location:laos.china.com > ຂ່າວເດັ່ນ > ເນື້ອໃນ

10 ຂ່າວ​ເດັ່ນ​ຈີນ-ລາວ​ປີ 2017

2018-02-05 17:11:11

1.  ທ່ານ​ສີ​ຈິ້ນ​ຜິງ​ຢ້ຽມ​ຢາມ​ລາວ​ທາງ​ລັດ​ຖະ​ກິດ

ວັນ​ທີ 13 ຫາ​ວັນ​ທີ 14 ພະ​ຈິກ​ປີ 2017, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ​ຈີນ​ໄດ້​ຢ້ຽມ​ຢາມ ສ​ປ​ປ ລາວ​ທາງ​ລັດ​ຖະ​ກິດ. ນີ້​ແມ່ນ​ຜູ້​ນຳ​ສູງ​ສຸດ​ຈີນ​ທີ່ຢ້ຽມ​ຢາມ​ປະ​ເທດ​ລາວ​ຫຼັງ​ຜ່ານມ​າ 11 ປີ, ແລະກໍ​ແມ່ນ​ການ​ຢ້ຽມ​ຢາມ​ຄັ້ງ​ທຳ​ອິດ​ຂອງ​ທ່ານ​ສີ​ຈິ້ນ​ຜິງ​ໃນ​ຖາ​ນະ​ເປັນ​​ແກນກາງ​ຜູ້​ນຳ​ສູນ​ກາງ​ພັກ​ຫຼັງ​ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຂອງ​ພັກ​ກອມ​ມູ​ນິດ​ຈີນ​ຄັ້ງ​ທີ 19 ​ສຳ​ເລັດ​ຜົນຢ່າງ​ຈົບ​ງາມ.

2.  ທ່ານ​ບຸນ​ຍັງ ວໍ​ລະ​ຈິດ​ເຂົ້າ​ຮ່ວມກອງ​ປະ​ຊຸມ​ສຸດຍອດ​ການ​ຮ່ວມ​ມື​ສາ​ກົນ “ໜຶ່ງ​ແລວ​ທາງ​ໜຶ່ງ​ເສັ້ນ​ທາງ” ແລະ​ຢ້ຽມ​ຢາມ ສ​ປ ຈີນ

    ວັນ​ທີ 14 ຫາ​ວັນ​ທີ 15 ພຶດ​ສະ​ພາ​ປີ 2017, ກອງ​ປະ​ຊຸມ​ສຸດຍອດ​ການ​ຮ່ວມ​ມື​ສາ​ກົນ “ໜຶ່ງ​ແລວ​ທາງ​ໜຶ່ງ​ເສັ້ນ​ທາງ” ຈັດ​ຂຶ້ນ​ຢູ່​ນະ​ຄອນ​ຫຼວງ​ປັກ​ກິ່ງ ສ​ປ ຈີນ, ທ່ານ​ບຸນ​ຍັງ ວໍ​ລະ​ຈິດ ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ​ລາວໄດ້​ເຂົ້າ​ຮ່ວມ​ພິ​ທີ​ດັ່ງ​ກ່າວ​ແລະ​ຢ້ຽມ​ຢາມ ສ​ປ ຈີນ​ຢ່າງ​ເປັນ​ທາງ​ການ.

3.  ປື້ມ "ສີ​ຈິ້ນ​ຜິງວ່າ​ດ້ວຍ​ການ​ປົກຄອງ​ປະ​ເທດ​ແລະ​​ບໍ​ລິ​ຫານ​ການ​ເມືອງ" ສະ​ບັບ​ພາ​ສາ​ລາວ​ເລີ່ມ​ພິມ​ຈຳ​ໜ່າຍ​ຢູ່ນະ​ຄອນ​ຫຼວງ​ວຽງ​ຈັນ

ພິ​ທີປະ​ກາດ​ການ​ພິມປື້ມ​ "​ສີ​ຈິ້ນ​ຜິງວ່າ​ດ້ວຍ​ການ​ປົກຄອງ​ປະ​ເທດ​ແລະ​​ບໍ​ລິ​ຫານ​ການ​ເມືອງ" ສະ​ບັບ​ພາ​ສາ​ລາວຄັ້ງ​ທຳ​ອິດ​ທີ່​ຫ້ອງ​ການ​ຖະ​ແຫຼງ​ຂ່າວ​ຂອງ​ລັດ​ຖະ​ບານ​ຈີນ, ​ອົງ​ການ​ພາ​ສາ​ຕ່າງ​ປະ​ເທດ​ແຫ່ງ​ຊາດ​ຈີນ​ແລະ​ສະ​ຖານ​ທູດ​ຈີນ​ປະ​ຈຳ​ລາວ​​ຮ່ວມ​ກັນເປັນ​ເຈົ້າ​ພາບ​​ໄດ້​ຈັດ​ຂຶ້ນ​ຢູ່​ນະ​ຄອນ​ຫຼວງວຽງ​ຈັນ ສ​ປ​ປ ລາວ​ໃນ​ວັນ​ທີ 9 ພະ​ຈິກ​ປີ 2017 ຜ່ານ​ມາ.

4. ​ຈັດ​ພິ​ທີ​ວາງ​ສີ​ລາຈາ​ລຶກໂຄງ​ການ​​ກໍ່​ສ້າງໂຮງ​ໝໍ​ມະ​ໂຫ​ສົດ​ທີ່​ຈີນ​ຊ່ວຍ​ເຫຼືອ​ປະ​ເທດ​ລາວ

ວັນ​ທີ 14 ພະ​ຈິກ​ປີ 2017, ສະ​ຫາຍສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ສູນ​ກາງ​ພັກ​ກອ​ມູ​ນິດ​ຈີນ ປະ​ທານ​ປະ​ເທດ​ຈີນ​ແລະ​ສະ​ຫາຍ​ບຸນ​ຍັງ ວໍ​ລະ​ຈິດ ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ປະ​ທານ​ປະ​ເທດ​ລາວໄດ້​​ເຂົ້າ​ຮ່ວມ​ພິ​ທີ​ວາງ​ສີ​ລາຈາ​ລຶກ​ໂຄງ​ການກໍ່​ສ້າງ​ໂຮງ​ໝໍ​ມະ​ໂຫ​ສົດຢູ່​ນະ​ຄອນ​ຫຼວງວຽງ​ຈັນ ສ​ປ​ປ ລາວ.

5. ເອກ​ອັກ​ຄະ​ລັດ​ຖະ​ທູດຈີນ​ປະ​ຈຳ​ລາວ​ຍື່ນ​ສານ​ຕາ​ຕັ້ງ​​ໃຫ້​ປະ​ທານ​ປະ​ເທດລາວ

ວັນ​ທີ 21 ກໍ​ລະ​ກົດ​ 2017 ຢູ່​​ຫໍ​ຄຳ​ທີ່​ນະ​ຄອນ​ຫຼວງວຽງ​ຈັນ ສ​ປ​ປ ລາວ, ທ່ານ ວາງ​​ເວີນທ່ຽນ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ລາວ​ໄດ້ຍື່ນ​ສານ​ຕາ​ຕັ້ງ​ໃຫ້ທ່ານ ບຸນ​ຍັງ ວໍ​ລະ​ຈິດ ປະ​ທານ​ປະ​ເທດ​ລາວ. ທ່ານ​ວາງ​ເວີນ​ທ່ຽນ​ແມ່ນ​ເອ​ກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ລາວ​ຄົນ​ທີ 13.

6. ມອບ​ຮັບ​ໂຄງ​ການ​ບູ​ລະ​ນະ​ສຸ​ສານ​ວິ​ລະ​ຊົນ​ຈີນ​ຢູ່ ສ​ປ​ປ ລາວ

ວັນ​ທີ 7 ມິ​ຖຸ​ນາ​ 2017, ໄດ້​ຈັດ​ພິ​ທີ​ມອບ​ຮັບ​ໂຄງ​ການ​ບູ​ລະ​ນະສຸ​ສານ​ວິ​ລະ​ຊົນ​ຈີນ​ຢູ່ ສ​ປ​ປ ລາວ. ສຸ​ສານ​ດັ່ງ​ກ່າວ​ສ້າງ​​ຂຶ້ນ​ເມື່ອ​ປີ 1996, ກ່ອນ​ການ​ບູ​ລະ​ນະ​ມີ​ເນື້ອ​ທີ​ພຽງ​ແຕ່ 914 ຕາ​ແມັດ, ຫຼັງ​ບູ​ລະ​ນະ​ສຳ​ເລັດ​ແລ້ວ​​ເນື້ອ​ທີ່ໄດ້​ຂະ​ຫຍາຍກວ້າງ​ອອກ 3475 ຕາ​ແມັດ.

7. ຈັດ​ການ​ພົບ​ປະ​ຄັ້ງ​ທຳ​ອິດ​ລະ​ຫວ່າງ​ເຈົ້າ​ໜ້າ​ທີ່​ລະ​ດັບ​ສູງ​ຂອງກອງ​ທັບ​ຈີນ-ລາວ​ຢູ່​ຊາຍ​ແດນ

ໂດຍ​ຕອບ​ສະ​ໜອງ​ຕາມ​ການ​ເຊື້ອ​ເຊີນ​ຂອງ​ທ່ານ​ ພ.ທ ຈັນ​ສະ​ໝອນ ຈັນ​ຍາ​ລາດ ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ແຫ່ງ ສ​ປ​ປ ລາວ, ທ່ານ​ຊາງວ້ານ​​ຊວນ ທີ່​ປຶກ​ສາ​ແຫ່ງ​ລັດ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ປ້ອງ​ກັນ​ປະ​ເທດ​ແຫ່ງ ສ​ປ ຈີນ​ແລະ​ຄະ​ນະ​ໄດ້​ເດີນ​ທາງ​ຢ້ຽມ​ຢາມ​ປະ​ເທດ​ລາວ​ຢ່າງ​ເປັນ​ທາງ​ການ, ແລະ​ເຂົ້າ​ຮ່ວມ​ການ​ພົບ​ປະ​ຄັ້ງ​ທຳ​ອິດ​ລະ​ຫວ່າງ​ເຈົ້າ​ໜ້າ​ທີ່​ລະ​ດັບ​ສູງ ຂອງກອງ​ທັບ​ຈີນ-ລາວ​ຢູ່​ຊາຍ​ແດນ

8. ຈັດ​ພິ​ທີ​ເລີ່ມ​ສ້າງ “ເສັ້ນ​ທາງ​ບໍ​ລິ​ສຸດ” ຂອງ​ທາງ​ລົດ​ໄຟ​ຈີນ-ລາວ

ວັນ​ທີ 20 ທັນ​ວາ​ປີ 2017, ພິ​ທີ​ເລີ່ມ​ສ້າງ “ເສັ້ນ​ທາງ​ບໍ​ລິ​ສຸດ” ຂອງ​ທາງ​ລົດ​ໄຟ​ຈີນ-ລາວ ໄດ້​ຈັດ​ຂຶ້ນ​ຢູ່​ອຸ​ໂມງ​ມິດ​ຕະ​ພາບ​ທາງ​ລົດ​ໄຟ​ຢີ້​ຊີ-ບໍ່​ເຕັນ​ເມືອງ​ຫຼ້າ​ກິ່ງ​ແຂວງ​ສິບ​ສອງ​ພັ່ນ​ນາ​ແຂວງ​ຢຸນ​ນານ​ ສ​ປ ຈີນ.

9. ຈີນ​ລາວ​ຮ່ວມ​ມື​ມ້າງ​ຄະ​ດີຫຼອກ​ລວງ​ທາງໂທ​ລະ​ຄົມ

ທ້າຍ​ເດືອນ​ທັນ​ວາ​ປີ 2017, ເຈົ້າ​ໜ້າ​ທີ່​ຕຳ​ຫຼວດ​ຈີນ-ລາວ​ໄດ້​ຮ່ວມ​ກັນ​ທຳ​ລາຍ​ຈຸດ​ຫຼອກ​ລວງ​ທາງ​ໂທ​ລະ​ຄົມ 6 ບ່ອນ​ຢູ່​ນະ​ຄອນ​ຫຼວງວຽງ​ຈັນ​ແລະ​ແຂວງ​ຫຼວງ​ພະ​ບາງ​ຂອງ​ລາວ, ​ຈັບ​ຜູ້​ຖືກ​ສົງ​ໄສ​ໄດ້ 104 ຄົນ​ແລະ​ໄດ້​ມອບ​ໃຫ້​ແກ່​ປະ​ເທດ​ຈີນໄປ​ດຳ​ເນີນ​ຄະ​ດີ​ຕາມ​ກົດ​ໝາຍ.

10. ເທດ​ສະ​ການ​ຮູບ​ເງົາ​ດີ​ເດັ່ນ​ຂອງ​ຈີນ​ທົ່ວ​ປະ​ເທດ​ລາວ


ພິ​ທີ​ສາຍ​ຮູບ​ເງົາ​ຮອບ​ປະ​ຖົມ​ມະ​ເລີກ “ເທດ​ສະ​ການ​ຮູບ​ເງົາ​ດີ​ເດັ່ນ​ຂອງ​ຈີນ​ທົ່ວ​ປະ​ເທດ​ລາວ” ທີ່​ສະ​ຖານ​ທູດ​ຈີນ, ກະ​ຊວງ​ຖະ​ແຫຼງ​ຂ່າວ ວັດ​ທະ​ນະ​ທຳ​ແລະ​ທ່ອງ​ທ່ຽວ​ລາວ​ຮ່ວມ​ກັນ​ເປັນ​ເຈົ້າ​ພາບ, ແລະ​ຮ່ວມ​ຈັດ​ໂດຍ​ວິ​ທະ​ຍຸ​ສາ​ກົນ​ແຫ່ງ​ປະ​ເທດ​ຈີນ CRI ປະ​ຈຳ​ລາວ​ແລະ​ກົມ​ຮູບ​ເງົາ​ກະ​ຊວງ​ຖະ​ແຫຼງ​ຂ່າວ ວັດ​ທະ​ນະ​ທຳ​ແລະ​ທ່ອງ​ທ່ຽວ​ລາວ​ໄດ້​ຈັດ​ຂຶ້ນ​ຢູ່​ນະ​ຄອນ​ຫຼວງວຽງ​ຈັນ​ໃນ​ວັນ​ທີ 5 ພະ​ຈິກ​ປີ 2017. ໃນ​ໄລ​ຍະ​ຈັດ​ກິດ​ຈະ​ກຳ​ດັ່ງ​ກ່າວ, ມີ​ປະ​ຊາ​ຊົນ​ລາວ 7000 ກວ່າ​ຄົນ​ຈາກ​ 8 ແຂວງ​ແລະ​ເມືອງ​ຂອງ​ລາວ​ເຊັ່ນ​ຫຼວງ​ພະ​ບາງ​ແລະ​ອື່ນໆ​ໄດ້​ຊົມ​ຮູບ​ເງົາ​ຈີນ​ເລື່ອງ “ໝາ​ປ່າ​ພະ​ຈົນ​ໄພ” ແລະ “ມະ​ເຮັງ…ຂອງ​ຂວັນ​ວັນ​ເກີດ​ຄົບ​ຮອບ 29 ປີ” ທີ່​ພາກ​ເປັນ​ພາ​ສາ​ລາວ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ