ສະພາບ​ເສດຖະກິດ​ໂດຍ​ສັງ​ເຂ​ບ

ຫຼັງຈາກ​ສະຖາປະນາ​ປະ​ເທດ​ຈີນ​ໃໝ່​ເມື່ອ​ປີ 1949​ ​ເປັນຕົ້ນມາ,​ເສດຖະກິດ​ຂອງ​ຈີນ​ໄດ້​ພັດທະນາ​ຂ້ອນ​ຂ້າງ​ໄວ. ​ໂດຍ​ສະ​ເພາະ​ແມ່ນ​ແຕ່​ດຳ​ເນີນ​ການ​ປະຕິ​ຮູບ​ແລະ​ໄຂ​ປະຕູ​ສູ່​ພາຍ​ນອກ​ເມື່ອ​ປີ 1978 ​ເປັນຕົ້ນມາ,​ເສດຖະກິດ​ຈີນ​ໄດ້​ພັດທະນາ​ໄປ​ໜ້າ​ຢ່າງ​ສືບ​ເນື່ອງ​ແລະ​ປອດ​ໄສ​ດ້ວຍ​ຈັງຫວະ 9% ທີ່​ສະ​ເລ່ຍຕໍ່​ປີ. ປີ 2003 ລວມ

ຍອດ​ຜະລິດ​ຕະພັນ​ພາຍ​ໃນ​ປະ​ເທດ​ຂອງ​ຈີນ​ໄດ້​ບັນລຸ 1400 ຕື້​ໂດ​ລາ​ສະຫະລັດ,ຍອດ​ປະລິມານ​ເສດຖະກິດ​ແມ່ນ​ຖັດຈາກ​ອາ​ເມ​ລິ​ກາ,ຍີ່​ປຸ່ນ,​ເຢຍລະ​ມັນ,ອັງກິດ​ແລະ​ຝຣັ່ງ,​ເປັນ​ທີ 6 ​ໃນ​ໂລກ. ນັບ​ມາ​ຮອດ​ທ້າຍ​ປີ 2003 ລວມຍອດ​ຜະລິດ​ຕະພັນ​ພາຍ​ໃນ​ປະ​ເທດ​ທີ່​ສະ​ເລ່ຍຕາມ​ຫົວ​ຄົນ​ຂອງ​ຈີນ​ໄດ້​ລື່ນ​ກາຍ 1000 ​ໂດ​ລາ​ສະຫະລັດ.

ປັດຈຸບັນ,ສະຖານະ​ການ​ລົງ​ທຶນ​ແລະ​ບໍລິ​ໂພ​ກຢູ່​ພາຍ​ໃນ​ປະ​ເທດ​ຂອງ​ຈີນ​ລ້ວນ​ແຕ່​ຢູ່​ໃນ​ຂັ້ນດີ. ປີ 2003 ການ​ລົງທຶນ​ຊັບ​ສິນ​ຄົງ​ທີ່​ໃນ​ທົ່ວ​ສັງຄົມ​ຈີນ 5500 ກວ່າ​ຕື້​ໂດ​ລາ​ສະຫະລັດ; ຍອດ​ມູນ​ຄ່າ​ສິ່ງ​ບໍລິ​ໂພ​ກ​ຂາຍຍ່ອຍ​ໃນ​ທົ່ວ​ສັງຄົມ​ເກືອບ 4600 ຕື້​ໂດ​ລາ​ສະຫະລັດ; ມູນ​ຄ່າ​ການ​ຄ້າ​ກັບ​ຕ່າງປະ​ເທດ 850 ກວ່າ​ຕື້​ໂດ​ລາ​ສະຫະລັດ,​ໄດ້​ລື່ນ​ກາຍ​ອັງກິດ​ແລະ​ຝຣັ່ງ,ພຽງ​ແຕ່​ຖັດຈາກ​ອາ​ເມ​ລິ​ກາ,​ເຢຍລະ​ມັນ​ແລະ​ຍີ່​ປຸ່ນ,​ເປັນ​ທີ 4 ​ໃນ​ໂລກ. ​ນັບ​ມາ​ຮອດ​ທ້າຍ​ປີ 2003 ຄັງ​ສຳຮອງ​ເງິນຕາ​ຕ່າງປະ​ເທດ​ຂອງ​ຈີນ​ໄດ້​ລື່ນ​ກາຍ 400 ຕື້​ໂດ​ລາ​ສະຫະລັດ,ພຽງ​ແຕ່​ຖັດຈາກ​ຍີ່​ປຸ່ນ,​ເປັນ​ທີ​ສອງ​ໃນ​ໂລກ.

​ເມື່ອ​ໄດ້​ດຳ​ເນີນ​ການ​ປະຕິ​ຮູບ​ໄຂ​ປະຕູ​ສູ່​ພາຍ​ນອກ​ແລະ​ສ້າງສາ​ໃຫ້​ທັນ​ສະ​ໄໝ​ເປັນ​ເວລາ 20 ກວ່າ​ປີ,ຈີນ​ໄດ້​ສຳ​ເລັດ​ການ​ຫັນປ່ຽນ​ຈາກ​ເສດຖະກິດ​ແຜນການ​ໄປ​ສູ່​ເສດຖະກິດ​ຕະຫຼາດສັງຄົມ​ນິຍົມ​ໃນ​ຂັ້ນພື້ນຖານ,​ໂຄງ​ປະກອບ​ເສດຖະກິດ​ຕະຫຼາດສັງ

ຄົມ​ນິຍົມ​ໄດ້​ຄ່ອຍໆ​ສ້າງຕັ້ງຂຶ້ນ​ແລະ​ປົວ​ແປງ​ໃຫ້​ດີ​ຂຶ້ນ. ສົມ​ຄູ່​ກັບ​ເລື່ອງ​ນີ້,ກົດໝາຍ​ກົດ​ບັນຍັດ​ຂອງ​ຈີນ​ກໍ​ໄດ້​ບູລະນະ​ໃຫ້​ສົມບູນ​ຂຶ້ນ​ເລື້ອຍໆ,ລະດັບ​ໄຂ​ປະຕູ​ສູ່​ພາຍ​ນອກ​ຂອງ​ຕະຫຼາດກໍ​ໄດ້​ກວ້າງ​ອອກ​ເລື້ອຍໆ,ສະພາບ​ແວດ​ລ້ອມ​ລົງທຶນ​ໄດ້​ປົວ​ແປງ​ໃຫ້​ດີ​ຂຶ້ນຢ່າງ​ບໍ່​ຂາດ​ສາຍ,ການ​ປະຕິ​ຮູບ​ໂຄງ​ປະກອບ​ການ​ທະນາຄານ​​ໄດ້​ດຳ​ເນີນ​ຢ່າງ​ໝັ້ນທ່ຽງ,ທັງ​ໝົດ​ເຫຼົ່ານີ້​ລ້ວນ​ແຕ່​ໄດ້​ສະໜອງ​ສິ່ງ​ຄ້ຳປະກັນ​ທີ່​ໄວ້​ໃຈ​ໄດ້​ໃຫ້​​ແກ່​ເສດຖະກິດ​ຈີນ​ສືບ​ຕໍ່​ພັດທະນາ​ໄປ​ໜ້າ.

ຫຼັງຈາກ​ເຂົ້າສູ່​ສະຕະວັດ​ໃໝ່​ແລ້ວ,ຈີນ​ໄດ້​ສະ​ເໜີ​ທັດສະນະ​ຄະຕິ​ຕື່ມ​ອີກ​ທີ່​ວ່າມະ

ນຸດ​ກັບ​ທຳ​ມະ​ຊາດ,ມະນຸດ​ກັບ​ສັງຄົມ,ຕົວ​ເມືອງ​ກັບ​ຊົນນະບົດ,ພາກ​ຕາ​ເວັນ​ອອກ​ກັບ​ພາກ​ຕາ​ເວັນ​ຕົກ,​ເສດຖະກິດ​ກັບ​ສັງຄົມ​ພັດທະນາ​ຢ່າງຮອບດ້ານ​ແລະ​ກົມກຽວ​ກັນ. ປີ 2002 ກອງ​ປະຊຸມ​ຜູ້​ແທນ​ທົ່ວ​ປະ​ເທດ​ຂອງ​ພັກ​ກອມ​ມູນິດ​ຈີນ​ຄັ້ງທີ 16 ​ໄດ້​ສະ​ເໜີ​​ເປົ້າໝາຍ​ສູ້​ຊົນທີ່ຮອດ​ປີ 2020 ຈະ​ສ້າງສັງຄົມ​ເຫຼືອຢູ່​ເຫຼືອກິນ​ຢ່າງຮອບດ້ານ.


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ