location:laos.china.com > ຂ່າວເດັ່ນ > ເນື້ອໃນ

ທ່ານ​ສີ​ຈິ້ນ​ຜິ​ງ ​ໃຫ້​ຄຳ​ຊີ້​ນຳ​ຕໍ່​ເຫດການ​ເຮືອ​ທ່ອງ​ທ່ຽວຫຼົ້ມຢູ່​ໄທ

2018-07-07 11:32:59

​ເຫດການ​ເຮືອທ່ອງ​ທ່ຽວຫຼົ້ມທີ່​ເກີດ​ຂຶ້ນຢູ່​ເຂດ​ທະ​ເລ​ໃກ້​ເກາະ​ພູ​ເກັດ​ປະ​ເທດ​ໄທ​ໃນ​ວັນ​ທີ 5 ກໍລະກົດ​ນີ້ ​ໄດ້​ເຮັດ​ໃຫ້​ຈຳນວນຜູ້​ເສຍ​ຊີວິດ​ເພີ່ມ​ຂຶ້ນ​ເປັນ 33 ຄົນ​ແລ້ວ ໃນນັ້ນ, ນັກ​ທ່ອງ​ທ່ຽວ​ຈີນ​ໃນ​ເຮືອ​ລຳ​ດັ່ງກ່າວ​ມີ 16 ຄົນ​ເສຍ​ຊີວິດ, 33 ຄົນ​ຫາຍ​ສາບ​ສູນ.

ຫຼັງ​ເກີດ​ເຫດ, ທ່ານ​ສີ​ຈິ້ນ​ຜິ​ງ ​ເລຂາທິການ​ໃຫຍ່​ຄະນະ​ກຳມະການ​ສູນ​ກາງ​ພັກ​ກອມ​ມູນິດ​ຈີນ, ປະທານ​ປະ​ເທດ, ປະທານ​ຄະນະ​ກຳມະການ​ການ​ທະຫານ​ສູນ​ກາງ​ຈີນ​ໄດ້​ໃຫ້ຄຳ​ຊີ້​ນຳ​ທີ່​ສຳຄັນ ​ໂດຍ​ຮຽກຮ້ອງ​ໃຫ້​ອົງການ​ທີ່​ກ່ຽວຂ້ອງ​ຂອງ​ຈີນ ​ແລະ ​ໄທ ​ເພີ່ມ​ທະວີຈົນ​ສຸດ​ຄວາມ​ສາມາດ ​ເພື່ອຄົ້ນຫາ​ຜູ້​ຫາຍ​ສາບ​ສູນ ​ແລະ ສຸມ​ໃສ່​ຊ່ວຍ​ເຫຼືອ-ປິ່ນປົວ​ຜູ້​ໄດ້​ຮັບ​ບາດ​ເຈັບ. ທ່ານ​ສີ​ຈິ້ນ​ຜິ​ງ ກ່າວ​ເນັ້ນວ່າ: ຕອນ​ນີ້ພວມ​ຢູ່​ໃນ​ໄລຍະ​​ລະດູ​ຮ້ອນ ມີປະຊາຊົນ​ອອກ​ທ່ອງ​ທ່ຽວ​ຢ່າງຫຼວງຫຼາຍ ​ບັນດາອົງການ​ທີ່​ກ່ຽວຂ້ອງ​ໃນ​ທ້ອງ​ຖິ່ນ​ຕ່າງໆຄວນ​ແຈ້ງ​ເດືອນ​ໄພ​ຢ່າງ​ທັນ​ການ ​ເພື່ອ​ຮັບປະກັນ​ຄວາມ​ປອດ​ໄພ​ດ້ານ​ຊີວິດ​ແລະ​ຊັບ​ສິນ​ຂອງ​ປະຊາຊົນ​ຢ່າງ​ແທ້​ຈິງ.

ທ່ານຫຼີ​ເຄີ້ສຽງ ກຳມະການ​ປະຈຳ​ກົມ​ການ​ເມືອງ​ສູນ​ກາງ​ພັກ​ກອມ​ມູນິດ​ຈີນ, ນາຍົກລັດຖະມົນຕີຈີນ ກໍ​ໃຫ້ການ​ຊີ້​ນຳ ​ໂດຍ​ຮຽກຮ້ອງ​ໃຫ້​ສຸມ​ທຸກ​ຄວາມ​ພະຍາຍາມ​ເພື່ອ​ຄົ້ນຫາ ​ແລະ ຊ່ວຍ​ເຫຼືອຜູ້​ຫາຍ​ສາບ​ສູນ, ປິ່ນປົວ​ຜູ້ຖືກ​ບາດ​ເຈັບ; ຕ້ອງ​​ໃຫ້​ຄວາມ​ສຳຄັນ​ຕໍ່​ວຽກ​ງານ​ປ້ອງ​ກັນ​ຄວາມ​ປອດ​ໄພ​ຂອງ​ນັກ​ທ່ອງ​ທ່ຽວ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ