ກ່ຽວກັບ www.china.com ກ່ຽວກັບ ບໍລິສັດຄວບຄຸມຫຸ້ນສ່ວນສື່ມວນຊົນທົ່ວໂລກກົວກວາງ ຫຼື GMG ການບໍລິການດ້ານການໂຄສະນາຂາຍສິນຄ້າ ຕິດຕໍ່ພວກເຮົາ ສະຫງວນລິຂະສິດ

ກ່ຽວກັບ www.china.com

www.china.com ສ້າງຕັ້ງຂຶ້ນໃນເດືອນພຶດສະພາປີ 1999, ເປັນໜຶ່ງໃນເວັບໄຊທີ່ມີເນື້ອໃນສັງລວມທີ່ສ້າງຕັ້ງຂຶ້ນກ່ອນໝູ່ຂອງຈີນ. ຜ່ານຈາກການພັດທະນາເປັນເວລາ 15 ປີ, www.china.com ໄດ້ກາຍເປັນໜຶ່ງໃນເວັບໄຊອິນເຕີເນັດທີ່ມີຄຸນຄ່າທີ່ສຸດ ແລະກໍເປັນໜຶ່ງໃນສື່ມວນຊົນທາງອິນເຕີເນັດທີ່ມີບົດບາດທີ່ສຸດຂອງຈີນ. ປັດຈຸບັນ, www.china.com ມີຜູ້ຊົມເປັນປະຈຳນັບຫຼາຍສິບລ້ານຄົນ ເຊິ່ງຜູ້ຊົມເຫຼົ່ານັ້ນ, ຕົ້ນຕໍແມ່ນຜູ້ຊາຍໄວກາງຄົນທີ່ມີລະດັບການສຶກສາຊັ້ນສູງ, ມີລາຍໄດ້ສູງ ແລະມີຕຳແໜ່ງງານສູງ, ເຊິ່ງໄດ້ກວມເຖິງ 82% ຂອງຜູ້ຊົມ www.china.com ທັງໝົດ.

www.china.com ປະກອບດ້ວຍ 3 ພະແນກໄດ້ແກ່: ພະແນກພັດທະນາຊອບແວທາງໂທລະສັບມືຖື, ພະແນກພັດທະນາເກມອິນເຕີເນັດ ແລະພະແນກວຽກງານເລື່ອງລົດຍົນ ເຊິ່ງ www.china.com ໄດ້ຖືເອົາການໃຫ້ບໍລິການໂດຍກົງແກ່ຜູ້ເຂົ້າຊົມທັງຫຼາຍເປັນໃຈກາງ.

ໃນຖານະເປັນສື່ມວນຊົນທາງອິນເຕີເນັດສັງລວມ, www.china.com ມີຊ່ອງທະຫານຂອງຈີນທີ່ມີຜູ້ເຂົ້າຊົມຫຼາຍທີ່ສຸດໄດ້ແກ່ຊ່ອງທະຫານ www.china.com , ພ້ອມກັນນັ້ນ, ຍັງມີອີກສິບປາຍຊ່ອງ ເຊັ່ນ ຊ່ອງຂ່າວ, ການເງິນ, ບັນເທີງ, ກິລາ, ວິທະຍາສາດເຕັກໂນໂລຊີ, ການທ່ອງທ່ຽວ ແລະອື່ນໆ ເຊິ່ງຊ່ອງເຫຼົ່ານີ້ໄດ້ເຜີຍແຜ່ຂໍ້ມູນຂ່າວສານ ແລະການບໍລິການທີ່ຮອບດ້ານ ແລະທັນເຫດການສະເໜີຕໍ່ໂລກໃນທຸກໆວັນ.

www.china.com ມີອິດທິພົນທາງສັງຄົມ ແລະທາງຂະແໜງການທີ່ກວ້າງຂວາງ. ສະນັ້ນ, ກິດຈະກຳຕ່າງໆທີ່ຈັດຂຶ້ນໂດຍ www.china.com ໄດ້ກາຍເປັນເຫດການປະຫວັດການໃນຂະແໜງການອິນເຕີເນັດ: ພະແນກກ່ຽວກັບລົດຍົນໄດ້ເປັນເຈົ້າພາບຈັດ “ການປະກວດການອອກແບບລົດຍົນຈີນ” ເປັນ 6 ຄັ້ງຕິດຕໍ່ກັນ ແລະເປັນເຈົ້າພາບຈັດ “ການສຳຫຼວດລະດັບຄວາມສັດທາດ້ານການບໍລິໂພກໃນຕະຫຼາດລົດຍົນຈີນ” ເປັນ 6 ຄັ້ງຕິດຕໍ່ກັນ ເຊິ່ງກິດຈະກຳເຫຼົ່ານີ້ລ້ວນແຕ່ເປັນເຫດການສຳຄັນປະຈຳປີຂອງຂະແໜງການດັ່ງກ່າວ. ພະແນກພັດທະນາເກມອິນເຕີເນັດ www.china.com ໄດ້ຈັດ “ກອງປະຊຸມເວທີປຶກສາຫາລືກ່ຽວກັບເກມທີ່ຫຼິ້ນຕາມໜ້າເວັບໄຊຈີນ” ແລະ”ການປະກວດເກມທີ່ຫຼິ້ນຕາມໜ້າເວັບໄຊດີເດັ່ນ” ເປັນ 6 ປີຊ້ອນ, ເຊິ່ງໄດ້ສ້າງຊື່ສຽງໂດ່ງດັງໃນວົງການທີ່ກ່ຽວຂ້ອງ. ໂດຍສະເພາະແມ່ນກອງປະຊຸມເວທີປຶກສາຫາລືຄັ້ງທີ 6 ທີ່ທີ່ຈັດຂຶ້ນໃນປີ 2013 ໂດຍຈັດຮ່ວມກັບຄະນະກຳມະການວຽກງານເກມຈີນ ແລະອຳນາດການປົກຄອງຄຸ້ມໜານຫູນະຄອນເຈ່ຍຊິງແຂວງເຈີ້ຈ່ຽງຈີນ, ເຊິ່ງກອງປະຊຸມດັ່ງກ່າວນີ້ໄດ້ດຶງດູດຊ່ຽວຊານ ດ້ານສື່ມວນຊົນເກືອບພັນຄົນໃນທົ່ວປະເທດຈີນເຂົ້າຮ່ວມ ແລະເປັນງານມະໂຫລານທີ່ໄດ້ກວມທັງທຸກຂັ້ນຕອນຂອງຂະແໜງການ. ເວທີຂອງ www.china.com ຖືກຖືວ່າເປັນເວທີພາສາຈີນທີ່ໃຫຍ່ທີ່ສຸດໃນໂລກ, ໂດຍໄດ້ຮັບຫຼຽນ “ສື່ມວນຊົນທີ່ມີຄຸນຄ່າລົງທຶນໃຫຍ່ທີ່ສຸດ” ຈາກອົງການການເງິນສາກົນ ແລະຊ່ອງກ່ຽວກັບລົດຍົນຂອງ www.china.com ກໍຖືກຈັດໃຫ້ເປັນ “ຊ່ອງທີ່ມີຊື່ສຽງໃນຂະແໜງການອິນເຕີເນັດຂອງຈີນ” 3 ປີລຽນຕິດ.

ຂ່າວ:
ຂ່າວໂລກ ຂ່າວໂລກ ຂ່າວອາຊຽນ
ວີດີໂອ:
ວີດີໂອ
ພາບລວມ:
ພາບລວມ
ເປີດຕຳລາສຸພາສິດ:
ເປີດຕຳລາສຸພາສິດ
China ABC:
China ABC
ຮຽນພາສາຈີນ:
ຮຽນພາສາຈີນ