ເລື່ອງ​“ໂປ​ເລີ້ ອີ ຊ່ຽນ​ຫຼີໝ້າ” ຫຼື ​ໂປ​ເລີ້​ກັບ​ມ້າ​ທີ່​ແລ່ນ​​ເກັ່ງ

2014-11-27 14:09:08

ເລື່ອງ​“ໂປ​ເລີ້ ອີ ຊ່ຽນ​ຫຼີໝ້າ” ຫຼື ​ໂປ​ເລີ້​ກັບ​ມ້າ​ທີ່​ແລ່ນ​​ເກັ່ງ

ຕາມຕຳນານເລົ່າວ່າ, ເທວະດາທີ່ຄຸ້ມຄອງໂຕມ້າຢູ່ເທິງສະຫວັນນັ້ນມີຊື່ ວ່າ ໂປເລີ້. ສ່ວນຢູ່ເມືອງຄົນ, ຄົນຈີນກໍ່ມັກເອີ້ນຄົນທີ່ມີຄວາມຮູ້ໃນການຈຳ ແນກ ມ້າທີ່ດີກັບມ້າທີ່ບໍ່ດີໃຫ້ເປັນ ໂປເລີ້ ຄືກັນ.

ເຊິ່ງຄົນທຳອິດທີ່ຖືກເອີ້ນເປັນ ໂປເລີ້ ນັ້ນມີຊື່ວ່າ ຊຸນຢາງ, ແມ່ນຄົນໃນ ສະໄໝຊຸນຊິວຈ້ານໂກ. ຍ້ອນລາວໄດ້ຄົ້ນຄວ້າຢ່າງເລິກເຊິ່ງກ່ຽວກັບມ້າ, ຈິ່ງ ເຮັດໃຫ້ຄົນທັງຫຼາຍຈົນ​ໄດ້ລືມຊື່ແທ້ຂອງລາວແລ້ວເອີ້ນລາວເປັນ ໂປເລີ້ ຕະຫຼອດ, ຈົນສືບທອດມາຮອດປັດຈຸບັນ.

ມີເທື່ອໜຶ່ງ,ໂປເລີ້ໄດ້ຮັບການມອບໝາຍຈາກເຈົ້າແຄວ້ນສູ້ເພື່ອໄປຊື້ມ້າທີ່ສາມາດແລ່ນໄດ້ພັນລີ້ຕໍ່ມື້ມາໃຫ້. ໂປເລີ້ກໍ່ໄປຊອກຊື້, ແຕ່ໄດ້ເດີນທາງໄປ ຫຼາຍແຄວ້ນ, ຈົນໄປຮອດແຄວ້ນນຢ້ຽນແລະແຄວ້ນຈ້າວທີ່ມີຊື່ສຽງຍ້ອນ ມີມ້າດີ,ເມື່ອຊອກຫາຈົນ​ເມື່ອຍແລ້ວແຕ່ກໍ່ຍັງບໍ່ສາມາດຊອກເຫັນມ້າທີ່ຖືກໃຈ ໂປເລີ້. ມີມື້ໜຶ່ງ, ໂປເລີ້ກັບຈາກແຄວ້ນຊີ, ກຳລັງເດີນທາງຢູ່, ບັງເອີນລາວໄດ້ ເຫັນມ້າໂຕໜຶ່ງກຳລັງແກ່ລົດທີ່ຂົນສົ່ງເກືອຄັນໜຶ່ງ,ມ້າໂຕນີ້ໃຊ້ແຮງຫຼາຍເພື່ອແກ່ລົດຂຶ້ນຄ້ອຍ, ມ້າໂຕນີ້ຄືຊິເມື່ອຍຫຼາຍແລ້ວ, ທັງແກ່ທັງຫາຍໃຈຝືດ, ບາດກ້າວແຕ່ລະກ້າວລ້ວນແຕ່ກ້າວອອກຢ່າງລຳບາກຍາກ​ເຂັນຫຼາຍ.ໂປເລີ້ ເປັນຄົນທີ່ມີຄວາມສະໜິດສະໜົມກັບມ້າຫຼາຍ, ເມື່ອເບິ່ງເຫັນສະພາບການ ແນວນີ້, ກໍ່ຍ່າງເຂົ້າໃກ້​ມ້າໂຕນັ້ນ, ມ້າໂຕນີ້ເຫັນໂປເລີ້ຍ່າງໃກ້​ເຂົ້າມາ, ກໍ່ເງີຍຫົວຂຶ້ນແລະມືນຕາໃຫຍ່ໆເລັ່ງໃສ່ໂປເລີ້, ທັງຮ້ອງດ້ວຍສຽງດັງໆ, ເໝືອນດັ່ງຢາກຈະເລົ່າຄວາມໃນໃຈຂອງກັບໂປເລີ້ຮູ້,  ໂປເລີ້ກໍ່ເລີຍຈຳແນກຈາກສຽງຮ້ອງນີ້ຈິ່ງຮູ້ວ່າ ມ້າໂຕນີ້ແມ່ນມ້າທີ່ດີທີ່ສຸດທີ່ຫາຍາກໂຕໜຶ່ງ.

ຂ່າວທີ່ທ່ານອາດຈະສົນໃຈ

ປະຕິທິນ

ຕິດຕາມພວກເຮົາ

ios
ios
android
android
ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ