ກົນອຸບາຍ​ເມືອງ​ເປົ່າ​

2015-05-27 11:58:54

​ໃນ​ສະ​ໄໝ​ສາມ​ກົກ, ມີ​ເທື່ອ​ໜຶ່ງ, ຂົງ​ເບັງກັບ​ທະຫານ 2500 ຄົນ​ເຝົ້າຢູ່​ໃນ​ເມືອງ​ຊີ​ເສິງ.

ບັງ​ເອີ​ນ, ທະຫານ​ຍາມ​ຂີ່​ມ້າ​ມາລາຍ​ງານ​ວ່າ, “ສື່ໝາ​ອີ້ ​ໄດ້​ນຳພາ​ທະຫານ​ໂຈ​ໂສ 1 ​ແສນ 5 ໝື່ນ​ຄົນ​ມາ​ໂຈມ​ຕີ​ຊີ​ເສີງ!”

​ໃນ​​ເວລາ​ນັ້ນ, ​ຂົງ​ເບັ້ງ​ບໍ່​ມີນາ​ຍພົນ​ຢູ່​ນຳຈັກ​ຄົນ, ມີ​ແຕ່​​ເຈົ້າໜ້າ​ທີ່​ຝ່າຍ​ພົນລະ​ເຮືອນເທົ່ານັ້ນ. ເມື່ອໄດ້ຍິນຂ່າວນີ້, ເຈົ້າໜ້າທີ່ທັງຫຼາຍ​ຕ່າງ​ກໍ່ຕື່ນຕານົກຕົກໃຈ, ບໍ່​ຮູ້ຈະ​​ເຮັດ​ແນວ​ໃດດີ. ຂົງ​ເບັ້ງຍ່າງ​ຂຶ້ນ​ກຳ​ແພງ​ເມືອງ, ​​ຫຼຽວ​ເຫັນ​ອອກທາງ​ໄກໆເຫັນ​ມີ​ຂີ້ຝຸ່ນ​ກຸ້ມທ້ອງຟ້າ, ທະຫານ​ເວີ້​ຍກຳລັງ​ບຸກມາ​ທາງ​ເມືອງ​ຊີ​ເສີງ. ຂົງ​ເບັ້ງ​ເລີຍ​ສັ່ງ​ວ່າ: ພັບມ້ຽນທຸງ​ທຸກຜືນ, ທະຫານ​ໃຫ້​​ຢູ່​ໃນ​ຕູບ​ຍາມ​ເທີ​ງກຳ​ແພງ, ບໍ່​ໃຫ້​ອອກ​ມາ​ປາກົດໂຕຈັກ​ຄົນ, ຖ້າ​ມີ​ທະຫານ​ຜູ້​ໃດ​ກ້າ​ເຂົ້າອອກ​ປະຕູ​ເມືອງຫຼືລົມ​ກັນ​ດ້ວຍ​ສຽງ​ດັງ, ກໍ່​ໃຫ້ຂ້າ​ຖີ້ມ! ​ເປີດ​ປະຕູ​ເມືອງ 4 ​ແຫ່ງ, ​ແຕ່ລະ​ປະຕູ ​ໃຫ້​ທະຫານ 20 ຄົນ ປອມຕົວ​ເປັນ​ສາມັນ​ຊົນກວາດ​ຖະໜົນ. ​ເມື່ອ​ທະຫານ​ເວີ້​ຍມາ​ຮອດ, ບໍ່​ໃຫ້​ເຄື່ອນໄຫວໃດໆ, ຂ້າພະ​ເຈົ້າຈະ​ມີ​ແຜນ​ປະຕິບັດ​ຕໍ່.

ຄຳ​ສັ່ງ​ສົ່ງ​ອອກ​ໄປ​ແລ້ວ, ຂົງ​ເບັ້ງ​ກໍ່​ນຸ່ງ​ຖືແບບ​ສະບາຍ​ໆ, ພາ​ຊາວ​ໜຸ່ມ​ສອງ​ຄົນ​​ເອົາ​ພິນ​ຂຶ້ນ​ກຳ​ແພງ​ເມືອງ, ນັ່ງ​ຢູ່​ຂ້າງ​ຝາກຳ​ແພງ, ​ຈູດ​ທູບ​​​ໄຕ້​ທຽນ, ​​ແລະ​ຫຼີ້ນພິນຢູ່​ຢ່າງ​ສະບາຍ.

ທະຫານ​ກອງ​ໜ້າ​​ເວີ້​ຍ​​ເຫັນ​ແລ້ວ, ຂ້ຽວ​ກັບໄປລາຍ​ງານ​ສື່​ໝາ​ອີ້. ສື່​ໝາ​ອີ້​ສັ່ງ​​ໃຫ້​ທະ​ຫານ​ຢຸດ​ເດີນທັບ, ຕົນ​ເອງ​ຂີ່​ມ້າ​ໄປ​ເບິ່ງ. ​ເຫັນທຸກຢ່າງຄືຄຳທີ່​ທະຫານ​ລາຍ​ງານ​ແທ້, ຊຶ່ງລາວ​ກໍ່​ເຫັນ​ຂົງ​ເບັ້ງນັ່ງ​ຢູ່​ເທິງກຳ​ແພງ​ເມືອງ, ​ໃບ​ໜ້າ​ຍີ້ມ​ແຍ້ມ, ພວມ​​ໄຕ້​ທູບ​ດິດພິນ, ຊາວ​ໜຸ່ມ​ຜູ້​ໜຶ່ງຈັບ​ດາບ​ຢູ່​ເບື້ອງ​ຊ້າຍ, ຜູ້​ໜຶ່ງ​ຈັບ​ວີ​​ພັດ​ແກວ່ງຄ່ອຍໆ​ຢູ່​ເບື້ອງ​ຂວາ, ປານ​ບໍ່​ມີ​ຫຍັງ​ເກີດ​ຂຶ້ນ. ຢູ່​ໃນ​ແລະ​ນອກ​ປະຕູ​ເມືອງ, ມີ​ແຕ່​ສາມັນ​ຊົນ 20 ປາຍ​ຄົນພວມ​ກົ້ມໆ​ເງີຍໆ​ປັດກວດ​ຢູ່​ ໂດຍ​ບໍ່​ສົນ​ໃຈ​ໃຜ. ສື່​ໝາ​ອີ້​ເຫັນ​​ແລ້ວ, ສົງ​ໃສ​ວ່າ​ຈະ​ມີ​ທະ​ຫານລີ້​ຢູ່​ໃນ​ເມືອງຫຼາຍ, ​ເລີຍ​ຟ້າວ​ສັ່ງ​ກອງທັບ​ຖອຍຫຼັງ.

ສື່​ໝາ​ຈ່າວ ລູກ​ຊາຍສື່​ໝາ​ອີ້​ຖາມ​ວ່າ: ຂົງ​ເບັ້ງ​ອາດ​ຈະ​ບໍ່​ມີ​ທະຫານຫຼາຍຈຶ່ງເຮັດ​ເປັນ​ແນວ​ນັ້ນ, ພໍ່​ເປັນ​ຫຍັງ​ສັ່ງ​ທະຫານ​ເຮົາ​ຖອຍທັບ?

ສື່​ໝາ​ອີ້​ຕອບ​ວ່າ, ໃນ​ປົກກະຕິ ຂົງ​ເບັ້ງ​ເປັນ​ຄົນ​ທີ່​ມັກ​ສຸ​ຂຸມ​ຮອບຄອບ​, ບໍ່​ເຄີຍສ່ຽງ​ໄພ. ມື້​ນີ້​ເປີດ​ປະຕູ​ເມືອງ​ທຸກ​ດ້ານ, ອາດຈະ​ມີ​ທະຫານຈຳນວນຫຼວງຫຼາຍລີ້​ຊ້ອນ​ຢູ່ກໍ່​ເປັນ​ໄດ້. ຖ້າ​ເຮົາ​ບຸກ​ເຂົ້າ​ໄປ, ຈະ​​ເຂົ້າ​ເປົ້າລາວ​ແນ່​ນອນ. ​ພວກ​ເຈົ້າບໍ່​ຮູ້​ຫຍັງ, ຖອຍກັບ​ໄປ​ໄວໆ!

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ