ຄະນະລັດຖະບານຈີນພ້ອມດ້ວຍກະຊວງແລະຄະນະກຳມະການ

ຄະນະລັດຖະບານ

ຄະນະ​ລັດຖະບານ​ຈີນ​ກໍ​ຄື​ລັດຖະບານ​ປະຊາຊົນ​ສູນ​ກາງ​ຈີນ,​ແມ່ນ​ອົງການ​ບໍລິຫານ​ແຫ່ງຊາດ​ສູນ​ສຸດ​ຂອງ​ຈີນ. ມັນ​ປະຕິ​ບັດ​ກົດໝາຍ​​ແລະ​ມະຕິທີ່ສະພາ​ປະຊາຊົນ​ແຫ່ງ​ຊາດ​ຈີນ​ແລະ​ຄະນະ​ປະຈຳ​ສະພາ​ປະຊາຊົນ​ແຫ່ງ​ຊາດ​ຈີນ​ວາງ​ອອກ​ແລະ​ຜ່ານ​ຮັບຮອງ,ຮັບຜິດຊອບ​ແລະ​ລາຍ​ງານ​ວຽກ​ງານ​ຕໍ່​ສະພາ​ປະຊາຊົນ​ແຫ່ງຊາດ​ຈີນ​ແລະ​ຄະນະ​ປະ​ຈຳ​ສະພາ​ປະຊາຊົນ​ແຫ່ງ​ຊາດ​ຈີນ. ຄະນະ​ລັດຖະບານ​ຈີນ​ມີ​ສິດທິ​ວາງ​ມາດ​ຕະການ​ບໍລິຫານ,ວາງ​ກົດ​ບັນຍັດ​ບໍລິຫານ, ປະກາດ​ຂໍ້ຕົກລົງ​ແລະ​ດຳລັດພາຍ​ໃນ​ຂອບ​ເຂດ​ສິດອຳນາດຂອງ​ຕົນ. ຄະນະ​ລັດຖະບານ​ຈີນ​ປະກອບ​ດ້ວຍນາຍົກລັດຖະມົນຕີ, ຮອງ​ນາຍົກລັດຖະມົນຕີ, ທີ່ປຶກສາ​ແຫ່ງ​ລັດ, ລັດຖະມົນຕີ​ຂອງ​ກະຊວງ​ຕ່າງໆ, ປະທານຄະນະ​ກຳມະການ​ຕ່າງໆ, ປະທານ​ສຳນັກງານ​ກວດກາບັນຊີ​ແລະ​ເລຂາທິການ​ໃຫຍ່​.

ນາຍົກລັດຖະມົນຕີ​ຈີນ​ຊຸດ​ປະຈຸ​ບັນ​ແມ່ນ​ທ່ານ​ເວິ່ນ​ເຈ່ຍ​ປາວ

ປະ​ຈຸ​ບັນ, ຄະນະ​ລັດຖະບານ​ຈີນ​ປະກອບ​ດ້ວຍ28​ຂະ​ແໜງ​ການ​ເຊັ່ນ: ກະຊວງ​ການ​ຕ່າງປະ​ເທດ, ກະຊວງ​ປ້ອງ​ກັນ​ປະ​ເທດ, ຄະນະ​ກຳມະການ​ພັດທະນາ​ແລະ​ປະຕິ​ຮູບ​ແຫ່ງ​ລັດ, ກະຊວງ​ສຶກສາ​ທິການ, ກະຊວງ​ວິທະຍາສາດ​ເຕັກ​ໂນ​ໂລ​ຢີ, ຄະນະ​ກຳມະການ​ວິທະຍາສາດ​ເຕັກ​ໂນ​ໂລ​ຢີ​ແລະ​ອຸດສາຫະກຳ​ປ້ອງ​ກັນ​ປະ​ເທດ, ຄະນະ​ກຳມະການ​ວຽງ​ການ​ຊົນ​​ເຜົ່າ​ແຫ່​ງລັດ, ກະຊວງ​ປ້ອງ​ກັນ​ຄວາມ​ສະຫງົບ, ກະຊວງ​ຮັກສາຄວາມ​ປອດ​ໄພ​ແຫ່ງ​ລັດ, ກະຊວງ​ຕິດຕາມກວດກາ​, ກະຊວງ​ການ​ປົກຄອງ​ແລະ​ປະຊາ​ສົງ​ເຄາະ, ກະຊວງ​ຍຸດຕິ​ທຳ, ກະຊວງ​ການ​ເງິນ, ກະຊວງບຸກຄະລາ​ກອນ, ກະຊວງ​ແຮງ​ງານ​ແລະ​ປະກັນ​ສັງຄົມ, ກະຊວງ​ທາງ​ລົດ​ໄຟ, ກະຊວງ​ຄົມມະນາຄົມ, ກະຊວງ​ທີ່ດິນ​ແລະ​ຊັບພະຍາກອນ​ທຳ​ມະ​ຊາດ, ກະຊວງ​ກໍ່ສ້າງ, ກະຊວງ​ອຸດສາຫະກຳ​ຂໍ້​ມູນ​ຂ່າວສານ, ກະຊວງ​ຊົນລະປະທານ, ກະຊວງ​ວັດທະນະທຳ, ກະຊວງ​ສາທາລະນະ​ສຸກ, ກະຊວງ​ກະສິກຳ, ກະຊວງ​ການ​ຄ້າ, ຄະນະ​ກຳມະການປະຊາກອນ​ແລະ​ວາງ​ແຜນ​ຄອບຄົວ​ແຫ່ງ​ລັດ, ທະນາ​ຄານປະຊາຊົນ​ຈີນ​ແລະ​ສຳນັກງານ​ກວດກາ​ບັນຊີ​.

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ