location:laos.china.com > ຂ່າວເດັ່ນ > ເນື້ອໃນ

ວາງ​ສີ​ລາ​ລືກ​ໂຄງການ​ບູລະນະ​ແລະ​ປົກ​ປັກ​ຮັກສາ​ສິ່ງ​ກໍ່ສ້າງ​ທີ່​ລະນຶກ​ເຖິງ​ວິລະ​ກຳ​ຈີນ​ຢູ່​ລາວ​

2017-01-10 17:19:41

ພິທີ​ວາງ​ສີ​ລາ​ລືກ​ໂຄງການ​ບູລະນະ​ແລະ​ປົກ​ປັກ​ຮັກສາ​ສິ່ງ​ກໍ່ສ້າງ​ທີ່​ລະນຶກ​ເຖິງ​ວິລະ​ກຳ​ຈີນ​ຢູ່​ລາວ​​ໄດ້​ຈັດ​ຂຶ້ນ​ໃນ​ວັນ​ທີ 10 ມັງກອນ 2017 ນີ້​ຢູ່​​ເມືອງ​ນາ​ໝໍ້​ແຂວງ​ອຸດົມ​ໄຊ​ໂດຍ​ທ່ານ​ກ່ວນຮວາ​ປິ່ງ ​ເອກອັກຄະ​ລັດຖະທູດ​ຈີນ​ປະຈຳ​ລາວ​ພ້ອມ​ພັນ​ລະ​ຍາ,ທ່ານ​ຄຳ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງ​ງານ​​ແລະສະຫວັດດີ​ການ​ສັງຄົມ​, ພາກ​ສ່ວນ​ກ່ຽວຂ້ອງ​ທັງ​ສອງ​ຝ່າຍ​ພ້ອມ​ດ້ວຍບໍລິສັດ​ຈີນ​ຢູ່​ລາວ,ຊາວ​ຈີນ​ຕ່າງ​ດ້າວ​ແລະ​ຄົນ​ລາວ​ເຊື້ອສາຍ​ຈີນ​ເຂົ້າ​ຮ່ວມ.

 ທ່ານ​ກ່ວນຮວາ​ປິ່ງ ​ເອກ​ອັກຄະ​ລັດຖະທູດ​ຈີນ​ຢືນຢັນ​ໃນ​ພິທີ​ດັ່ງກ່າວ​ວ່າ: ​ເດືອນ​ກັນຍາ​ປີຜ່ານມາ, ພາຍ​ໃຕ້​ການ​ເປັນ​ສັກຂີ​ພິຍານ​ຮ່ວມ​ຂອງ​ທ່ານ​ຫຼີ​ເຄີ້ສຽງ ນາຍົກລັດຖະມົນຕີຈີນ​ແລະ​ທ່ານ​ທອງ​ລຸນ​ສີ​ສຸ​ລິດ ນາຍົກ​ລັດຖະມົນຕີ​ລາວ, ລັດຖະບານ​ສອງ​ປະ​ເທດ​ໄດ້​ລົງ​ນາມ​ໃນຂໍ້​ຕົກລົງວ່າ​ດ້ວຍ​ການ​ບູລະນະ​ແລະ​ປົກ​ປັກ​ຮັກ​ສາ​ສິ່ງ​ກໍ່ສ້າງ​ທີ່​ລະນຶກ​ເຖິງ​ວິລະ​ກຳ​ຈີນ​ຢູ່​ລາວ. ​ແນວ​ໃດ​ກໍ​ດີ, ສິ່ງ​ກໍ່ສ້າງທີ່​ລະນຶກ​ເຖິງ​ວິລະ​ກຳ​ຈີນ​ຢູ່​ລາວ​​ແຫ່ງ​ໃໝ່​ຫຼັງ​ສ້ອມ​ແປງ​ຈະ​ກາຍ​ເປັນ​ສະຖານ​ທີ່ສຶກສາ​ນ້ຳ​ໃຈມິດຕະພາບຈີນ-ລາວ​ທີ່​ເປັນ​ມູນ​ເຊື້ອສຳລັບ​ປະຊາຊົນ​ສອງ​ຊາດ​ໂດຍ​ສະ​ເພາະ​ໄວ​ໜຸ່ມ​ສອງ​ປະ​ເທດ.

 ທ່ານ​ຄຳ​ແພງ ​ໄຊ​ສົມ​ແພງ ຢືນຢັນ​ວ່າ ຈາກ​ກາ​ນເອົາ​ໃຈ​ໃສ່​ແລະ​​ຊ່ວຍ​ເຫຼື​ອຂອງພາກສ່ວນ​ກ່ຽວຂ້ອງ​ທັງ​ສອງ​ຝ່າຍລາວ​-ຈີນ, ​ໂຄງການ​ດັ່ງກ່າວ​ຈະ​ໄດ້​ຮັບ​ການ​ປະຕິບັດ​ໄປ​ດ້ວຍ​ດີ ​ແລະ​ເຮັດ​ໃຫ້​ຄວາມຫວັງ​ຂອງ​ສອງ​ພັກ​ສອງ​ລັດ​ແລະ​ປະຊາຊົນ​ສອງ​ຊາດ​ບັນລຸ​ຜົນ​ເປັນ​ຈິງ​ຢ່າງ​​ເຕັມ​ເມັດ​ເຕັມ​ໜ່ວຍ.

 ຊຸມ​ປີ 1960ຫາ​ປີ1970, ນັກຮົບ​ຈີນ​ຫຼາຍ​ຮ້ອຍ​ຄົນ​ໄດ້​​ເສຍສະຫຼະ​ຊີວິດ​ໃນ​ການ​ປະຕິວັດ​ຕໍ່ສູ້​ກູ້​ຊາດຊ່ວຍ​ປະຊາຊົນ​ລາວ​ແລະປັດຈຸບັນ, ຢູ່​ ​ອະນຸສາວະລີ​ນັກຮົບ​ຈີນສາມ​ແຫ່ງ​ຄື​ຢູ່​ເມືອງ​ໄຊ​,​​ເມືອງ​ນາ​ໝໍ້ແຂວງ​ອຸດົມ​ໄຊ​ແລະ​ເມືອງ​​​ແປກແຂວງ​ຊຽງ​ຂວາງ​ໄດ້ບັນຈຸ​ສົບ​ນັກຮົບ​ຈີນ 215 ຄົນ.


ຂ່າວທີ່ທ່ານອາດຈະສົນໃຈ

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ