location:laos.china.com > ຂ່າວເດັ່ນ > ເນື້ອໃນ

ພິ​ທີ​ຕັກ​ນ້ຳ​ຂອງກິດ​ຈະ​ກຳ​ຫົດ​ນ້ຳ​ບຸນ​ປີ​ໃໝ່​ປີ 1380 ຕາມ​ປະ​ຕິ​ທິນ​ເຜົ່າ​ໄທ​ລື້​ຈັດ​ຂຶ້ນ​ຢ່າງ​ຄຶກ​ຄື້ນຢູ່​ແຄມ​ຝັ່ງ​ແມ່​ນ້ຳ​ລ້ານ​ຊ້າງກິ່ງ​ແຂວງ​ສິບ​ສອງ​ພັ່ນ​ນາ

2018-04-15 19:16:40
1259367_2018041519251164077900.jpg 1259367_2018041519251671180300.jpg 1259367_2018041519252115046000.jpg
1259367_201804151925254954000.jpg 1259367_2018041519253163253000.jpg

ວັນ​ທີ 15 ເມ​ສາ​ນີ້, ພິ​ທີ​ຕັກ​ນ້ຳ​ “ຕ້ອນ​ຮັບ​ນ້ຳ​ສັກ​ສິດ ມອບ​ສິ​ລິ​ມຸງ​ຄຸນ” ຂອງກິດ​ຈະ​ກຳ​ຫົດ​ນ້ຳ​ບຸນ​ປີ​ໃໝ່​ປີ 1380 ຕາມປະ​ຕິ​ທິນ​​ເຜົ່າ​ໄທ​ລື້​ຈັດ​ຂຶ້ນຢ່າງ​ຄຶກ​ຄື້ນ​ຢູ່​ແຄມ​ຝັ່ງ​ແມ່​ນ້ຳ​ລ້ານ​ຊ້າງ​ເມືອງ​ຈິງ​ຮົງ​ກິ່ງ​ແຂວງ​ສິບ​ສອງ​ພັ່ນ​ນາ​ແຂວງ​ຢຸນ​ນານ​ຈີນ.

ໃນ​ພິທີ​ຕັກ​ນ້ຳ, ​ພໍ່​ຈານ ໄດ້​ນຳ​ພາຜູ້​ສາວ​ເຜົ່າ​ລື້ 3 ຄົນ​ນັ່ງຄຸ​ເຂົ່າ​ຢູ່​ແຄມ​ນ້ຳ, ຂໍ​ນ້ຳ​ນຳ “​ເຈົ້າ​ນ້ຳ” ຂອງ​ແມ່​ນ້ຳ​ລ້ານ​ຊ້າງ. ແລ້ວ​ຜູ້​ສາວ​ເຜົ່າ​ລື້​ທີ່​ສວຍ​ງາມ 7 ຄົນ​ຕັກ​ນ້ຳ​ສັກ​ສິດ​ຈາກ​ແມ່​ນ້ຳ​ລ້ານ​ຊ້າງ ແລ້ວ​ໃສ່​ບາດ​ຄຳ​ເທິງ​ເວ​ທີ​. ສຸດ​ທ້າຍ, ຄູ​ບາ​ສູດມົນ​ໃຫ້​ນ້ຳ​ສັກ​ສິດ​ເພື່ອ​ອະ​ທິ​ຖານ, ອະ​ທິ​ຖານ​ໃຫ້ປະ​ເທດ​ຊາດ​ມີ​ຄວາມ​ສະ​ຫງົບ, ປະ​ຊາ​ຊົນ​ມີ​ຄວາມ​ສຸກ, ການ​ປູກ​ຝັງ​ແລະ​ການ​ເກັບ​ກ່ຽວ​​ຢ່າງອຸ​ດົມ​ສົມ​ບູນ, ປະ​ຊາ​ຊົນ​ຢູ່​ເຢັນ​ເປັນ​ສຸກ​ແລະ​ມີ​ສິ​ລິ​ມຸງ​ຄຸນ. ຫຼັງ​ຈາກ​ພິ​ທີ​ສິ້ນ​ສຸດ​​ລົງແລ້ວ, ນ້ຳ​ສັກ​ສິດ ຈະ​ຖືກ​ສົ່ງ​ໄປ​ສະ​ໜາມ​ຫຼວງ​ຫົດ​ນ້ຳ ເຊິ່ງ​ເປັນ​ສະ​​ຖານ​ທີ່​ຫຼັກ​ຂອງ​​ກິດ​ຈະ​ກຳ​ຫົດ​ນ້ຳ​, ແລ້ວ​ເລີ່ມ​ເຂົ້າ​ສູ່​ກິ​ດ​ຈະ​ກຳ​ຫົດ​ນ້ຳ​ໝື່ນ​ຄົນ​ທີ່​ຟົດ​ຟື້ນ​ທີ່​ສຸດ.

ບຸນ​ປີ​ໃໝ່​ເຜົ່າ​ລື້​ແມ່ນ​ບຸນ​ປະ​ເພ​ນີ​ທີ່​ສຳ​ຄັນ​ທີ່​ສຸດ​ຂອງ​ກິ່ງ​ແຂວງ​ສິບ​ສອງ​ພັ່ນ​ນາ, ເພາະ​ກິດ​ຈະ​ກຳ​ຫົດ​ນ້ຳ​ທີ່​ມ່ວນ​ຊື່ນ​ຟົດ​ຟື້ນໃນ​ຍາມ​ບຸນ​ຍັງຖືກ​ເອີ້ນ​ເປັນ​ບຸນ​ຫົດ​ນ້ຳ. ບຸນ​ຫົດ​ນ້ຳ​ປີ​ນີ້​​ກົງ​ກັບວັນ​ທີ 13 14 15 ​ເມ​ສາ. ພິ​ທີ​ຕັກ​ນ້ຳ​ໃນ​ບຸນ​ຫົດ​ນ້ຳ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ຮູ້​ບຸ​ນ​ຄຸນ​ຕໍ່​ແມ່​ນ້ຳ​ລ້ານ​ຊ້າງ ແລະ​ຄຸນ​ສົມ​ບັດ​ຮັກ​ນ້ຳ ເຄົາ​ລົບ​ນ້ຳ​ແລະ​ຖະ​ນຸ​ຖະ​ໜອມ​​ນ້ຳ ອັນ​ດີ​ງາມ​ແບບ​ດັ້ງ​ເດີມ​ຂອງປະ​ຊາ​ຊົນ​ເຜົ່າ​ຕ່າງໆ​ຂອງ​ກິ່ງ​ແຂ​ວງ​ສິບ​ສອງ​ພັ່ນ​ນາ.


ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ