location:laos.china.com > ຂ່າວເດັ່ນ > ເນື້ອໃນ

ທ່ານ​ຫຼີ​ເຄີ້​ສຽງ​ບັນ​ຍາຍ​ຈິດ​ໃຈ “ແມ່​ນ້ຳ​ລ້ານ​ຊ້າງ​-ແມ່​ນ້ຳ​ຂອງ”

2018-01-11 17:34:08

ໂອ​ກາດເຂົ້າ​ຮ່ວມກອງ​ປະ​ຊຸມ​ຜູ້​ນຳການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຄັ້ງ​ທີ 2 ທີ່​ຈັດ​ຂຶ້ນ​ຢູ່​ນະ​ຄອນຫຼວງ​ພະ​ນົມ​ເປັນ​ໃນ​ວັນ​ທີ 10 ມັງ​ກອນ​ນີ້, ທ່ານຫຼີ​ເຄີ້​ສຽງ ​ນາ​ຍົກ​ລັດ​ຖະ​ມົນ​ຕີ​ຈີນ​ໄດ້​ບັນ​ຍາຍ​ຈິດ​ໃຈ “ແມ່ນ້ຳລ້ານຊ້າງ​-ແມ່​ນ້ຳ​ຂອງ”​ໂດຍ​ຢືນ​ຢັນ​ວ່າ: ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ເປັນ​ການ​ຮ່ວມ​ມື​ແບບ​ສະ​ເໝີ​ພາບ​ແລະ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ.ເຖິງວ່າ 6 ປະ​ເທດ​ມີ​ຄວາມແຕກ​ຕ່າງ​ກັນ​ໃນ​ດ້ານເນື້ອ​ທີ່​ດິນ​ແດນ, ຍອດ​ບໍ​ລິ​ມາດ​ເສດ​ຖະ​ກິດ​ແລະ​ວັດ​ທະ​ນະ​ທຳ​ທີ່​ເປັນ​ມູນ​ເຊື້ອກໍ​ຕາມ​, ກໍ​ລ້ວນ​ແຕ່​ເປັນ​ສະ​ມ​າ​ຊິກ​ທີ່​ສະ​ເໝີ​ພາບ​ກັນ​ໃນ​​ຄອບ​ຄົວ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ. ພວກ​ເຮົາ​​ປະ​ຕິ​ບັດ​ການ​ດ້ວຍ​ການປຶກ​ສາ​ຫາ​ລື​ກັນ, ຄຳ​ນຶງ​ເຖິງ​ຄວາມ​ສະ​ບາຍ​ໃຈຂອງ​ແຕ່​ລະ​ຝ່າຍ​ເພື່ອ​ຮ່ວມ​ກັນ​ຊຸກ​ຍູ້​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ.

 ທ່ານຫຼີ​ເຄີ້​ສຽງ​ຊີ້​ໃຫ້​ເຫັນ​ວ່າ: ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ເປັນ​ການ​ຮ່ວມ​ມື​ແບບ​ເປີດກວ້າງ​ແລະ​ກວມ​ລວມ. ເຖິງ​ຈະ​ເປັນ​ກົນ​ໄກ​ທີ່ 6 ປະ​ເທດ​ລິ​ເລີ່ມ​ສ້າງ​ຕັ້ງ​ຂຶ້ນ​ກໍ​ຕາມ, ແຕ່​ກໍ​ບໍ່​ໄດ້​ເປັນ​ກົນ​ໄກ​ທີ່​ປິດ​ປະ​ຕູ​ແລະ​ປັດ​ເຂ່ຍ​ຝ່າຍ​ອື່ນໆ ຫາກ​ເປັນ​ການ​ຊ່ວຍ​ຊູ​ຍູ້​ໜູນ​ກັນ​ກັບ​ກົນ​ໄກ​ອື່ນໆ​ໃນ​ພາ​ກ​ພື້ນ ເຊິ່ງ​ບໍ່​ພຽງ​ແຕ່​ຈະ​ເປັນ​ຜົນ​ດີ​ຕໍ່​ການ​ພັດ​ທະ​ນາ​ດ້ານ​ເສດ​ຖະ​ກິດ​ສັງ​ຄົມ​ຂອງ 6 ປະ​ເທດ​ເທົ່າ​ນັ້ນ, ຍັງ​ສາ​ມາດ​ຊຸກ​ຍູ້​ຂະ​ບວນ​ການ​ເຊື່ອມ​ໂຍງ​ເຂົ້າ​ກັນ​ຂອງ​ອາ​ຊຽນ​ ທັງ​ຈະ​ເປັນ​ການ​ແລກ​ປ່ຽນ​ກັບ​ຂອບ​ການ​ຮ່ວມ​ມື​ຈີນ-ອາ​ຊຽນ​ເປັນ​ຢ່າງ​ດີ​ອີກ​ດ້ວຍ ເຊິ່ງ​ສາ​ມາດ​ຮ່ວມ​ກັບ​ກົນ​ໄກ​ອື່ນໆ​ຊ່ວຍ​ຊູ​ຍູ້​ໜູນ​ແລະ​ປະ​ສານ​ງານ​ພັດ​ທະ​ນາ​ຮ່ວມ​ກັນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ