ຂົງຢົງແບ່ງປັນໝາກຈອງ

2014-12-30 15:27:30

ຂົງຢົງແບ່ງປັນໝາກຈອງ

ຂົງຈື້​​ແມ່ນ​ບຸກຄົນ​ຜູ້​ຍິ່ງ​​ໃຫຍ່ໃນສະໄໝບູຮານຂອງ ​ແນວ​ຄິດ​ຂອງ​ຂົງຈື້ຈົນ​ຮອດ​ສູ່​ມື້​ນີ້​ຍັງ​​ໄດ້​ສົ່ງ​ຜົນ​ສະທ້ອນ​ຢ່າງ​ເລິກ​ເຊິ່ງ​ແລະ​ກວ້າງຂວາງ​ຕໍ່​ສັງຄົມ​ຈີນ. ​ໃນ​ຖານະ​ເປັນ​ຫຼານ​ຮຸ້ນ​ທີ 20 ຂອງ​ຂົງຈື້, ຂົງຢົງ​ກໍ່​ແມ່ນ​ບຸກຄົນ​ທີ່​ຄົນ​ຈີນ​ທຸກ​ຄົນຮູ້​ດີ, ເລື່ອງ​ກ່ຽວ​ກັບນ້ຳໃຈແບ່ງປັນຂອງຂອງຢົງນັ້ນ​ກໍ່​ແມ່ນ​ເລື່ອງທີ່​ຜູ້​ເປັນ​ພໍ່​ແມ່​ຄົນຈີນມັກ​ຈະ​ເລົ່າ​ສູ່​ລູກ​ຟັງສະເໝີ.

ຕາມ​ເລົ່າ​ກັນ​ວ່າ, ຂົງຢົງ​ເປັນ​ຄົນ​ສະຫຼາດ​ມາ​ແຕ່​ນ້ອຍ, ທັງ​ມັກ​ຮຽນ, ສະໝອງ​ກໍ່​ໄວ, ​ໃຜໆກໍ່ຍ້ອງວ່າລາວເປັນ​ເດັກນ້ອຍ​ທີ່​ມີ​ພອນ​ສະຫວັນ​. ​ໃນ​​ເວລາ​ອາຍຸ​ພຽງ 4 ຂວບ, ຂົງຢົງ​ກໍ່ສາມາດທ່ອງ​ບົດ​ກອນ​ໄດ້ຫຼາຍໆ​ບົດ, ​ແລະ​​ເປັນ​ຄົນ​ຮູ້ທີ່ມີກິລິຍາມາລະຍາດ, ພໍ່​ແມ່​ຮັກ​ລາວ​ຫຼາຍ.

ມີ​ມື້ໜຶ່ງ, ​ເພື່ອ​ນຂອງ​ພໍ່​ຂົງຢົງມາຢາມ​ເຮືອນແລະ​ໄດ້​ເອົາ​ໝາກຈອງຈານ​ຫນຶ່ງມາ​​ເປັນ​ຂອງ​ຕ້ອນ, ພໍ່​ກໍ່​ເອີ້ນ​ຂົງຢົງ​ມາເປັນ​ຜູ້​ປັນ​ໝາກຈອງ, ຂົງຢົງ​ໄດ້​ເລືອກ​ເອົາ​ໝາກທີ່ນ້ອຍ​ທີ່​ສຸດ​​ໄວ້​ໃຫ້​ຕົນ​ເອງ, ທີ່​ເຫຼືອ​ນັ້ນ​ກໍ່​ແບ່ງ​ປັນໃຫ້​ອ້າຍ​ນ້ອງ​ໂດຍ​ອີງ​ຕາມ​ອາຍຸ​ນ້ອຍ​ໃຫຍ່​ຂອງ​ອ້າຍ​ນ້ອງແຕ່ລະຄົນ. ພໍ່​ເຫັນ​ແລ້ວ​ກໍ່ຖາມ​ຂົງຢົງ​ວ່າ: “​ເປັນ​ຫຍັງ​ລູກ​ເອົາ​ໝາກຈອງ​ໜ່ວຍໃຫຍ່​ໃຫ້​ອ້າຍ, ​ເອົາໜ່ວຍ​ນ້ອຍ​ໃຫ້​​ຕົນ​ເອງ?” ຂົງຢົງ​ກໍ່​ບອກ​ວ່າ: “ລູກ​​ອາຍຸ​ນ້ອຍ, ຄວນ​ກິນ​ຫນ່ວຍ​ນ້ອຍ, ຫນ່ວຍ​ໃຫຍ່​ຄວນ​ເອົາ​ໃຫ້​ອ້າຍ.” ພໍ່​ຟັງ​ແລ້ວ​ດີ​ໃຈ​ຫຼາຍແລະ​ຖາມ​ອີກ​ວ່າ, “ ຊັ້ນ​ນ້ອງ​ຊາຍ​ຂອງ​ລູກ​ກໍ່​ນ້ອຍ​ກວ່າ​ລູກ,​ເປັນ​ຫຍັງ​ບໍ່​ເອົາ​ຫນ່ວຍ​ນ້ອຍ​​ໃຫ້​ນ້ອງ​ຊາຍ? ຂົງຢົງ​ຕອບ​ວ່າ: ນ້ອງ​ຊາຍ​ເປັນ​ຄົນ​ນ້ອຍ, ​ເຮົາ​ເປັນ​ອ້າຍ​ຄວນມີນ້ຳໃຈຕໍ່ນ້ອງ​ຊາຍ.

ການ​ກະທຳ​ຂອງ​ຂົງຢົງ​ໄດ້​ສະ​ແດງ​​ໃຫ້​ເຫັນ​ເຖິງ​ຄຸນສົມບັດທີ່ດີ​ຂອງ​ປະຊາ​ຊາດ​ຈີນ​ທີ່​ເຄົາລົບ​ຜູ້​ເຖົ້າ​ແລະ​ຮັກ​ແພງ​ຜູ່​ນ້ອຍ. ສະ​ນັ້ນ​ຈິ່ງ​ເຮັດ​ໃຫ້​ເລື່ອງ​ກ່ຽວ​ກັບນ້ຳໃຈແບ່ງ​ປັນຂອງຂົງຢົງໄດ້​ຮັບ​ການ​ເຜີຍ​ແຜ່​ອອກ, ​ແລະ​ສືບ​ທອດ​ໄປ​ໃຫ້​ຄົນ​ຈີນ​ທຸກ​ເຊັ່ນ​ຄົນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ