location:laos.china.com > ຂ່າວເດັ່ນ > ເນື້ອໃນ

ນາຍົກ​ຈີນ​ເນັ້ນ: ຂຽນ​ໜ້າ​ໃໝ່​ແຫ່ງ​ການ​ຮ່ວມ​ມື​ ​ແລະ ສ້າງ​ອະນາຄົດ​ແຫ່ງ​ການ​ພັດທະນາ ອາຊີ​ຕາ​ເວັນ​ອອກ

2017-11-15 11:25:48

ຕອນ​ບ່າຍ​ວັນ​ທີ 14 ພະຈິກ​ນີ້, ທ່ານຫຼີ​ເຄີ້ສຽງ ນາຍົກລັດຖະມົນຕີຈີນ ​ໄດ້​ເຂົ້າຮ່ວມ​ກອງ​ປະຊຸມ​ສຸດ​ຍອດ​ອາຊີ​ຕາ​ເວັນ​ອອກ​ຄັ້ງທີ 12 ທີ່​ຈັດ​ຂຶ້ນຢູ່​ສູນ​ປະຊຸມ​ສາກົນ​ຟິລິບ​ປິນ ​ແລະ​ກ່າວ​ ວ່າ: ນັບ​ແຕ່​ຈັດກອງ​ປະຊຸມ​ສຸດ​ຍອດ​ອາຊີ​ຕາ​ເວັນ​ອອກ​ຕະຫຼອດ 12 ປີຜ່ານມາ, ​ໄດ້​ສຸມ​ໃສ່​ຊຸກຍູ້​ການ​ພັດທະນາ​ໃນ​ພາກ​ພື້ນ ​ແລະ ຮັກສາ​ຄວາມ​ໝັ້ນຄົງ​ແລະ​ສະຖຽນ​ລະ​ພາບ ຈຶ່ງ​ກາຍ​ເປັນ​ເວທີ​​ສົນທະນາການ​ຮ່ວມ​ມື​ທີ່​ສຳຄັນ​ທີ່​ມີ​ປະ​ເທດ​ໃນ​ພາກ​ພື້ນ​ແລະ​ນອກ​ພາກ​ພື້ນ​ເຂົ້າຮ່ວມ. ຂະນະ​ທີ່​ບັນດາ​ສະມາຊິກ​ຄວນ​ຍຶດໝັ້ນຖານະບົດບາດ ​ເປັນ​ເວທີ​ຍຸດ​ທະ​ສາດ​ທີ່​ມີ​ຜູ້ນຳ​ນຳພາ, ຍຶດໝັ້ນຖານະ​ໃຈກາງ​ຂອງ​ອາ​ຊຽນ, ຍຶດໝັ້ນການຮ່ວມ​ມື​ດ້ານ​ການ​ພັດທະນາ​ເສດຖະກິດ ​ແລະ ການ​ເມືອງ-ຄວາມ​ໝັ້ນຄົງ ຄວບ​ຄູ່​ກັນ, ວາງ​ທິດ​ທາງ​ໃຫ້​ຖືກຕ້ອງ, ​ເພີ່ມທະວີ​ການຊີ້​ນຳ​ໃນ​ການວາງ​ແຜນ​ຕ່າງໆ, ປັບປຸງ​​ແລະ​ສ້າງ​ກົນ​ໄກ​ຕ່າງໆ​ໃຫ້​ສົມບູນ, ຊຸກຍູ້ກອງ​ປະຊຸມ​ສຸດ​ຍອດ​ໃຫ້​ດຳ​ເນີນ​ຢ່າງ​ໝັ້ນທ່ຽງ​ແລະ​ຂະຫຍາຍຕົວ​ເປັນ​ໄລຍະ​ຍາວ. ຈາກ​ນີ້, ຈີນ​ສະ​ເໜີ 6 ຂໍ້ຕໍ່​ການ​ຮ່ວມ​ມື​ໃນ​ກ້າວ​ຕໍ່​ໄປ:

ໜຶ່ງ, ​ເລັ່ງສ້າງ​ການ​ເຊື່ອມ​ໂຍງ​ພາກ​ພື້ນ​ໃຫ້​ສຳ​ເລັດ ​ໂດຍ​ການຊຸກຍູ້​ໃຫ້​ຂໍ້​ລິ​ເລີ່​ມ ໜຶ່ງ​ແລວ​ທາງ​ໜຶ່ງ​ເສັ້ນທາງ ​ແລະ ​ແຜນ​ລວມການ​ເຊື່ອມ​ຈອດ​ອາ​ຊຽນ 2025 ​ເຊື່ອມ​ຈອດ​ກັນ, ​ເລັ່ງຜັນ​ຂະຫຍາຍ​ຜົນ​ການ​ຍົກ​ລະດັບ​ເຂດ​ການ​ຄ້າ​ເສລີ​ຈີນ-ອາ​ຊຽນ​, ຊຸກຍູ້​ການ​ເຈລະຈາ​​ເຂດ​ການ​ຄ້າ​ເສລີ​ຈີນ-ຍີ່ປຸ່ນ-ສ.​ເກົາຫຼີ ​ແລະ ການ​ເຈລະຈາ​ສັນຍາ​ການ​ພົວພັນ​ຄູ່​ຮ່ວມ​ເສດຖະກິດ​ຮອບດ້ານ​ໃນ​ພາກ​ພື້ນ ຫຼື RCEP ​ໃຫ້​ສຳ​ເລັດ​ໂດຍ​ໄວ. ສອງ, ຊຸກຍູ້​ການ​ພັດທະນາ​ແບບ​ຍືນ​ຍົງ. ສາມ, ຊຸກຍູ້​ການ​ພັດທະນາ​ສັງຄົມ. ສີ່, ຮ່ວມ​ກັນ​ຮັບ​ມື​ກັບ​ໄພຄຸກ​ຄາມ​ຄວາມ​ໝັ້ນຄົງ​ແບບ​​ໃໝ່. ຫ້າ, ສ້າງ​ທັດສະນະ​ໃໝ່ກ່ຽວ​ກັບຄວາມ​ໝັ້ນຄົງ​ ​ແລະ ຫົກ, ປັບປຸງ​ໂຄງ​ສ້າງ​ຄວາມ​ໝັ້ນຄົງ​ໃນ​ພາກ​ພື້ນ​ໃຫ້​ສົມບູນ​ຂຶ້ນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ