ຂະ​ແໜງ​ການ​ບໍລິການ

ແຕ່​ທ້າຍ​ຊຸມ​ປີ 70 ສະຕະວັດ​ທີ່​ແລ້ວ​ເປັນຕົ້ນມາ,ຂະ​ແໜງ​ການ​ບໍລິການ​ຂອງ​ຈີນ​ໄດ້​ມີ​ການ​ພັດທະນາ​​ໄວ​ສົມຄວນ.

ຕົ້ນຕໍ​ແມ່ນ​ສະ​ແດງ​ຢູ່​ສອງ​ດ້ານ​ຄື​: ໜຶ່ງ,ຂະໜາດ​ຂອງ​ຂະ​ແໜງ​ການ​ບໍລິການ​

ໄດ້​ເປີດ​ກວ້າງ​ອອກ​ເລື້ອຍໆ. ຕາມ​ສະຖິຕິ,​ແຕ່ 1978 ຮອດ​ປີ 2002 ມູນ​ຄ່າ​ເພີ່ມ​ຂອງ​ຂະ​ແໜງ​ການ​ບໍລິການ​ຈີນ​ໄດ້​ເພີ່ມ​ຈາກ 86 ຕື້ 50 ລ້ານ​ຢວນຂຶ້ນຮອດ 3453 ຕື້ 300 ລ້ານ​ຢວນ,​ເພີ່ມ​ຂຶ້ນ 39 ​ເທົ່າ,​ສະ​ເລ່ຍ​ແລ້ວ,​ເພີ່ມ​ຂຶ້ນ 10% ຂຶ້ນ​ໄປ​ຕໍ່​ປີ,ສູງ​ກວ່າ​ຄວາມ​ໄວ​ເພີ່ມ​ຂຶ້ນຂອງ​ລວມຍອດ​ຜະລິດ​ຕະພັນ​ພາຍ​ໃນ​ປະ​ເທດ​ໃນ​ໄລຍະ​ດຽວ​ກັນ. ມາດຕາ​ສ່ວນ​ຂອງ​ເພີ່ມ​ຄ່າ​ເພີ່ມ​ໃນ​ລວມຍອດ​ຜະລິດ​ຕະພັນ​ກໍ​ໄດ້​​ເພີ່ມ​ຈາກ21,4%

​ໃນ​ປີ 1979 ຂຶ້ນຮອດ 33,7% ​ໃນ​ປີ 2002. ປີ 2003 ​ເຖິງ​ວ່າ​ຂະ​ແໜງ​ການ​ບໍ

ລິການ​ຂອງ​ຈີນ​ໄດ້​ຖືກ​ຜົນ​ສະທ້ອນ​ຈາກ​ພະຍາດ​ຊາສ໌​ແລະ​​ໄພ​ແຫ້ງ​ແລ້ວ​ແລະ​ໄພ​ນ້ຳ

ຖອງ​ແລ້ວ​ກໍ​ຕາມ,​ແຕ່​ຍັງ​ຄົງ​ໄດ້​ພັດທະນາ​ຢ່າງ​ວ່ອງ​ໄວ.

ອີກ​ດ້ານ​ໜຶ່ງ,ຂະ​ແໜງ​ການ​ບໍລິການ​ຂອງ​ຈີນ​ໄດ້​ຄ່ອຍໆ​ກາຍ​ເປັນ​ຊ່ອງ​ທາງ​ສຳ

ຄັນ​ທີ່​ຮັບ​ເອົາ​ການ​ປະກອບ​ອາຊີບ​ໃນ​ສັງຄົມ. ຜູ້​ປະຕິບັດ​ງານ​ໃນ​ຂະ​ແໜງ​ການ​ບໍລິ

ການ​ໄດ້​ເພີ່​ມຈາກ 48 ລ້ານ 9 ​ແສນ​ຄົນ​ໃນ​ປີ 1978 ຂຶ້ນຮອດ 210 ກວ່າ​ລ້ານ​

ຄົນ​ໃນ​ປີ 2002,ຈຳນວນ​ຄົນ​ທີ່​ເພີ່ມ​ຂຶ້ນສຸດທິ​​ແ​ມ່ນ 2 ​ເທົ່າ​ຂອງ​ຈຳນວນ​ຄົນ​ເພີ່ມ​ສຸດ

​ທິ​ໃນ​ອຸດສາຫະກຳ​ທີ​ສອງ​ໃນ​​ໄລຍະ​ດຽວ​ກັນ.

ປັດຈຸບັນ,ຂະ​ແໜງ​ການ​ບໍລິການ​ຂອງ​ຈີນ​ໄດ້​ກວມ​ທັງຫຼາຍດ້ານ​ເຊັ່ນ​ການ​ກິນ​ດື່ມ,ທ່ອງ​ທ່ຽວ,ຂາຍຍ່ອຍ,ການ​ທະນາຄານ,ປະກັນ​ໄພ,ຂໍ້​ມູນ​ຂ່າວສານ,ຂົນ​ສົ່ງ,​ໂຄສະນາ​ສິນຄ້າ,ກົດໝາຍ,ບັນຊີ​ແລະ​ການ​ຄຸ້ມ​ຄອງ​ຄຸ້ມ​ເຮື​ອນຢູ່​ເປັນຕົ້ນ. ອີງ​ຕາມ​ແຜນການ​ພັດທະນາ​ຂອງ​ຈີນ,​ເມື່ອ​ຮອດ​ປີ 2020,ມາດຕາ​ສ່ວນ​ຂອງມູນ​ຄ່າ​ເພີ່ມ​ຂອງ​ຂະ​ແໜງ​ການ​ບໍລິການ​ທີ່​ກວມ​ລວມຍອດ​ຜະລິດ​ຕະພັນ​ພາຍ​ໃນ​ປະ​ເທດ​ຈະ​ເພີ່ມ​ຈາກປະມານ 1 ສ່ວນ 3 ​ໃນ​ປັດຈຸບັນ​ຂຶ້ນຮອດ 1 ສ່ວນ 2 ຂຶ້ນ​ໄປ.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ