location:laos.china.com > ຂ່າວເດັ່ນ > ເນື້ອໃນ

ອາ​ເມ​ຣິ​ກາ​ກໍ່​ສົງ​ຄາມ​ການ​ຄ້າ​ເຮັດ​ໃຫ້​ທົ່ວ​ໂລກບໍ່​ພໍ​ໃຈ, “ອາ​ເມ​ຣິ​ກາ​ຕ້ອງ​ມາ​ກ່ອນ” ຈະ​ຫຼົ້ມ​ເຫຼວຢ່າງ​ແນ່ນອນ

2018-07-07 18:12:32

ອາ​ເມ​ຣິ​ກາ​ຂຶ້ພາສີຕື່ມ 25% ຕໍ່​ສິນ​ຄ້າ​​ນຳ​ເຂົ້າ​ຈາກ​ຈີນທີ່ມີມູນຂ່າ 34 ຕື້ໂດລາສະຫະລັດ, ເຊິ່ງ​ເປັນ​ການກໍ່​ສົງ​ຄາມ​ການ​ຄ້າ​ທີ່​ມີ​ຂະ​ໜາດໃຫຍ່​ທີ່​ສຸດຈົນ​ຮອດ​ປັດ​ຈຸ​ບັນ​ໃນ​ປະ​ຫວັດ​ສາດ​ເສດ​ຖະ​ກິດ, ເຮັດ​ໃຫ້​ປະ​ເທດ​ຕ່າງໆ​ໃນ​ໂລກ​ຮູ້​ສຶກ​ບໍ່​ພໍ​ໃຈ. ຜູ້​ຊ່ຽວ​ຊານ, ນັກ​ວິ​ຊາ​ການ, ເຈົ້າ​ໜ້າ​ທີ່​ແລະ​ສື່ມວນ​ຊົນ​ຂອງ​ປະ​ເທດ​ຕ່າງ​ໆ​ພາ​ກັນ​​ຕຳ​ໜິ​ວິ​ຈານ, ກ່າວ​ປະ​ນາມ​ຕໍ່​ນະ​ໂຍ​ບາຍ​ການ​ຄ້າ​ຂອງ​ລັດ​ຖະ​ບານ​ທ​ຣຳ​ທີ່​ເປັນ​ການ​ໝູນ​ກົງ​ລໍ້​ປະ​ຫວັດ​ສາດ​ຖອຍ​ຄືນ​ຫຼັງ, ແລະ​ຊີ້​ໃຫ້​ເຫັນ​ວ່າ​ນະ​ໂຍ​ບາຍ “ອາ​ເມ​ຣິ​ກາ​ຕ້ອງ​ມາ​ກ່ອນ” ຂອງ​ທ​ຣຳ​ຈະ​​ຫຼົ້ມ​ເຫຼວ​ຢ່າງ​ແນ່ນອນ.

​ໃນ​ໂອ​ກາດ​ໃຫ້​ສຳ​ພາດ​ຕໍ່​ນັກ​ຂ່າວ​ສະ​ຖາ​ນີ​ວິ​ທະ​ຍຸ​ໂທ​ລະ​ພາບ​ສູນ​ກາງ​ຈີນ​ໃນ​ວັນ​ທີ 6 ກໍ​ລະ​ກົດ​ນີ້, ທ່ານ​ຮູ​ລີ​ໂອ ຣິ​ອົ​ສ ຫົວ​ໜ້າ​ສູນ​ສັງ​ເກດ​ນະ​ໂຍ​ບາຍ​​ຈີນ​ຂອງ​ແອັ​ສ​ປາຍກ່າວ​ວ່າ, ເປົ້າ​ໝາຍ​ສຸດ​ທ້າຍ​ຂອງ​ອາ​ເມ​ຣິ​ກາ​ໃນ​ການ​ສົງ​ຄາມ​ການ​ຄ້າ​ແມ່ນ​ເພື່ອ​ສ້າງ​ຜົນ​ປະ​ໂຫຍດ​ໃຫ້​ຜົນ​ໄດ້​ຫຼ​າຍ​ທີ່​ສຸດ, ຮັກ​ສາ​ຖາ​ນະເປັນ​ປະ​ເທດ​ເຈົ້າ​ມະ​ຫາ​ອຳ​ນາດ​ຂອງ​ຕົນ, ເພື່ອ​ຮັບ​ມື​ກັບ​ການ​ພັດ​ທະ​ນາ​​ກ້າວ​ຂຶ້ນຂອງ​ຈີນ. ​ບາງ​ທີ່​ໄປ​ອີກຫຼາຍ​ອາ​ທິດ, ຜົນ​ກະ​ທົບ​ຢ້ອນ​ຫຼັງ​ຂອງ​ສົງ​ຄາມ​ການ​ຄ້າ​ອາດ​ຈະ​ຂະ​ຫຍາຍ​ວົງ​ກວ້າງ​ອອກ​ເຖິງພັນ​ຕື້​ໂດ​ລາ​ສະ​ຫະ​ລັດ, ​ແລະ​ຈະ​ເຮັດ​ໃຫ້​ຍອດ​ມູນ​ຄ່າ​ການ​ຄ້າ​ຂອງ​ທົ່ວ​ໂລກ​ຫຼຸດ​ລົງ 6% ແລະ​ມູນ​ຄ່າ​ການ​ຄ້າ​ຕໍ່​ຕ່າງ​ປະ​ເທດ​ຂອງ​ອາ​ເມ​ຣິ​ກາ​ຫຼຸດ​ລົງ 25%, ​ທັງຈະ​ກະ​ທົບ​ເຖິງ​ເສດ​ຖະ​ກິດ​​ໂລກ​ແລະ​ການ​ພົວ​ພັນ​ເສດ​ຖະ​ກິດ​ການ​ຄ້າ​ຂອງ​ໂລກ. ທ່ານ​ກ່າວ​ເນັ້ນ​ວ່າ, ຜົນ​ກະ​ທົບ​ຕໍ່​ທົ່ວ​ໂລກ​ຂອງ​ສົງ​ຄາມ​ການ​ຄ້າ​ບັ້ນ​ນີ້​ເທົ່າ​ທຽມ​ກັບ​ວິ​ກິດ​ການ​ການ​ເງິນ​​ໂລກ​ທີ່​ເກີດ​ຂຶ້ນ​ຍ້ອນ​ວິ​ກິດ​ການ​ຕະ​ຫຼາດ​ເຮືອນ​ຢູ່​ຂອງ​ອາ​ເມ​ຣິ​ກາ​ເມື່ອ​ປີ 2008, ​ຈຶ່ງເຮັດ​ໃຫ້​ທົ່ວ​ໂລກ​ຮູ້​ສຶກ​ເປັນ​ຫ່ວງ​ຫຼາຍ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ