ກິດຈະການ​ສົ່ງ​ໄ​ຟຟ້າຈາກ​ພາກ​ຕາ​ເວັນ​ຕົກ​ໄປ​ໃຫ້​ພາກ​ຕາ​ເວັນ​ອອກ​

ກິດຈະການ​ສົ່ງ​ໄຟຟ້າ​ຈາກ​ພາກ​ຕາ​ເວັນ​ຕົກ​ໄປ​ໃຫ້​ພາກ​ຕາ​ເວັນ​ອອກ​ແມ່ນ​ກິດຈະ

ການ​ພະລັງ​ໄຟຟ້າທີ່​ຈີນ​ສ້າງ​ຂຶ້ນ​ເພື່ອ​ສົ່ງ​ພະລັງໄຟຟ້າ​ທີ່​ອຸດົມສົມບູນ​ຂອງພາກ​ຕາ​ເວັນ​ຕົກໄປ​ໃຫ້​ເຂດ​ເສດຖະກິດ​ພັດທະນາ​ຢູ່​ພາກ​ຕາ​ເວັນ​ອອກ. ​ເນື່ອງ​ຈາກ​ພະລັງງານ​ຜະ

ລິດ​ໄຟຟ້າຂອງ​ຈີນ​ຕົ້ນຕໍ​ແຈກ​ຢາຍ​ຢູ່​ພາກ​ຕາ​ເວັນ​ຕົກ​ແລະ​ພາກ​ເໜືອ, ​ເຂດ​ສິ້ນ​ເປືອງ​ພະລັງ​ໄຟຟ້າ​ຕົ້ນຕໍ​​ໂຮມ​ສູນຢູ່​ຕາມ​ແຄມ​ທາງ​ລົດ​ໄຟ​ແຕ່​ປັກ​ກິ່ງ​ຮອດ​ແຂວງ​ກວາງ​ຕຸ້ງ​ແລະເຂດ​ເສດຖະກິດ​ພັດທະນາຢູ່​ພາກ​ຕາເວັນ​ອອກ.

ສະຖານະ​ພາບ​ພື້ນຖານ​ຂອງກິດຈະການ​ “ສົ່ງ​ໄຟຟ້າ​ຈາກ​ພາກ​ຕາ​ເວັນ​ຕົກ​ໄປ​ໃຫ້​ພາກ​ຕາ​ເວັນ​ອອກ” ​ແມ່ນ​ກໍ່ສ້າງຊ່ອງ​ທາງ​ສົ່ງ​ໄຟຟ້າ​​ໃຫຍ່ສາມ​ເສັ້ນ ຄື ຊ່ອງ​ທາງ

ພາກ​ເໜືອ ​ຊ່ອງ​ທາງພາກ​ກາງ​ແລະຊ່ອງ​ທາງພາກ​​ໃຕ້.

​ຊ່ອງ​ທາງພາກ​ເໜືອ​ລວມທັງ​ຕາຂ່າຍ​ໄຟຟ້າ​ຂອງພາກ​ຕາ​ເວັນ​ອອກສຽງ​ເໜືອ ພາກ​​ເໜືອ ​ແຂວງ​ຊານ​ຕົ່ງ ພາກ​ຕາ​ເວັນ​ຕົກ​ສຽງ​ເໜືອ, ຕົ້ນຕໍ​ແມ່ນ​ພັດທະນາ​ໄຟຟ້າ

ນ້ຳຕົກຂອງ​ພາກ​ຕາ​ເວັນ​ຕົກ​ສຽງ​ເໜືອ, ສົ່ງ​ໄຟຟ້າ​​ເຂົ້າ​ຕາຂ່າຍໄຟຟ້າ​ຂອງ​ນະຄອນປັກ​ກິ່ງ ນະຄອນທຽນ​ສິນ ​ແຂວງ​ເຫີ​ໄປ ​​ແລະແຂວງ​ຊານ​ຕົ່ງ.

​ຊ່ອງ​ທາງພາກ​ກາງ​ລວມທັງ​ຕາຂ່າຍ​ໄຟຟ້າຂອງ​ພາກ​ຕາ​ເວັນ​ອອກ ພາກ​ກາງ ​ນະຄອນ​ຈຸ່ງ​ກິ່ງ ແຂວງ​ເຊ​ສວນ ​ແລະ​ແຂວງ​ຟູ​ຈ້ຽນ, ຕົ້ນຕໍ​ຜ່ານ​ຈາກ​ການ​ພັດທະນາ​ໄຟຟ້າຕາມ​ແມ່​ນ້ຳ​ຢາງ​ເຊ, ສົ່ງ​ໄຟຟ້າ​ໄປ​ໃຫ້​ພາກ​ກາງ ພາກ​ຕາ​ເວັນ​ອອກ​ແລະ​ແຂວງ​ຟູ​ຈ້ຽນ. ນີ້​ແມ່ນ​ເຂດ​ທີ່​ສົ່ງ​ໄຟຟ້າ​ຂະໜາດ​ໃຫຍ່​ກວ່າ​ໝູ່ຂອງ​ຈີນ​ຈາກ​ພາກ​ຕາ​ເວັນ​ຕົກ​ໄປ​ໃຫ້​ພາກ​ຕາ​ເວັນ​ອອກ, ​ແລະ​ຈະ​ມີ​ຜົນ​ສະທ້ອນ​ສຳຄັນ​ຕໍ່​ການ​ເຊື່ອມ​ໂຍງ​ເຂົ້າກັບ​ຕາ​ຂ່າຍ​ໄຟຟ້າ​ທົ່ວ​ປະ​ເທດຈີນ.

​ຊ່ອງ​ທາງພາກ​ໃຕ້​ແມ່ນ​ພັດທະນາ​ໄຟຟ້ານ້ຳຕົກ​ຢູ່​ແມ່​ນ້ຳ​ອູ​ຈຽງ​ແຂວງ​ກຸ້ຍ​ໂຈ່​ວ ​ແມ່​ນ້ຳ​ລ້າ​ນ ຊ້າງ​ແລະ​ແມ່​ນ້ຳ​​ແດງແຂວງ​ຢຸນນານ ​ແລະ​ໂຮງ​ໄຟຟ້າ​ຖ່ານ​ຫີນ​ຢູ່​ປາກ​ບໍ່​ຖ່ານ​ຫີນຂອງ​ແຂວງ​ຢຸນນານ​ແລະ​ແຂວງ​ກຸ້ຍ​ໂຈ່​ວ, ສົ່ງ​ໄຟຟ້າ​ໄປ​ໃຫ້​ເຂດ​ກວາງ​ຕຸ້ງ. ກິດຈະການ “ສົ່ງ​ໄຟຟ້າ​ຈາກ​ພາກ​ຕາ​ເວັນ​ຕົກໄປ​ໃຫ້ພາກ​ຕາ​ເວັນ​ອອກ”ຂອງ​ຈີນ​ແມ່ນ​ກິດຈະການອັນ​ຍິ່ງ​ໃຫຍ່, ​ແມ່ນ​ພາກສ່ວນ​ປະກອບ​ອັນ​ສຳຄັນ​​ແຫ່ງ​ຍຸດ​ທະ​ສາດ​ພັດທະ

ນາ​ພາກ​ຕາ​ເວັນ​ຕົກ​ທີ່​ລັດຖະບານ​ຈີນ​ວາງ​ອອກ, ມັນ​ໄດ້​ເຮັດ​ໃຫ້​ຊັບພະຍາກອນ​ອັນ​ອຸດົມສົມບູນ​ຂອງ​ພາກ​ຕາ​ເວັນ​ຕົກ​ປະສານ​ກັນ​ກັບ​ຕະຫຼາດອັນ​ໃຫຍ່ຫຼວງຂອງ​ພາກ​ຕາ​ເວັນ​ອອກ, ຍ່ອມ​ຈະ​ຊຸກ​ຍູ້​ຢ່າງ​ແຂງ​ແຮງ​ໃຫ້​ອຸດສາຫະກຳ​ພະລັງ​ໄຟຟ້າ​ແລະ​ເສດຖະ

ກິດ​ແຫ່ງ​ຊາດ​ຈີນ​ມີ​ການ​ພັດທະນາ​ຢ່າງ​ໃຫຍ່.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ