ສະພາບ​ພື້ນ​ຖານ​ຂອງ​ອົງ​ປະກອບ​ອຸດສາຫະກຳ

ອົງ​ປະກອບ​ອຸດສາຫະກຳ​ແມ່ນ​ໝາຍ​ເຖິງ​ມາດຕາ​ສ່ວນ​ຂອງ​ປັດ​ໄຈ​ການ​ຜະລິດ​ລະຫວ່າງ​ບັນດາ​ຂະ​ແໜງ​ການ​ອຸດສາຫະກຳ​ແລະ​ການ​ພົວພັນ​ທີ່​ຕ່າງ​ອາ​ໄສ​ກັນ​ແລະ​ຕ່າງ​ຜູກ​ມັດ​ກັນ​ລະຫວ່າງ​ປັດ​ໄຈ​ເຫຼົ່ານີ້,ຕົ້ນຕໍ​ລວມທັງ​ການ​ພົວພັນ​ມາດຕາ​ສ່ວນ​ລະ

ຫວ່າງ​ກະສິກຳ,ອຸດສາຫະກຳ​ແລະ​ຂະ​ແໜງ​ການ​ບໍລິ​ການ​ແລະ​ການ​ພົວພັນ​ມາດຕາ​ສ່ວນ​ລະຫວ່າງ​ຂະ​ແໜງ​ການ​ຕ່າງໆ.

ຫຼັງຈາກ​ສະຖາປະນາ​ປະ​ເທດ​ຈີນ​ໃໝ່​ເມື່ອ​ປີ 1949 ​ເປັນຕົ້ນມາ,ອົງ​ປະກອບ​ອຸດສາຫະກຳ​ຂອງ​ຈີນ​ໄດ້​ຜ່ານ​ສາມ​ໄລຍະ​ພັດທະນາ​ຄື: ​ໄລຍະ​ທີ​ໜຶ່ງ​ແມ່​ແຕ່​ຕົ້ນຊຸມ​ປີ 50 ​ຮອດ​ທ້າຍ​ຊຸມ​ປີ 70 ສະຕະວັດ​ທີ່​ແລ້ວ,ຈີນ​ໄດ້​ປ່ຽນ​ແປງ​ຈຸດ​ພິ​ເສດ​ຂອງ​ເສດຖະ

ກິດ​ເຄິ່ງຫົວ​ເມືອງ​ຂຶ້ນຢ່າງ​ວ່ອງ​ໄວ,​ໄດ້​ສ້າງ​ພື້ນຖານ​ຫັນ​ເປັນ​ອຸດສາ​ຫະກຳ​ໃນ​ເບື້ອງ​ຕົ້ນ. ​ໄລຍະ​ທີ​ສອງ​ແມ່ນ​ແຕ່​ປີ 1979 ຮອດ​ຕົ້ນຊຸມ​ປີ 90 ສະຕະວັດ​ທີ່​ແລ້ວ,ຈີນ​ໄດ້​ດຳ​ເນີນ​ການ​ປະຕິ​ຮູບ​ແລະ​ໄຂ​ປະຕູ​ສູ່​ພາຍ​ນອກ,​ໄດ້​ສັບ​ຊ້ອນ​ອົງ​ປະກອບ​ອຸດສາຫະກຳ​ຢ່າງບໍ່

ຢຸດ​ຢັ້ງ,​ເຮັດ​ໃຫ້​ຈີນ​ເຂົ້າສູ່​ໄລຍະ​ກາງຂອງ​ການ​ຫັນ​ເປັນ​ອຸດສາຫະກຳ. ​ໄລຍະ​ທີ​ສາມ​ແມ່ນຫຼັງຈາກ​ຈີນ​ສະ​ເໜີ​ການ​ສ້າງ​ໂຄງ​ປະກອບ​ເສດຖະກິດ​ຕະຫຼາດສັງຄົມ​ນິຍົມ​ເມື່ອ​ຕົ້ນຊຸມ​ປີ 90 ສະຕະວັດ​ທີ່​ແລ້ວ ຈົນ​ຮອດ​ປີ 2020,​ໃນ​ຂະນະ​ທີ່​ບັນລຸ​ການ​ຫັນ​ເປັນ​ອຸດສາຫະກຳ​ນັ້ນ ຈີນ​ຈະ​ສຳ​ເລັດ​ການ​ຫັນ​ເປັນ​ຂໍ້​ມູນ​ຂ່າວສານ​ໃນ​ເບື້ອງ​ຕົ້ນ.

​ໃນ 50 ກວ່າ​ປີ​ມາ​ນີ້ ມາດຕາ​ສ່ວນ​ລະຫວ່າງ​ຂະ​ແໜງ​ການ​ສາມ​ຢ່າງ​ຂອງ​ຈີນ​ກໍ​ໄດ້​ມີ​ການ​ປ່ຽນ​ແປງ​ຂ້ອນ​ຂ້າງຫຼາຍ. ​ແຕ່​ຕົ້ນຊຸມ​ປີ 50 ສະຕະວັດ​ທີ່​ແລ້ວ​ຮອດ​ປີ 2002,ມາດຕາ​ສ່ວນ​ຂອງ​ກະສິກຳ​ຂອງ​ຈີນ​ໄດ້​ຫຼຸດຈາກ 45,4% ລົງ​ຮອດ 14,5% ​ໃນ​ປີ 2002; ມາດຕາ​ສ່ວນ​ຂອງ​ອຸດສາຫະກຳ​ໄດ້​ເພີ່ມ​ຈາກ 34,4% ຂຶ້ນຮອດ 51,8%; ມາດຕາ​ສ່ວນ​ຂອງ​ຂະ​ແໜງ​ການ​ບໍລິການ​ໄດ້​​ເພີ່ມຈາກ 20,2% ຂຶ້ນຮອດ 33,7%


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ