ສານ​ປະຊາຊົນ

ສານ​ປະຊາຊົນ

ສານ​ປະຊາຊົນ​ແມ່ນ​ອົງການ​ຕຸລາການ​ຂອງ​ລັດ. ລັດ​ສ້າງຕັ້ງ​ສານ​ປະຊາຊົນ​ສູງສຸ​ດ, ບັນດາ​ແຂວງ​ເຂດ​ປົກຄອງ​ຕົນ​ເອງ​ແລະ​ກຳ​ແພງ​ນະຄອນ​ຈັດ​ໃຫ້​ມີ​ສານ​ປະຊາຊົນ​ຂັ້ນ​ສູງ, ຖັດຈາກ​ນັ້ນ​ແມ່ນ​ສານ​ປະຊາຊົນ​ຂັ້ນ​ກາງ​ແລະ​ສານ​ປະຊາຊົນ​ຂັ້ນຮາກຖານ. ສານ​ປະຊາຊົນ​ສູງ​ສຸ​ດ​ແມ່ນ​ອົງການ​ຕັດສິນສູງ​ສຸດ​ຂອງ​ລັດ, ປະຕິບັດ​ສິດ​ຕຸລາການ​ຢ່າງ​ເປັນ​ອິດສະຫຼະ, ພ້ອມ​ກັນ​ນັ້ນ, ກໍ່ແມ່ນ​ອົງການ​ຕິດຕາມ​ກວດກາສູງ​ສຸດ​ຕໍ່ວຽກ​ງານ​ຕັດສິນຂອງ​ສານ​ປະຊາຊົນ​ທຸກ​ຂັ້ນ​ຂອງ​ທ້ອງ​ຖິ່ນ​ແລະ​ສານ​ປະຊາ​ຊົນ​ສະ​ເພາະ​. ສານ​ປະຊາຊົນ​ສູງ​ສຸດ​​ຮັບຜິດຊອບ​ແລະ​ລາຍ​ງານ​ວຽກ​ງານ​ຕໍ່​ສະພາ​ປະຊາຊົນ​ແຫ່ງ​ຊາດ​ຈີນ​ແລະ​ຄະນະ​ປະຈຳ​ສະພາ​ປະຊາຊົນ​ແຫ່ງ​ຊາດ​ຈີນ, ການ​ແຕ່ງ​ຕັ້ງປະ​ທານ​ແລະ​ຮອງ​ປະທານ​ສານ​ປະຊາຊົນ​ສູງ​ສຸດ​ແລະ​ກຳມະການ​ຂອງ​ຄະນະ​ກຳມະການຕັດສິນຂອງ​ສານ​ປະຊາຊົນ​ສູງ​ສຸດ​ແມ່ນ​​ສະພາ​ປະຊາຊົນ​ແຫ່ງ​ຊາດ​ຈີນ​ເປັນ​ຜູ້ຕົກລົງ.

ພາລະ​ໜ້າ​ທີ່ຂອງ​ສານ​ປະຊາຊົນ​ສູງ​ສຸດ​​ແມ່ນ​ຮັບຜິດຊອບຕັດສິນ​ຄະດີ​ອຸທອນ​ແລະ​ຕ້ານ​ການ​ຮ້ອງ​ຟ້ອງ​ທີ່​ບໍ່ຍອມຕໍ່ການ​ຕັດສິນ​ຊີ້ຂາດຂອງ​ສານ​ທ້ອງ​ຖິ່ນ​ແລະ​ຄະດີ​ຕ້ານ​ການ​ຮ້ອງ​ຟ້ອງ​ທີ່ອົງການ​​ໄອ​ຍະ​ການ​ປະຊາຊົນສູງສຸດສະ​ເໜີ​ອອກ​ມາ​ໂດຍ​ອີງ​ຕາມ​ລະບຽບ​ການ​ຕິດຕາມ​ກວດກາ​ການ​ຕັດສິນ; ສຳຫຼວດອະນຸມັດ​ການ​ຕັດສິນ​ປະຫານ​ຊີວິດ; ຖ້າ​ປະກົດເຫັນ​ການ​ຕັດສິນ​ຊີ້ຂາດ​ທີ່ມີ​ຜົນ​ບັຄັບ​ໃຊ້​ທາງ​ກົດ​ໝາຍ​ຂອງ​ສານ​ປະຊາຊົນ​ທຸກ​ຂັ້ນ​ນັ້ນມີ​ຄວາມ​ຜິດພາດ, ມີ​ສິດ​ຕັດສິນຫຼື​ສັ່ງ​ໃຫ້​ສານ​ຂັ້ນ​ລຸ່ມ​ຕັດສິນອີກ; ຕໍ່ການ​ຕ້ອງ​ໂທດ​ທີ່​ຂໍ້​ມາດຕາ​ຂອງກົດໝາຍ​ອາຍາ​ບໍ່​ໄດ້​ກຳນົດ​​ໄວ້​ຢ່າງ​ຈະ​ແຈ້ງ​ນັ້ນ, ມີ​ສິດສຳ​ຫຼວດອະນຸ​ມັດ​ການ​ແນ​ະນຳ​ໃຊ້​ອະນຸມານ​ດ້ວຍ​ການ​ປຽບທຽບ; ຕີ​ຄວາມ​ໝາຍ​ຕໍ່​ບັນຫາ​ຕ່າງໆ​ເຊັ່ນ: ຄວນ​ໃຊ້​ກົດໝາຍ​ລະອຽດ​ແນ​ວ​ໃດ​ໃນ​ຂະ​ບວນການ​ຕັດສິນ​ເປັນ​ຕົ້ນ.

ປະທານ​ສານ​ປະຊາຊົນ​ສູງ​ສຸດ​ຊຸດ​ປະຈຸ​ບັນ​ແມ່ນ​ທ່ານ​ຊຽວຢາງ


ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ