ສະພາບ​ການ​ສົ່ງ​ອອກ​ນຳ​ເຂົ້າ

ໃນ​ເວລາ​ເສດຖະກິດ​ຈີນ​ໄດ້​ເຕີບ​ໂຕ​ຢ່າງ​ສືບ​ເນື່ອງ​ແລະ​ວ່ອງ​ໄວ​ນັ້ນ, ການ​ຄ້າ​ກັບ​ຕ່າງປະ​ເທດຂອງ​ຈີນ​ກໍ່​ໄດ້​ມີ​ການ​ພັດທະນາ​ຢ່າງ​ບໍ່​ຢຸດ​ຢັ້ງ. ​ໃນ​ການ​ຄ້າ​ໂລກ, ປີ 1978 ຈີນ​​ໄດ້​ຢູ່​ໃນ​ອັນ​ດັບ​ທີ 32, ປີ 1989 ​ເປັນ​ທີ 15, ປີ 1997 ​ເປັນ​ທີ 10. ມາ​ຮອດປີ 2001 ​ໄດ້​ກະ​ໂດດ​ຂຶ້ນ​ເປັນ​ທີ 6, ຍອດ​ມູນ​ຄ່າ​ສົ່ງ​ອອກ​ນຳ​ເຂົ້າຂອງ​ຈີນ​ໄດ້​ບຸກທະລຸ 500 ຕື້​ໂດ​ລາ​ສະຫະລັດ​ເປັນ​ຄັ້ງທຳ​ອິດ ຄື​ບັນລຸ 509 ຕື້ 650 ລ້ານ​ໂດ​ລາ​ສະຫະລັດ, ຕ່າງ​ເປັນ 24,7 ​ເທົ່າ​ຂອງ​ປີ 1978, 4,6 ​ເທົ່າ​ຂອງ​ປີ 1989, 1,57 ​ເທົ່າຂອງ​ປີ 1997. ​ໃນ​ປີ 2002, ຍອດ​ມູນ​ຄ່າ​ການ​ຄ້າ​ສົ່ງ​ອອກ​ນຳ​ເຂົ້າຂອງ​ຈີນ​ໄດ້​ຂຶ້ນຂຶ້ນ​ໃດ​ໃໝ່​ອີກ, ບັນລຸ 620 ຕື້ 770 ລ້ານ​ໂດ​ລາ​ສະຫະລັດ. ​ໃນ​ປີ 2003, ຍອດ​ມູນ​ຄ່າ​ສົ່ງ​ອອກ​ນຳ​ເຂົ້າຂອງ​ຈີນ​ໄດ້​ບັນລຸ 851 ຕື້​ 200 ລ້ານ​ໂດ​ລາ​ສະຫະລັດ, ​ເພີ່ມ​ຂຶ້ນ 37,1% ​ເມື່ອ​ທຽບ​ກັບ​ປີ 2002. ​ໃນ​ນັ້ນ ຍອດ​ມູນ​ຄ່າ​ສົ່ງ​ອອກ​ບັນລຸ 438 ຕື້ 400 ລ້ານ​ໂດ​ລາ​ສະຫະລັດ, ​ເພີ່ມ​ຂຶ້ນ 34,6%; ຍອດ​ມູນ​ຄ່າ​ນຳ​ເຂົ້າ 412 ຕື້ 800 ລ້ານ​ໂດ​ລາ​ສະຫະລັດ, ​ເພີ່ມ​ຂຶ້ນ 39,9%(​ເບິ່ງ​ຕາລາງ 7). ຈີນ​ໄດ້​ຂຶ້ນ​ເປັນ​ທີ 4 ​ແລ້ວ​ໃນ​ການ​ຄ້າ​ໂລກ.

ປະຈຸ​ບັນ ຈີນ​ໄດ້​ມີ​ການ​ພົວພັນ​ການ​ຄ້າ​ກັບ 220 ກວ່າ​ປະ​ເທດ​ແລະ​ເຂດ​ແຄວ້ນ​ໃນ​ໂລກ. ​ໃນ​ນັ້ນ ຍີ່ປຸ່ນ ອາ​ເມ​ລິ​ກາ ສະຫະພາບ​ເອີ​ລົບ ​ເຂດ​ພິ​ເສດ​ຮົງກົງ ອາຊຽນ ສາທາລະນະ​ລັດ​ເກົາຫຼີ ​ແຂວງ​ໄຕ້​ຫວັນ ອົສຕຼາລີ ລັດ​ເຊຍ​ແລະ​ກາ​ນາ​ດາ​ແມ່ນ 10 ຄູ່​ການ​ຄ້າ​ໃຫຍ່​ຂອງ​ຈີນ.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ