ​ມາ​ເປັນ​ເວ​ລາ 3 ເດືອນ, ຕະ​ຫຼາດ​ສິນ​ເຊື່ອ​ນ້ຳ​ມັນ​ດິບ​ຊຽງ​ໄຮ້​ໄດ້​ກາ​ຍ​ເປັນ​ຕະ​ຫຼາດ​ໃຫຍ່​ອັນ​ດັບ 3 ໃນ​ໂລກ​ແລ້ວ; ແຕ່​ປີນີ້​ມາ ​ຟິ​ລິບ​ປິນ, ເອ​ມິ​ລັດ​ອາ​ຣັບ, ສິງ​ກະ​ໂປ ແລະ​ປະ​ເທດແລະ​ເຂດ​ແຄວ້ນ​ອື່ນໆ​ໄດ້​ຈຳ​ໜ່າຍ​ພັນ​ທະ​ບັດ​ທີ່​ມີ​ມູນ​ຄ່າ​ຫຼາຍກວ່າ 4 ຕື້ຢວນ​ຢູ່​ໃນ​ຕະ​ຫຼາ​ດ​ພັນ​ທະ​ບັດ​ລະ​ຫວ່າງ​ທະ​ນາ​ຄານແລ້ວ.”

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ