ເລື່ອງ “ໝາ ຕ້າວ ເສິງ ກົ່ງ”

2014-11-27 14:23:49

ເລື່ອງ “ໝາ ຕ້າວ ເສິງ ກົ່ງ”

“ໝາ ຕ້າວ ເສິງ ກົ່ງ” ໝາຍຄວາມວ່າ ເມື່ອມ້າເສິກແລ່ນມາຮອດ, ກໍ່ຈະຮັບໄຊຊະນະໂລດ. ມາສົມທຽບກໍລະນີທີ່ວ່າ: ຮັບຜົນສຳເລັດຢ່າງງ່າຍດາຍແລະວ່ອງໄວ, ຫຼືໄດ້ສຳເລັດຜົນພາຍໃນເວລາສັ້ນໆ. ດຽວນີ້ ຄົນຈີນມາໃຊ້ຄຳນີ້ເພື່ອອວຍພອນພີ່ນ້ອງໝູ່ເພື່ອນມີອະນາຄົດທີ່ສົດໃສ, ປາຖະໜາສິ່ງໃດໃຫ້ໄດ້ສິ່ງນັ້ນ. ເມື່ອ ປີ 220ກ່ອນ ຄ ສ, ເຊິ່ງເປັນປີທີ 2 ທີ່ຈິນສີຮ່ອງເຕ້ໄດ້ເຕົ້າໂຮມປະເທດຈີນເປັນເອກະພາບກັນ, ຈິນສີຮ່ອງເຕ້ໄດ້ຍິນວ່າ, ກ້ອນຫີນແມ່ນຫິນີ່ເທວະດາ ໜີວ່າ ເອົາມາຕາບບ່ອນທີ່ທ້ອງຟ້າແຕກ, ສາມາດເຮັດໃຫ້ລາຊະວົງຂອງຕົນເອງນັ້ນໝັ້ນຄົງຊົ່ວນິລັນດອນ, ກໍ່ຕັ້ງໃຈໄປໄຫວ້ກ້ອນຫີນລວດລາຍທີ່ມີສີຕ່າງໆກ້ອນນັ້ນ, ຈິນສີຮ່ອງເຕ້ໄດ້ນຳພາທະຫານແລະມ້າເສິກຢ່າງຫຼວງຫຼາຍເດີນຕາມເສັ້ນທາງທີ່ສ້າງຂຶ້ນໂດຍສະເພາະເພື່ອໄປສູ່ບ່ອນທີ່ມີກ້ອນຫີນກ້ອນນັ້ນ, ແລະກາບໄຫວ້ດ້ວຍຄວາມເຄົາລົບ. ເມື່ອກັບມາແລ້ວ, ທຸກສິ່ງທຸກຢ່າງແມ່ນເດີນແມ່ນແລນສະດວກຫຼາຍ, ແລະສັງຄົມມີຄວາມສະຫງົບ, ຈິນສີຮ່ອງເຕ້ກໍ່ດີໃຈທີ່ສຸດ, ແລະກໍ່ສັ່ງໃຫ້ເສນາອາມາດຕ່າງໆພາກັນແຕ່ງກອນເພື່ອ ສະເຫຼີມສະຫຼອງ, ໃນເວລານັ້ນ ຊີຝູ ໄດ້ມອບຄຳກອນບົດໜຶ່ງທີ່ຂຽນວ່າ: ພາທະຫານແລະມ້າເສິກຢ່າງຫຼວງຫຼາຍເດີນໄປຕາມເສັ້ນທາງສະເພາະ, ຈິນສີຮ່ອງເຕ້ກາບໄຫວ້ກ້ອນຫີນວິເສດຈິ່ງໄດ້ຮັບຜົນສຳເລັດ. ບົດກອນນີ້ບໍ່ໄດ້ຮັບຄວາມສົນໃຈຈາກຈິນສີຮ່ອງເຕ້ແລະເສນາອາມາດຜູ້ອື່ນໆໃນເວລານັ້ນ. ຈົນຮອດສະໄໝລາຊະວົງຢວນ, ກວນຮ້ານຊິນ ນັກປະພັນທີ່ມີຊື່ສຽງໄດ້ສ້າງຄຳວ່າ” ໝາ ຕ້າວ ເສິງ ກົ່ງ” ໂດຍອີງຕາມເລື່ອງ ຈິນສີຮ່ອງເຕ້ໄປກາບໄຫວ້ກ້ອນຫີນທິບດັ່ງທີ່ໄດ້ເວົ້າມາຫັ້ນ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ