ລາຍ​​ໄດ້ແລະ​ການ​ບໍລິ​ໂພ​ກຂອງ​ໄທ​ເມືອງ

ເມື່ອ​ທຽບ​ກັບ50​ກວ່າ​ປີກ່ອນ,ຊີວິດ​ການ​ເປັນ​ຢູ່​ຂອງ​ປະຊາຊົນ​ຈີນ​ໄດ້​ມີ​ການ​ປ່ຽນ​ແປງ​ຢ່າງ​​ໃຫຍ່​ຫຼວງ.​ເມື່ອ​ທຽບ​ໃສ່20​ກວ່າ​ປີ​ກ່ອນ,ກໍ​ມີການ​ປ່ຽນ​ແປງ​ຢ່າງເດັ່ນ​ຊັດ​ທີ່​ສຸດ.ລະດັບ​ລາຍ​​ໄດ້ຂອງ​ປະຊາຊົນ​​ໄດ້​ຍົກ​ສູງ​ຂຶ້ນຢ່າງ​ບໍ່​ຢຸດ​ຢັ້ງ,ຊັບ​ສິນ​ຂອງ​ສ່ວນ​ບຸກຄົນ​​ໄດ້​ເພີ່ມ​ຂຶ້ນ​ຢ່າງ​ສືບ​ເນື່ອງ.​ເຮືອນ​ຢູ່,ລົດ​ຍົນ,ຄອມ​ພິວ​ເຕີ,ບັດ​ຫຸ້ນ​ສ່ວນ,ການ​ໄປ​ທ່ຽວຢູ່​ຕ່າງປະ​ເທດ​ໄດ້​ກາຍ​​ເປັນ​ເນື້ອ​ໃນ​ຕົ້ນຕໍ​ຂອງ​ການ​ລົງທຶນ​ຫຼື​ບໍລິ​ໂພ​ກອຸປະ​ໂພ​ກ​ໃນ​ຊີວິດ​ປະຈຳ​ວັນ​ຂອງ​ປະຊາຊົນ.

​ໃນ20​ກວ່າ​ປີຫຼັງປີ1979,​ແມ່ນ​ໄລຍະ​ທີ່​ເສດຖະກິດ​ຈີນ​ພັດທະນາ​ໄວ​ກວ່າ​ໝູ່​,​ແລະ​ກໍ​ແມ່ນ​ໄລຍະ​ທີ່​​ໄທ​ເມືອງ​ມີ​ລາຍ​ໄດ້​ເພີ່ມ​ຂຶ້ນ​ຫຼາຍ​ກວ່າ​ໝູ່.ສະຖິຕິ​ສະ​ແດງ​ໃຫ້​ເຫັນ​ວ່າ,ລາຍ​ໄດ້​ສຸດທິ​ສະ​ເລ່ຍຕາມ​ຫົວ​ຄົນ​​ຂອງ​ໄທ​ບ້ານໃນ​ຊົນນະບົດ​ໄດ້​​ເພີ່ມ​ຈາກ134​ຢວນ​ເມື່ອ1978 ​ຂຶ້ນ​ຮອດ2476​ຢວນ​ໃນ​ປີ2002.ສະ​ເລ່ຍ​ແລ້ວ,​ ໄດ້​ເພີ່ມ​ຂຶ້ນ7,2%​ໃນ​ຕົວ​ຈິງຕໍ່​ປີ.ສ່ວນ​ລາຍ​ໄດ້​ທີ່​ຈັບ​ຈ່າຍໄດ້​ສ​ະ​ເລ່ຍຕາມ​ຫົວ​ຄົນຂອງໄທ​ເມືອງ​ໃນ​ຕົວ​ເມືອງ​ໄດ້​​ເພີ່ມຈາກ343​ຢວນ ​ຂຶ້ນ​ຮອດ7703ຢວນ,ສະ​ເລ່ຍ​ແລ້ວ,​​ໄດ້​ເພີ່ມ​ຂຶ້ນ6,7%​ໃນ​ຕົວຈິງຕໍ່​ປີ.

ປີ2003,ຊີວິດ​ກາ​ນ​ເປັນ​ຢູ່​ຂອງ​ໄທ​ເມືອງ​ຈີນ​ໄ​ດ້ຮັບ​ການ​ປົວ​ແປງ​ໃຫ້​ດີ​ຂຶ້ນ​ຕໍ່​ໄປ.ລາຍ​ໄດ້​ທີ່​ຈັບ​ຈ່າຍ​ໄດ້​ສະ​ເລ່ຍຕາມ​ຫົວ​ຄົນຂອງ​ໄທ​ເມືອງ​ໃນ​ຕົວ​ເມືອງ​ທົ່ວ​ປະ​ເທດ​ຈີນ​ໃນ​ໝົດ​ປີ2003​ແມ່ນ8472​ຢວນ,​ເມື່ອ​ຫັກປັດ​ໃຈ​ ​ລາຄາ​ສິນຄ້າ​ເພີ່ມຂຶ້ນ​ອອກ​ແລ້ວ,​ໄດ້​ເພີ່ມ​ຂຶ້ນ9,0%​ໃນ​ຕົວ​ຈິງ.ລາຍ​ໄດ້​ສຸດທິ​ສະ​ເລ່ຍຕາມ​ຫົວ​ຄົນຂອງ​ໄທບ້ານ​ໃນ​ຊົນນະບົດ​ແມ່ນ2622​ຢວນ,​ໄດ້​ເພີ່ມ​ຂຶ້ນ4,3%​ໃນ​ຕົວ​ຈິງ.ຕົວ​ເລກ​ດັດຊະນີ​ອັງ​ເກີ​ຂອງຄອບຄົວ​​ໄທ​ເມືອງ(ຄືອັດຕາສ່ວນລາຍ​ຈ່າຍດ້ານ​ບໍລິ​ໂພ​ກ​​ເຄື່ອງກິນ​ຂອງຄອບຄົວ​ທີ່​ກວມ​ຍອດ​ລາຍ​ຈ່າຍ​ອຸປະ​ໂພ​ກບໍລິ​ໂພ​ກຂອງ​ຄອບຄົວ),​ຕົວ​ເລກ​ດັດຊະນີ​ອັງ​ເກີ​ໃນ​ຕົວ​ເມືອງ​ແມ່ນ37,1%,ຫຼຸດ ​ໜ້ອຍ​ລົງກວ່າ​ປີ2002 0,6%,ຢູ່​ຊົນນະບົດ​ແມ່ນ45,6%,ຫຼຸດ​ຕ່ຳລົງ0,6%.​ໃນ​ທ້າຍ​ປີ2003,ປະລິມານ​ລົດ​ເກັງ​ຂອງ​​ເອກະ​ຊົນ​ໃນ​ທົ່ວ​ປະ​ເທດ​ຈີນ​ໄດ້​ບັນລຸ​ເຖິງ4​ລ້ານ8​ແສນ9​ໝື່ນ​ຄັນ,​ເພີ່ມ​ຂຶ້ນ​ຫຼາຍ​ກວ່າ​ປີ2002 1ລ້ານ4​ແສນ6​ໝື່ນ​ຄັນ.

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ