ກະສິກຳ

ຈີນ​ແມ່ນ​ປະ​ເທດ​ທີ່​ປະຊາກອນ​ກະສິກຳ​ກວມ​ສ່ວນຫຼາຍທີ່​ສຸດ,ກະສິກຳ​ມີ​ຖານະ​ສຳຄັນ​ທີ່​ສຸດ​ໃນ​ເສດຖະກິດ​ຂອງ​ຈີນ.

​ເຖິງວ່າ​ຈີນ​ມີ​ເນື້ອ​ທີ່​ບົກ 9 ລ້ານ 6 ​ແສນ​ຕາລາງ​ກິລາ​ແມັດ​ກໍ​ຕາມ,​ແຕ່​ເນື້ອ​ທີ່​ດິນປູກຝັງ​ມີ​ແຕ່ 1 ລ້ານ 2 ​ແສນ 7 ໝື່ນ​ຕາລາງ​ກິລາ​ແມັດ​ທໍ່​ນັ້ນ,ກວມ​ເນື້ອ​ທີ່ດິນ​ປູກຝັງ​ຂອງ​ໂລກ​ປະມານ 7%. ຕົ້ນຕໍ​ຢູ່​ທົ່ງພຽງ​ແລະ​ເຂດຫຼົ້ງພາກ​ຕາວັນ​ອອກ. ຂະ​ແໜງ​ການ​ປູກຝັງ​ແມ່ນ​ຂະ​ແໜງ​ການ​ຜະລິດ​ກະສິກຳ​ທີ່​ສຳຄັນ​ກວ່າ​ໝູ່​ຂອງ​ຈີນ,ພືດ​ທັນ​ຍາ​ຫານ​ສຳຄັນ​ມີ​ເຂົ້ານານ້ຳ,​ເຂົ້າ​ເບຼ,​ເຂົ້າສາລີ​ແລະ​ໝາກ​ຖົ່ວ​ເປັນຕົ້ນ,ພືດ​ເສດຖະກິດ​ມີດ​ອກຝ້າຍ,ໝາກ​ຖົ່ວດິນ,ອ້ອຍ​ແລະ​ຜັກຫວານ​ເປັນຕົ້ນ.

ກະສິກຳ​ຂອງ​ຈີ​ນ​ໄດ້​ພັດທະນາ​ຢ່າງ​ວ່ອງ​ໄວຫຼັງຈາກ​ດຳ​ເນີນ​ການ​ປະຕິ​ຮູບ​ຢູ່​ຊົນ

ນະບົດ​ເມື່ອ​ປີ 1978 ​ແລ້ວ. ​ໃນ​ເວລາ 20 ກວ່າ​ປີມາ​ນີ້,ພາຍ​ໃຕ້​ຂອບ​ແຫ່ງ​ລະບອບ​ກຳມະ​ມິດ​ຮວມໝູ່,ການ​ປະຕິ​ຮູບ​ຊົນນະບົດ​ຂອງ​ຈີນ​ໄດ້​ຖື​ຕະຫຼາດ​ເປັນ​ສິ່ງ​ຊີ້​ນຳ,​ໄດ້​ບຸກ

ທະລຸ​ໂຄງ​ປະກອບ​ດັ້ງ​ເດີມ​ຢ່າງ​ກ້າຫານ,​ໄດ້​ຊອກ​ຄົ້ນຮູບ​ການ​​ໃໝ່​ໃນ​ການບັນລຸ​ເສດຖະ

ກິດ​ຮວມໝູ່​ໃຕ້​ເງື່ອນ​ໄຂ​ເສດຖະກິດ​ຕະຫຼາດ. ການ​ປະຕິ​ຮູບ​ໄດ້​ນຳ​ເອົາ​ຜົນ​ປະ​ໂຫຍ​ດ

ຕົວ​ຈິງ​ມາ​ໃຫ້​ຊາວນາ,​ໄດ້​ປົດ​ປ່ອຍ​ແລະ​ຂະຫຍາຍ​ກຳລັງ​ການ​ຜະລິດ​ຂອງ​ຊົນນະບົດ,ຊຸກ​ຍູ້​ກະສິກຳ ​ໂດຍ​ສະ​ເພາະ​ແມ່ນ​ການ​ຜະລິດ​ທັນ​ຍາ​ຫານ​ໃຫ້​ເພີ່ມ​ຂຶ້ນຢ່າງ​ວ່ອງ​ໄວ​ແລະ​​ໄດ້​ສັບ​ຊ້ອນອົງ​ປະກອບ​ກະສິກຳ​ໃຫ້​ດີ​ຂຶ້ນຢ່າງ​ບໍ່​ຢຸດ​ຢັ້ງ,​ເຮັດ​ໃຫ້​ກະສິກຳ​ຂອງ​ຈີນ​ໄດ້​ຮັບ​ໝາກຜົນ​ຢ່າງ​ເດັ່ນ​ຊັດ. ປັດຈຸບັນ,ຜົນ​ຜະລິດ​ທັນ​ຍາ​ຫານ,ດອກ​ຝ້າຍ,​ໃບ​ຢາ,ຊີ້ນ,​ໄຂ່,ປູ່​ປາ​ແລະ​ຜັກ​​ເປັນຕົ້ນຂອງ​ຈີນ​ລ້ວນ​ແຕ່​ເປັນ​ທີ​ໜຶ່ງ​ໃນ​ໂລກ.

​ໃນຫຼາຍປີ​ມາ​ນີ້ ລັດຖະບານ​ຈີນ​ໄດ້​ຖື​ການ​ພັດທະນາ​ກະສິກຳ​ເປັນ​ວຽກ​ງານ​ຈຸດ​ໜັກ​ໂດຍ​ຕະຫຼອດ,​ໄດ້​​ເພີ່ມ​ການ​ລົງທຶນ​ເຂົ້າ​ໃນ​ກະສິກຳ​ເລື້ອຍໆ,​ເຮັດ​ໃຫ້​ຊາວນາ​ມີ​ລາຍ​ໄດ້​ເພີ່ມ​ຂຶ້ນຢ່າງ​ບໍ່​ຂາດ​ສາຍ,​ເພື່ອ​ຄ່ອຍໆ​ບັນລຸ​ການ​ພັດທະນາ​ຊົນນະ​ບົດ​ກັບ​ຕົວ​ເມືອງ​ຢ່າງ​ກົມ​ກຽວກັນ.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ