ການ​ໃຊ້​ທຶນ​ພາຍ​ນອກ

ຈີນ​ໃຊ້​ທຶນ​ພາຍ​ນອກ​ມີຫຼາຍຊ່ອງ​ທາງ​ແລະຫຼາຍຮູບ​ແບບ, ​ໂດຍ​ທົ່ວ​ໄປ​ແລ້ວ ສາມາດ​ແບ່ງ​ອອກ​ເປັນ​ສາມ​ປະ​ເພດ: ໜຶ່ງ ກູ້​ທຶນ​ຈາກ​ພາຍ​ນອກ, ລວມທັງ​ກູ້​ທຶນ​ນຳ​ລັດຖະບານ​ຕ່າງປະ​ເທດ ອົງການ​ການ​ເງິນ​ສາກົນ​ແລະ​ທະນາຄານ​ການ​ຄ້າ​ຕ່າງປະ​ເທດ ສິນ​ເຊື່ອ​ການ​ສົ່ງ​ອອກ ພິ​ມຈຳໜ່າຍ​ພັນທະ​ບັດ​ຕໍ່​ພາຍ​ນອກ​ເປັນຕົ້ນ; ສອງ ນັກ

ທຸລະກິດ​ພາຍ​ນອກ​ລົງທຶນ​ໂດຍ​ກົງ ລວມທັງ​ວິ​ສາ​ຫະກິດ​ຈີນ​ຮ່ວມ​ທຶນ​ກັບ​ພາຍ​ນອກ ວິ​ສາ​ຫະກິດ​​ພາຍ​ນອກ​ລົງທຶນ​ແຕ່​ຝ່າຍ​ດຽວ​ແລະ​ໂຄງການ​ຮ່ວມ​ມື​ກັນ​ພັດທະນາ​ເປັນຕົ້ນ; ສາມ ນັກທຸລະກິດ​ພາຍ​ນອກ​ລົງທຶນ​ໃນ​ຂົງ​ເຂດ​ອື່ນໆ ລວມທັງ​ການ​ເຊົ່າ​ສາກົນ ການ​ຄ້າ​ໃຊ້​ແທນ ການ​ປຸງ​ແຕ່ງ​ຕິດຕັ້ງ​ແລະ​ຂາຍ​ຫຸ້ນ​ສ່ວນ​ຕໍ່​ພາຍ​ນອກ​ເປັນຕົ້ນ.

​ແຕ່​ປີ 1990 ຫາ​ປີ 2001, ຈີນ​ໃຊ້​ທຶນ​ພາຍ​ນອກ​ຕົວ​ຈິງ​ບັນລຸ 510 ຕື້ 800 ລ້ານ​ໂດ​ລາ​ສະຫະລັດ, ​ໃນ​ນັ້ນ ນັກທຸລະກິດ​ພາຍ​ນອກ​ລົງທຶນ​ໂດຍ​ກົງ 378 ຕື້​ໂດ​ລາ​ສະຫະລັດ. ປີ 2002, ຈີນ​ໃຊ້​ທຶນ​ພາຍ​ນອກ​ຕົວ​ຈິງ​ໄດ້​ບັນລຸ 55 ຕື້​ໂດ​ລາ​ສະ

ຫະລັດ, ​ໃນ​ນັ້ນ ນັກທຸລະກິດ​ພາຍ​ນອກ​ລົງທຶນ​ໂດຍ​ກົງ 52 ຕື້ 700 ລ້ານ​ໂດ​ລາ​ສະຫະລັດ, ​ໄດ້​ກາຍ​ເປັນ​ປະ​ເທດ​ທີ່​ດຶງ​ດູດ​ທຶນ​ພາຍ​ນອກຫຼາຍກວ່າ​ໝູ່​ໃນ​ໂລກ​ເປັນຄັ້ງ

ທຳ​ອິດ. ປີ 2003 ນັກທຸລະກິດ​ພາຍ​ນອກ​ລົງທຶນ​ຢູ່​ຈີນ​ໄດ້​ສືບ​ຕໍ່​ຮັກສາ​ໃຫ້​ມີ​ຂະໜາດ​ຂ້ອນຂ້າງ​ໃຫຍ່, ໝົດ​ປີ 2003 ​ໄດ້​ອະນຸຍາດ​ໃຫ້​ນັກທຸລະກິດ​ພາຍ​ນອກ​ລົງທຶນ​ໂດຍ​ກົງຕັ້ງວິ​ສາ​ຫະກິດ 4 ໝື່ນ 1081 ຫຼັງ, ​ເພີ່ມ​ຂຶ້ນ 20,2% ​ເມື່ອ​ທຽບ​ກັບ​ປີ 2002; ມູນ​ຄ່າ​ໃນ​ຂໍ້​ຜູກ​ພັນ​ມີ​ເຖິງ 115 ຕື້ 100 ລ້ານ​ໂດ​ລາ​ສະຫະລັດ, ​ເພີ່ມ​ຂຶ້ນ 39%; ​ໃຊ້​ທຶນ​ຕົວ​ຈິງ​ບັນລຸ 53 ຕື້ 500 ລ້ານ​ໂດ​ລາ​ສະຫະລັດ, ​ເພີ່ມ​ຂຶ້ນ 1,4%.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ