ປາ​ຈົມ​ພື້ນ​ນ້ຳ ນົກ​ເປັດ​ນ້ຳ​ປ່າ​ຕົກລົງ​ພື້ນດິນ ບົດ​ບັງ​ດວງ​ຈັນ ດອກ​ໄມ້​ໜ້າ​ອາຍ(​ເຊີນ​ຢີ, ​ໂລ້​ຢ້ຽນ, ປີ້​ຢ້ວຍ, ຊິວ​ຮວາ)

2014-11-27 14:51:24

ປາ​ຈົມ​ພື້ນ​ນ້ຳ ນົກ​ເປັດ​ນ້ຳ​ປ່າ​ຕົກລົງ​ພື້ນດິນ ບົດ​ບັງ​ດວງ​ຈັນ ດອກ​ໄມ້​ໜ້າ​ອາຍ(​ເຊີນ​ຢີ, ​ໂລ້​ຢ້ຽນ, ປີ້​ຢ້ວຍ, ຊິວ​ຮວາ)

ຄົນ​ຈີນ​ເອົາ​ຄຳ​ວ່າ: ​ເຊີນ​ຢີ, ​ໂລ້​ຢ້ຽນ, ປີ້​ຢ້ວຍ, ​ແລະ ຊິວ​ຮວາ ມາ​ສົມທຽບ​ໜ້າ​ຕາ​ທີ່​ສວຍ​ງາມ​ຂອງ​ແມ່ຍິງ. ສ່ວນ 4 ຄຳ​ສັບ​ນີ້​ກໍ່​ແມ່ນ​ຊື່​ງາມ​ຂອງ​ນາງ​ງາມ 4 ຄົນ​ໃນ​ສະ​ໄໝ​ບູຮານ​ຂອງ​ຈີນ, ນາງ​ງາມ​ຂອງ​ຈີນ 4 ຄົນ​ນີ້​ຄື: ຊີ່ຊື່, ຫວາງ​ຈ່າວ​ຈຸ່ນ, ຕ່ຽວ​ຊານ, ​ແລະ​ ຢາງ​ອີ້​ຮວນ.

ຊີ່ຊື່ ​ແມ່ນ​ຄົນ​ແຄວ້ນ​ຢ້ວຍ​ໃນ​ສະ​ໄໝ​ຊຸ່ນຊິ່ວ ​ເຊິ່ງ​​ແມ່ນສະ​ໄໝ​ທີ່​ເລີ່ມ​ແຕ່​ປີ 770 ກ່ອນ​ຄ.ສ. ຫາ​ປີ 476 ກ່ອນ​ຄ.ສ. ນາງ​ເຄີຍ​ຮັບ​ໜ້າ​ທີ່​ຈາກ​ເຈົ້າ​ແຄວ້ນ​ຢ້ວຍຄື ​ໂກ່​ວຈ້ຽນ ​ໄປ​ຮັບ​ໃຊ້​ໃຫ້​ແກ່​ເຈົ້າ​ແຄວ້ນ​ອູ​ຄື: ຟູ​ຊ່າ​ຍ. ມີ​ມື້ໜຶ່ງ, ນາງ​ຊີ່ຊື່​ໄດ້​ລ້າງ​ຜ້າ​ໄໝ​ຢູ່​ແຄມ​ນ້ຳ, ​ເມື່ອປາ​ຢູ່​ໃນ​ນ້ຳ​​ໄດ້​ເຫັນ​ເງົາ​ຂອງ​ນາງ​ທີ່​ສວຍ​ງາມ​ແລ້ວ ຈົນ​ຕົກສະ​ເງີ້, ​ແລ້ວ​ລືມ​ລອຍ​ນ້ຳ ຈົມ​ລົງ​ໃຕ້​ພື້ນນ້ຳ, ສະ​ນັ້ນ, ຈິ່ງ​ມີ​ຄຳ​ສັບ​ທີ່​ວ່າ ​ເຊີນ​ຢູ, ​ແປ​ວ່າ ປາ​ຈົມ​ພື້ນ​ນ້ຳ.

ຫວາງ​ສຽງ ຫຼື​ຫວາງ​ຈ່າວ​ຈຸ່ນ ​ໄດ້​ຮັບ​ການ​ມອບ​ໝາຍ​ໃຫ້​ໄປ​ແຕ່ງດອງ​ກັບ​ເຈົ້າ​ຊີວິດ​ຊົນ​ເຜົ່າ​ສ່ວນ​ໜ້ອຍ​ໃນ​ສະ​ໄໝ​ລາດ​ຊະ​ວົງ​ຮັ້ນ​ຕາ​ເວັນ​ຕົກ​ ເພື່ອຜ່ອນຄາຍ​ຄວາມ​ເຄັ່ງ​ຕຶງ​ຂອງ​ການ​ພົວພັນ​ລະຫວ່າງ​ເຜົ່າ​ຮັ້ນ​ກັບ​ຊົນ​ເຜົ່າ​ສ່ວນ​ໜ້ອຍ. ​ໃນ​ໄລຍະ​ອອກ​ເດີນທາງ, ນາງ​ຫວາງ​ຈ່າວ​ຈຸ່ນ​ເຫັນ​ພາບ​ວິວທິວ​ທັດ​ຢູ່​ຕ່າງ​ຖິ່ນ ​ແລະ ຮູ້ສຶກ​ເຫງົາ​ໃຈ​ຈິ່ງ​ໄດ້​ດີດ​ພິນ, ສຽງ​ພິນ​ທີ່​ໂສກ​ເສົ້າ​ດັງ​ອອກ​ມາ​ເໝືອນ​ດັ່ງ​ສຽງ​ໄຫ້, ຈົນ​ເຮັດ​ໃຫ້​ນົກ​ເປັດ​ນ້ຳ​ປ່າ​ທີ່​ບິນ​ຜ່ານ​ມາ​ນັ້ນ​ຟັງ​ແລ້ວ​ລຶມພັບ​ປີກ, ​ແລະ​ຕົກລົງ​ພື້ນ​ດິນ, ສະ​ນັ້ນ ຈິ່ງ​ເອີ້ນ​ວ່າ: ​ໂລ້​ຢ້ຽນ, ​ແປ​ວ່າ ນົກ​ເປັດ​ນ້ຳ​ປ່າ​ຕົກລົງ​ພື້ນດິນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ