location:laos.china.com > ຂ່າວເດັ່ນ > ເນື້ອໃນ

ສະຫາຍສີຈິ້ນຜິງພົບປະກັບສະຫາຍບຸນຍັງ ວໍລະຈິດ ສອງຝ່າຍເຫັນດີສ້າງປະຊາຄົມ ຮ່ວມຊາຕາກຳທີ່ມີຄວາມໝາຍຍຸດທະສາດ

2017-11-14 09:00:43

ວັນທີ 13 ພະຈິກນີ້ ຢູ່​ນະ​ຄອນຫຼວງວຽງ​ຈັນ, ສະຫາຍສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນປະທານປະເທດ ສປ ຈີນໄດ້ພົບປະກັບສະຫາຍບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ
ປະຕິວັດ ລາວ ປະທານປະເທດ ສປປ ລາວ. ສອງຝ່າຍຕີລາຄາສູງຕໍ່ຜົນງານທີ່ໄດ້ຮັບໃນການພັດທະນາ​ຂອງ​ແຕ່​ລະ​ປະ​ເທດ,ເຫັນດີ ເພີ່ມທະວີການແລກປ່ຽນແລະຖອດຖອນບົດຮຽນນຳກັນ, ຊຸກຍູ້ໃຫ້ພາລະກິດການ ປະຕິຮູບແລະໄຂປະຕູສູ່ພາຍນອກ
ຂອງຈີນ ແລະພາລະກິດປ່ຽນແປງໃໝ່ຂອງລາວສືບຕໍ່ພັດ​ທະ​ນາກ້າວໄປໜ້າຢ່າງບໍ່ຢຸດຢັ້ງ, ສືບຕໍ່ຖື ນ້ຳໃຈທີ່ເປັນບ້ານໃກ້ທີ່ດີ, ໝູ່ເພື່ອນທີ່ດີ, ສະຫາຍທີ່ດີ ແລະຄູ່ຮ່ວມທີ່ດີ ປັບປຸງມິດຕະພາບອັນເປັນມູນເຊື້ອລະຫວ່າງຈີນ
ລາວ, ຊຸກຍູ້ໃຫ້ການພົວພັນ 
ຄູ່ຮ່ວມມືຍຸດ ທະສາຮອບດ້ານລະຫວ່າງຈີນ
ລາວທີ່ໝັ້ນຄົງຍາວນານກ້າວຂຶ້ນສູ່ລະດັບໃໝ່.

ສະຫາຍສີຈິ້ນຜິງແລະສະຫາຍບຸນຍັງຕ່າງໄດ້ແນະນຳສະພາບການກ່ຽວກັບກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນແລະພາລະກິດຂອງພັກແລະລັດຖະບານລາວໃຫ້ຊາບເຊິ່ງ ກັນແລະກັນ.

ສະຫາຍສີຈິ້ນຜິງຊົມເຊີຍລາວທີ່ໄດ້ຍຶດໝັ້ນເດີນຕາມເສັ້ນທາງສັງຄົມນິຍົມທີ່ມີສີສັນພິເສດ ຂອງປະເທດຕົນ, ແລະໄດ້ຕີລາຄາເປັນຢ່າງຕໍ່ຜົນງານທີ່ລາວໄດ້ຮັບໃນການພັດທະນາເສດ ຖະກິດສັງຄົມ, ໂດຍກ່າວເນັ້ນວ່າ ເຊື່ອວ່າພາຍໃຕ້ການນຳພາອັນແຂງ
ແກ່ນຂອງສູນກາງພັກ ປະຊາຊົນປະຕິວັດລາວທີ່ມີສະຫາຍເລຂາທິການໃຫຍ່ບຸນຍັງ ວໍລະຈິດເປັນຜູ້ນຳ, ປະຊາຊົນລາວ ຍ່ອມຈະໄດ້ຮັບຜົນງານທີ່ໃຫຍ່ກວ່ງເກົ່າໃນພາລະກິດປ່ຽນແປງໃໝ່ຮອບດ້ານ.

ສະຫາຍບຸນຍັງ ວໍລະຈິດ ໄດ້ສະແດງຄວາມຊົມເຊີຍກ່ຽວກັບກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນໄດ້ສຳເລັດລົງຢ່າງຈົບງາມ ແລະຕີລາຄາສູງຕໍ່ກອງປະຊຸມຄັ້ງນີ້ທີ່ໄດ້ກຳ ນົດແນວຄິດຂອງສະຫາຍສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິ
ເສດຂອງຈີນໃນຍຸກໃໝ່ເປັນ ແນວຄິດຊີ້ນຳຂອງພັກກອມມູນິດຈີນ, ເຊື່ອວ່າ ພາຍໃຕ້ການນຳພາອັນແຂງແຮງຂອງສູນກາງພັກ ກອມມູນິດຈີນທີ່ມີສະຫາຍສີຈິ້ນຜິງເປັນແກນນຳ,ປະຊາຊົນຈີນຈະເດີນໄປການສຳເລັດເປົ້າໝາຍສູ້ຊົນຮ້ອຍປີ 2 ເຫດການ ຢ່າງສະດວກ. ສະຫາຍບຸນຍັງຊີ້ອອກວ່າ, ຜົນງານແຫ່ງກອງ ປະຊຸມໃຫຍ່ຄັ້ງທີ 19 ຂອງພັກກອມມູນິດຈີນຈະປະກອບສ່ວນ ຢ່າງສຳຄັນເຂົ້າໃນການພັດທະນາ ຂອງທິດສະດີສັງຄົມນິຍົມໃນຍຸກໃໝ່ ພ້ອມກັບສັນຕິພາບ ມິດຕະພາບ ການຮ່ວມມື ແລະການພັດທະນາຂອງພາກພື້ນກໍ່ຄືຂອງໂລກ.

ສະຫາຍສີຈິ້ນຜິງກ່າວເນັ້ນວ່າ, ຈີນ
ລາວແມ່ນປະເທດສັງຄົມນິຍົມທີ່ເປັນບ້ານໃກ້ ເຮືອນຄຽງທີ່ດີຕໍ່ກັນ, ມິດຕະພາບອັນເປັນມູນເຊື້ອມີມາແຕ່ດົນນານ. ນັບແຕ່ສ້າງ ສາຍພົວພັນທາງການທູດ 56 ປີມານີ້ ສອງຝ່າຍມີຄວາມໄວ້ເນື້ອເຊື່ອໃຈດ້ານການ
ເມືອງເພີ່ມຂຶ້ນ, ການຮ່ວມມືຕິດແທດຕົວຈິງເປີດກວ້າງອອກເລື້ອຍໆ,ການແລກປ່ຽນດ້ານວັດທະນະທຳລະຫວ່າງສອງຝ່າຍກໍ່ນັບມື້ນັບແໜ້ນແຟ້ນຂຶ້ນ, ການພົວພັນລະຫວ່າງສອງປະເທດໄດ້ຂະຫຍາຍໄປສູ່ ລວງເລິກ, ອັນໄດ້ນຳເອົາຜົນປະໂຫຍດແທ້ຈິງ
ມາໃຫ້ປະຊາຊົນສອງປະເທດ. ຈີນ
ລາວ ມີອຸດົມການເຊັນດຽວກັນ, ການພົວພັນລະຫວ່າງສອງປະເທດມີຄວາມໝາຍຍຸດທະສາດອັນ ສູງສົ່ງ, ມີອະນາຄົດການຂະຫຍາຍຕົວທີ່ກວ້າງຂວາງ. ຈີນຖະໜຸຖະໜອມມິດຕະພາບອັນ ເປັນມູນເຊື້ອລະຫວ່າງ
ຈີນ
ລາວ, ໃຫ້ຄວາມສຳຄັນຕໍ່ການພົວພັນກັບລາວ, ຍິນດີຮ່ວມກັບ ລາວທຳຄວາມພະຍາຍາມນຳກັນ, ເພື່ອເພີ່ມເນື້ອໃນແລະຂະຫຍາຍການພົວພັນຄູ່ຮ່ວມມື ຍຸດທະສາດຮອບດ້ານລະຫວ່າງຈີນລາວ ທີ່ໄວ້ເນື້ອເຊື່ອໃຈເຊິ່ງກັນແລະກັນ, ຊ່ວຍເຫຼືອ 
ເຊິ່ງກັນແລະກັນ ແລະຕ່າງຝ່າຍຕ່າງມີຜົນປະໂຫຍດ, ເຮັດໃຫ້ສອງປະເທດເປັນເພື່ອນບ້ານທີ່ດີ  ໝູ່ເພື່ອນທີ່ດີ ສະຫາຍທີ່ດີ ແລະຄູ່ຮ່ວມທີ່ດີ.


ສະຫາຍບຸນຍັງ ວໍລະຈິດກ່າວວ່າ, ຂອບໃຈສະຫາຍສີຈິ້ນຜິງມາຢ້ຽມຢາມ ສປປ ລາວເປັນຄັ້ງທຳອິດພາຍຫຼັງໄດ້ຮັບເລືອກຕັ້ງເປັນເລຂາທິການໃຫຍ່ຄະນະກຳມະການສູນກາງ ພັກກອມມູນິດຈີນອີກຊຸດໜຶ່ງ,ເຊື່ອແນ່ວ່າການຢ້ຽມຢາມຄັ້ງນີ້ຈະເສີມສ້າງມິດ
ຕະພາບອັນເປັນມູນເຊື້ອລະຫວ່າງສອງປະເທດ, ຊຸກຍູ້ການຮ່ວມມືລະຫວ່າງສອງປະເທດໃນທຸກຂົງເຂດ, ແລະວາງແຜນຜັງ ແລະຊີ້ແຈງທິດທາງແຫ່ງການສ້າງປະຊາຄົມຮ່ວມຊາຕາກຳລາວ
ຈີນ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວຈີນກ້າວຂຶ້ນສູ່ລະດັບໃໝ່. ລາວເຄົາລົບຈີນທີ່ໄດ້ຮັບຜົນງານໃນດ້ານການພັດທະນາ, ແລະຂອບໃຈຈີນທີ່ໃຫ້ການຊ່ວຍເຫຼືອແກ່ລາວເປັນເວລາດົນນານມາ, ລາວຈະຍຶດໝັ້ນ ນ້ຳໃຈ "4 ດີ" ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວຈີນ ກ້າວໄປໜ້າເລື້ອຍໆ, ສະໜັບສະໜູນຈີນເສີມຂະຫຍາຍບົດບາດຫຼາຍກວ່າເກົ່າເພື່ອສັນຕິພາບ ສະຖຽນລະພາບແລະວັດທະນະຖາວອນຂອງພາກພື້ນກໍຄືຂອງໂລກ.

ສະຫາຍສີຈິ້ນຜິງ ແລະສະຫາຍ ບຸນຍັງ ວໍລະຈິດໄດ້ລົງເລິກແລກປ່ຽນຄຳເຫັນກ່ຽວກັບການພົວພັນລະຫວ່າງສອງພັກ ສອງລັດພ້ອມກັບບັນຫາສາກົນແລະພາກພື້ນທີ່ສົນໃຈຮ່ວມກັນ, ແລະໄດ້ກ້າວເຖິງຂັ້ນເປັນເອກະພາບກັນທີ່ສຳຄັນ ໂດຍເຫັນວ່າ, ຈີນ 
ແລະລາວແມ່ນປະເທດສັງຄົມນິຍົມທີ່ນຳພາໂດຍພັກກອມມູນິດ. 

ສອງຝ່າຍຮ່ວມກັນສ້າງປະຊາຄົມຮ່ວມຊາຕາກຳທີ່ມີຄວາມໝາຍຍຸດທະສາດບົນພື້ນຖານທີ່ໄວ້ເນື້ອເຊື່ອໃຈເຊິ່ງກັນແລະກັນນັ້ນສອດຄ່ອງກັບຜົນປະໂຫຍດ​ພື້ນ​ຖານ ແລະຄວາມປາຖະໜາຮ່ວມລະຫວ່າງສອງພັກ ສອງລັດແລະປະຊາຊົນສອງປະເທດ ມີຜົນດີຕໍ່ພາລະກິດອັນສູງສົ່ງແຫ່ງມິດຕະພາບແລະການພັດທະນາຂອງມວນມະນຸດ.

ສອງຝ່າຍເຫັນດີຮັກສາປະເພນີທີ່ດີທີ່ການ​ນຳຂັ້ນສູງຢ້ຽມຢາມເຊິ່ງກັນແລະກັນ, ເພື່ອຊີ້ນຳນຳພາການຂະຫຍາຍຕົວຂອງການພົວພັນຈີນ
ລາວ. ເພີ່ມທະວີການແລກປ່ຽນແລະຮ່ວມມືກັນລະຫວ່າງພັກ, ລົງເລິກການແລກປ່ຽນບົດຮຽນໃນການບໍລິຫານພັກແລະລັດ, ເພີ່ມທະວີການຮ່ວມມືໃນຂົງເຂດການຕ່າງປະເທດ ການປ້ອງກັນປະເທດ, ການປະຕິບັດກົດໝາຍ​ແລະຮັກສາຄວາມໝັ້ນຄົງ. ສອງຝ່າຍໄດ້ກ່າວ ຢ້ຳວ່າຈະສະໜັບສະໜູນເຊິ່ງກັນແລະກັນກ່ຽວກັບຜົນປະໂຫຍດໃຈກາງແລະບັນຫາສຳຄັນທີ່ສົນໃຈ​ຮ່ວມກັນ.

ສອງຝ່າຍເຫັນດີເລັ່ງລັດການໃຫ້ຂໍ້ລິເລີ່ມ ໜຶ່ງແລວທາງ ໜຶ່ງເສັ້ນທາງ ຂອງຈີນເຊື່ອມຈອດກັບຍຸດທະສາດຫັນຈາກປະເທດທີ່ບໍ່ມີທາງອອກສູ່ທະເລກາຍມາເປັນປະເທດທີ່ເຊື່ອມຕໍ່ກັບອະນຸພາກພື້ນຂອງລາວ, ຮ່ວມກັນສ້າງແລວທາງເສດຖະກິດ
ຈີນ
ລາວ, ຊຸກຍູ້ການສ້າງໂຄງການທີ່ມີລັກສະນະຂີດໝາຍເຊັ່ນ ໂຄງການທາງລົດໄຟຈີນລາວ, ​ເສີມ​ຂະ​ຫຍາຍ​ແລະ​ຍົກລະດັບການຮ່ວມມືດ້ານເສດຖະກິດການຄ້າໃຫ້ສູງ​ຂຶ້ນ, ຊຸກຍູ້ໃຫ້ເສດຖະກິດສອງປະເທດຕ່າງຊ່ວຍຊູຍູ້ໜູນກັນ, ລົງເລິກ
ການຮ່ວມມືໃນຂົງເຂດຄວາມສາມາດການຜະລິດ, ການທະນາຄານ, ກະສິກຳ, ພະລັງງານ, ຊັບພະຍາກອນ, ຊົນລະປະທານ,ໂທລະຄົມມະນາຄົມ, ການກໍ່ສ້າງພື້ນຖານໂຄງລ່າງ, ການປິ່ນປົວພະຍາດ ແລະສາທາລະນະສຸກເປັນຕົ້ນ, ເພື່ອຊຸກຍູ້ໃຫ້ການ
ຮ່ວມມືລະຫວ່າງສອງຝ່າຍສ້າງຜົນປະໂຫຍດ ໃຫ້ປະຊາຊົນສອງປະເທດຫຼາ​ຍກວ່າ​ເກົ່າ.

ສອງຝ່າຍເຫັນດີລົງເລິກການຮ່ວມມືໃນຂົງເຂດວັດທະນະທຳ, ການສຶກສາ, ວິທະຍາສາດເຕັກນິກ ແລະການທ່ອງທ່ຽວ, ສ້າງສູນວັດທະນະທຳຈີນ​ຢູ່ລາວໃຫ້ດີຂຶ້ນ, ເພີ່ມທະວີມິດຕະພາບແລະການໄປມາຫາສູ່ກັນລະຫວ່າງຊາວໜຸ່ມ, ເປີດກວ້າງການ
ຮ່ວມມືລະດັບທ້ອງຖີ່ນ. ຮັດແໜ້ນການປະສານສົມທົບໃນຂອບຫຼາຍຝ່າຍຕ່າງໆ ເຊັ່ນ: ອົງການສະຫະປະຊາຊາດ, ກອງປະຊຸມອາຊີ-ເອີຣົບ, ການຮ່ວມມືອາຊີຕາເວັນອອກ, ແລະການຮ່ວມມືແມ່ນ້ຳລ້ານຊ້າງ
ແມ່ນ້ຳຂອງເປັນຕົ້ນ.

ຫຼັງສຳ​ເລັດການພົບປະ, ສະຫາຍສີຈິ້ນຜິງ ແລະສະຫາຍບຸນຍັງ ວໍລະຈິດ ກໍໄດ້ເປັນສັກຂີພິຍານໃນ​ພິ​ທີ​ລົງ​ນາມ​ໃນສັນຍາຮ່ວມມືລະຫວ່າງສອງປະເທດໃນຂົງເຂດການສ້າງແລວທາງເສດຖະກິດຈີນ
ລາວ, ການສ້າງພື້ນຖານໂຄງລ່າງ, ເສັ້ນທາງ
ສາຍໄໝທາງດີຈີຕອນ, ວິທະຍາສາດເຕັກນິກ, ກະສິກຳ, ພະລັງງານໄຟຟ້າ, ຊັບພະຍາກອນມະນຸດ, ການທະນາຄານ ແລະຊົນລະປະທານເປັນຕົ້ນ.

ກ່ອນການພົບປະ ສະຫາຍບຸນຍັງ ວໍລະຈິດ ໄດ້ຈັດພິທີຕ້ອນຮັບສະຫາຍສີຈິ້ນຜິງຢ່າງຄຶກຄຶ້ນຢູ່ສຳນັກງານປະທານປະເທດ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ